എൻ്റെ കോണ്ടാക്ട് നമ്പര് , അവള് എവിടുന്നോ സംഘടിപ്പിച്ചിട്ട് വിളിക്കുകയായിരുന്നു, എന്തിനാണെന്നോ?.നിങ്ങളവളോട് ചെയ്ത കാര്യങ്ങള്പറയാൻ, വേണ്ടി,,.എല്ലാം തുറന്ന് പറയാറുള്ള…..

രചന:-സജി തൈപ്പറമ്പ്, (തൈപ്പറമ്പൻ).

ഞാനും ഭാര്യയും രാവിലെ നടക്കാൻ പോയപ്പോഴാണ്, എതിരെ നടന്ന് വരുന്ന യുവതിയെ ഞാൻ ശ്രദ്ധിച്ചത്

കടൽ തീരത്തെ പൂഴിമണലിൽ കൂടി എല്ലാവരും നഗ്നപാദരായി നടക്കുമ്പോൾ അവൾ മാത്രം ഷൂസിട്ട് നടക്കുന്നത് കണ്ടിട്ടാണ് ആശ്ചര്യത്തോടെ ഞാൻ അവളുടെ മുഖത്തേയ്ക്ക് നോക്കിയത്

പെട്ടെന്ന് എൻ്റെ മനസ്സിൽ ഒരു വെള്ളിടി വെ,ട്ടി. അവൾക്കും എന്നെ മനസ്സിലായെന്ന് ആ തുറിച്ച് നോട്ടത്തിൽ നിന്നും എനിയ്ക്ക് മനസ്സിലായി

നെഞ്ചിടിപ്പോടെ ഞാൻ ഇടം കണ്ണിട്ട്ഭാ ര്യയെ നോക്കി, അവൾ കടലിലേയ്ക്ക് കൗതുകത്തോടെ നോക്കിക്കൊണ്ട് നടക്കുകയാ ണെന്നറിഞ്ഞപ്പോൾ എനിയ്ക്ക് തെല്ലാശ്വാസം തോന്നി.

പടച്ചോനെ അവൾ എന്നോട് ഇപ്പോൾ ഒന്നും ചോദിക്കരുതേ എൻ്റെ കുടുംബം കലക്കരുതേ

ഞാനുള്ളുരുകി പ്രാർത്ഥിച്ച് കൊണ്ട് തലകുനിച്ചിട്ട് മുന്നോട്ട് നടന്നു

എടീ റീനേ നീയും മോണിങ്ങ് വാക്കിന് വരാറുണ്ടോ ?

തൊട്ടടുത്തെത്തിയപ്പോൾ എൻ്റെ ഭാര്യയോടവൾ ചോദിച്ചത് കേട്ട് ഞാൻ പകച്ച് പണ്ടാരമടങ്ങിപ്പോയി പടച്ചോനെ ചതിച്ചാ? ഇവര് തമ്മിൽ ചങ്ങാതിമാരായിരുന്നോ ?എന്നാൽ ഇന്നത്തോടെ എല്ലാം തീർന്നു അവളിപ്പോൾ എൻ്റെ ഭാര്യയോട് എല്ലാം തുറന്ന് പറയും ,

ഡിസംബറിലെ ആ തണുത്ത വെളുപ്പാൻ കാലത്തും ഞാൻ നിന്ന് വിയർത്തു

ഹാലോ സർ ഗ്ളാഡ് ടു മീറ്റ് യു,

എൻ്റെ നേരെ ഷെയ്ക്ക്ഹാൻഡിനായി അവൾ കൈനീട്ടിയപ്പോൾ, അമ്പരപ്പോടെ ഞാനവളെ നോക്കി ,ഇവൾക്കെന്താ എന്നെ മനസ്സിലായെന്നുണ്ടോ?

ഹലോ!

ഉള്ളിലെ പെടപ്പ് മറച്ച് വച്ച് ഞാനവൾക്ക് ഷെയ്ക്ക്ഹാൻഡ് കൊടുത്തു

എന്നാൽ ശരിയെടി പിന്നെ കാണാം

ഭാര്യയോട് യാത്ര പറഞ്ഞ് അവൾ പോയപ്പോഴാണ് എനിയ്ക്ക് ശ്വാസം
നേരെ വീണത്.

നിങ്ങളെന്താ ആലോചിക്കുന്നത് ? അവളെ കുറിച്ചാണോ ? നിങ്ങള് പേടിക്കണ്ടാട്ടോ? അവളെന്നോട് എല്ലാം പറഞ്ഞിരുന്നു, നിങ്ങളെൻ്റെ ഭർത്താവാണെന്ന് , പിന്നീടവൾ എൻ്റെ fb അക്കൗണ്ട് കണ്ടപ്പോഴാണറിഞ്ഞത് ,കോളേജിൽ ഞങ്ങളൊരുമിച്ചായിരുന്നു ,അതിന് ശേഷം അവൾ ബാംഗ്ളൂരേയ്ക്ക് പോയി ,

പിന്നെ നാലഞ്ച് വർഷങ്ങൾക്ക് ശേഷം ഞങ്ങൾ കഴിഞ്ഞ ദിവസമാണ്, തമ്മിൽ സംസാരിക്കുന്നത് ,എൻ്റെ കോണ്ടാക്ട് നമ്പര് , അവള് എവിടുന്നോ സംഘടിപ്പിച്ചിട്ട് വിളിക്കുകയായിരുന്നു, എന്തിനാ ണെന്നോ?.നിങ്ങളവളോട് ചെയ്ത കാര്യങ്ങള്പ റയാൻ, വേണ്ടി,,.എല്ലാം തുറന്ന് പറയാറുള്ള.നിങ്ങളെന്തിനാ അക്കാര്യം മാത്രം. എന്നോട് മറച്ച് വച്ചത്? കാര്യം, എനിയ്ക്ക് വേണ്ടി വാങ്ങിച്ചോണ്ട് വന്ന ചുരിദാറ് , ഒരു പരിചയോമില്ലാത്ത ഒരുത്തിക്ക് കൊടുത്തെന്നറിഞ്ഞാൽ , എനിയ്ക്ക് ദേഷ്യം വരുമായിരുന്നു, പക്ഷേ ,നിങ്ങൾ ചെയ്തത്, അവളുടെ ജീവിതം തന്നെ മാറ്റി മറിയ്ക്കാൻ പോകുന്ന, ഒരു വലിയ നന്മയായിരുന്നെന്നറിഞ്ഞപ്പോൾ എനിയ്ക്കഭിമാനം തോന്നി , അവളുടെ അവസാന പ്രതീക്ഷയായിരുന്നു ആ ഇൻ്റർവ്യൂ, ആ ജോലിയും കിട്ടിയില്ലായിരുന്നെങ്കിൽ, സൂയിസൈഡ് ചെയ്യാനായിരുന്നു അവളുടെ പ്ളാൻ, കാരണം, അതിനും മാത്രം കടബാധ്യതകൾ, രോഗശയ്യയിലായിരുന്ന അവളുടെ ഭർത്താവിന് വേണ്ടി അവൾ വാങ്ങിച്ച് കൂട്ടിയിട്ടുണ്ടായിരുന്നു, ഒടുവിൽ ഭർത്താവ് മരണത്തിന് കീഴടങ്ങുകയും കൂടി ചെയ്തപ്പോൾ, അവൾക്ക് നില്ക്കക്കള്ളി ഇല്ലാതാവുകയായിരുന്നു, ആ സമയത്ത് ദൈവം ,നിങ്ങളുടെ രൂപത്തിൽ പ്രത്യക്ഷപ്പെട്ടതാവാമെന്നാണ് അവള് പറഞ്ഞത്.

എൻ്റെ ഭാര്യ പറഞ്ഞത് കേട്ടപ്പോൾ എനിയ്ക്ക് ആശ്വാസം മാത്രമല്ല അഭിമാനവും തോന്നി കഴിഞ്ഞ മാസമായിരുന്നു സംഭവം ജോലിസ്ഥലത്ത് നിന്ന് രണ്ടാഴ്ചയ്ക്ക് ശേഷമാണ് ഞാൻ നാട്ടിലേയ്ക്ക് വരുന്നത് തലേ ദിവസം പെയ്ത കനത്ത മഴയിൽ റോഡ് മുഴുവൻ വെള്ളക്കെട്ടായിരുന്നു ,ബസ്സ് , സ്റ്റോപ്പിൽ നിർത്തുന്നതിന് മുമ്പ് തന്നെ കൂടി നിന്നവരെല്ലാം സീറ്റ് പിടിക്കാനുള്ള വെപ്രാളത്തിൽ തിരക്കിട്ട് കയറുമ്പോഴാണ് ക്രീംകളറ് ചുരിദാറ് ധരിച്ച ആ സ്ത്രീ ഫുട്ട് ബോർഡിൽ നിന്നും കാല് വഴുതി നിലത്ത് ചെളിയിലേയ്ക്ക് വീണത് , ചുരിദാറിൻ്റെ സിംഹഭാഗവും ചെങ്കല്ല് നിറമായത് കണ്ട് സങ്കടത്തോടെ ,താനിനി എങ്ങനെ ഇൻ്റർവ്യൂ അറ്റൻ്റ് ചെയ്യും, എന്ന് ആരോടെന്നില്ലാതെ അവർ പുലമ്പുന്നത് കേട്ട് കൊണ്ടാണ്, ഞാൻ തൊട്ടടുത്ത ബസ്സിൽ നിന്നിറങ്ങുന്നത്?

മനസ്സലിഞ്ഞ ഞാൻ പെട്ടെന്ന് അവളോട് ചെന്ന് കാര്യം തിരക്കി, അപ്പോഴാണ് ഇൻ്റർവ്യൂവിന് പോകാനിറങ്ങിയതാണെന്നും ഈ ചളി പറ്റിയ ചുരിദാറിട്ട് കൊണ്ട് ഇനി പോകാൻ കഴിയില്ലെന്നും തിരിച്ച് വീട്ടിൽ പോയി മാറ്റി വരാനുള്ള സമയ വുമില്ലല്ലോ? എന്ന് പറഞ്ഞ് നിസ്സഹായതയോടെ അവൾ നിന്നപ്പോൾ ഞാൻ വേറൊന്നു മാലോചിച്ചില്ല ,എൻ്റെ ബാഗിനുള്ളിലിരിയ്ക്കുന്ന, ഭാര്യയ്ക്ക് ഏറ്റവും ഇഷ്ടപ്പെട്ട ,ലാവണ്ടർ കളറുള്ള ചുരിദാറ് ഞാൻ അവൾക്കെടുത്ത് കൊടുത്തു, ആദ്യം വാങ്ങാനൊരു മടി അവൾക്കുണ്ടായിരുന്നെങ്കിലും, എൻ്റെ നിർബന്ധം കൂടി ആയപ്പോൾ ,അവളത് വാങ്ങിയിട്ട്, ബസ്സ്റ്റാൻ്റിനകത്ത് തന്നെയുള്ള ബാത്റൂമിലേയ്ക്കവൾ നടന്ന് പോയി. റീനയോട് പറഞ്ഞാൽ ആയിരത്തിഅഞ്ഞൂറിൻ്റെ ചുരിദാറ് കൊടുത്ത് സഹായിച്ച എന്നെ , അവൾ വെറുതെ വിടില്ലെന്ന് തോന്നിയത് കൊണ്ടാണ്, ഞാനിത് വരെ പറയാതിരുന്നത്, പക്ഷേ പേടിച്ചത് പോലെ ഒന്നും സംഭവിച്ചില്ലല്ലോ? ഭാഗ്യം,,,,

☆☆☆☆☆☆☆☆☆☆