എഴുത്ത്:- സജി തൈപ്പറമ്പ്, (തൈപ്പറമ്പൻ )
ഒരു അശ്ലീല കഥ പയട്ടെ??കഥയല്ല അനുഭവമാണ് , മൂന്നാറ് സ്ഥിരതാമസമാക്കിയ കൂട്ടുകാരൻ്റെയും ഭാര്യയുടെയും നിരന്തരമായ നിർബന്ധം മൂലമാണ് അവരുടെ വീട്ടിലേയ്ക്ക് അന്ന് ഞങ്ങള് അതിരാവിലെ തന്നെ പുറപ്പെട്ടത്
വെളുപ്പിന് മൂന്ന് മണിക്ക് തുടങ്ങിയ യാത്രമൂന്നാറ് എത്തിയപ്പോഴേക്കും ഏഴ് മണിയോളമായി , ടെമ്പറേച്ചർ വെറും നാല് ഡിഗ്രിയിൽ എത്തി നില്ക്കുമ്പോഴുള്ള കാലാവസ്ഥ പ്രത്യേകിച്ച് പറയേണ്ടതില്ലല്ലോ?
ടൗണിലേയ്ക്ക് അടുക്കാനായപ്പോൾ മുതൽ മൂത്ര ശങ്ക തുടങ്ങിയ താണെങ്കിലും വഴിയിൽ നിന്ന് കാര്യം സാധിക്കാൻ പൊതുവെ മടിയുള്ള ഞാൻ അവരുടെ വീടെത്തിയിട്ട് യൂറിൻ പാസ്സ് ചെയ്യാമെന്ന് കരുതി പിടിച്ച് വച്ചിരിക്കുകയായിരുന്നു
ഒടുവിൽ വീടിന് മുന്നിൽ, കാറ് നിർത്തിയപ്പോൾ ഞങ്ങളെ കാത്ത് നിന്ന കൂട്ടുകാരനോട് ഞാൻ ആദ്യം ആവശ്യപ്പെട്ടത് എനിക്കൊന്ന് മൂത്രമൊഴിക്കണമെന്ന കാര്യമായിരുന്നു
ഉടനെ തന്നെ അവൻ എന്നെ അകത്തേയ്ക്ക് കൂട്ടിക്കൊണ്ട് പോയി , മൂത്രം നിറഞ്ഞ് ബ്ളാഡറ് പൊ,ട്ടുമെന്ന അവസ്ഥയിൽ നില്ക്കുന്ന എൻ്റെ ശരീര ഭാഷ മനസ്സിലായത് കൊണ്ടാവും അവൻ ഭാര്യയെ ഉറക്കെ വിളിച്ചു
ഡീ അവരെത്തീട്ടാ ,, നീയൊന്ന് വേഗമിറങ്ങിക്കേ , ദേ അവന് അത്യാവശ്യമായി യൂറിൻ പാസ്സ് ചെയ്യണമെന്ന്,,
അവൻ്റെ നിലവിളി കേട്ട് എനിയ്ക്ക് തന്നെ നാണക്കേട് തോന്നി, അവിടെ ആകെ ഒറ്റ ബാത്റൂമേ ഉണ്ടായിരുന്നുള്ളു ,കൂട്ടുകാരൻ്റെ വിളി കേട്ട് , ഇറങ്ങിവന്ന അവൻ്റെ ഭാര്യ , കുളിക്കാനൊരുങ്ങുവായിരുന്നെന്ന് മറിച്ചിട്ടിരിക്കുന്ന നൈറ്റി കണ്ടപ്പോൾ എനിയ്ക്ക് മനസ്സിലായിരുന്നു .
എന്നെ കണ്ടപ്പോൾ അവർ മന്ദഹസിച്ചത്, പരിഹാസത്തോടെയാണോ ? അതോ സൗഹൃദത്തോടെയാണോ എന്നൊന്നും ചിന്തിക്കാൻ നില്ക്കാതെ ,വേഗം തന്നെ ഞാൻ ബാത്റൂമിൽ കയറി കതകടച്ചു
സിബ്ബ് വലിച്ചൂരിയിട്ട് ബാത്റൂമിലെ വെള്ളം പോകാൻ വച്ചിരിക്കുന്ന ഓവിനെ ലക്ഷ്യമാക്കി ഞാൻ പിടിച്ച് വച്ചിരുന്ന മൂത്രത്തെ സ്വതന്ത്രമാക്കിയപ്പോൾ എനിയ്ക്ക് കിട്ടിയ ആശ്വാസം ചെറുതൊന്നുമല്ലായിരുന്നു
മൂത്രമാഴിച്ചിട്ട് കഴുകുന്ന ശീലമുള്ളത് കൊണ്ട് എൻ്റെ മുന്നിലുണ്ടായിരുന്ന രണ്ട് ടാപ്പുകളിൽ ഒന്ന് തുറന്ന് ഞാൻ , നേരെ അടിയിൽ വച്ച് കഴുകാൻ തുടങ്ങിയതേ ഓർമ്മയുള്ളു , തിളച്ച എണ്ണയിൽ വീണ എലിയെ പോലെ ഞാൻ അലറിപ്പോയി .
എൻ്റെ നിലവിളി കേട്ട് ഓടിയെത്തിയ കൂട്ടുകാരൻ കതകിൽ തട്ടി വിളിച്ചു.
എന്താടാ എന്താ പറ്റിയത്?
പറ്റിയ കാര്യം ഉറക്കെ പറയാൻ എൻ്റെ അഭിമാനം അനുവദിച്ചില്ല, എന്നിട്ടും ഞാനവനോട് ദയനീയതയോടെ ചോദിച്ചു
വാട്ടർ ഹീറ്റർ ഓണായി കിടക്കുന്ന കാര്യം നിൻ്റെ ഭാര്യ എന്നോട് പറഞ്ഞില്ലല്ലോടാ എന്ന്,,
മൂത്രമൊഴിക്കുന്നിടത്ത് തിളച്ച ചൂട് വെള്ളം വീണാലുള്ള അവസ്ഥ അതനുഭവിച്ചവർക്കേ അറിയൂ🥹🥹🥹🥹
♡♡♡♡♡♡♡♡♡♡
