ഹലോ.. ഹേയ്… എന്ത് പറ്റി..
മാധവ് ആ പെൺകുട്ടിയെ ഒന്ന് കുലുക്കി. അപ്പോളും അവൾ അവന്റെ കൈയിൽ കിടക്കുകയാണ്.
എടൊ… ഏയ്. കണ്ണ് തുറന്നെ.
അവൻ ചുറ്റിനും നോക്കി
ആരെ എങ്കിലും ഒരു സഹായത്തിനു കിട്ടുമോ എന്നറിയാൻ.
രണ്ടു പെൺകുട്ടികൾ നടന്നു വരുന്നുണ്ട്.
അവൻ കൈകാട്ടി വിളിച്ചതും അവർ ഓടി വന്നു
ഈ കുട്ടി തല കറങ്ങി വീണതാ. ഇത്തിരി വെള്ളം മുഖത്ത് തളിയ്ക്കാമോ.
അവൻ ചോദിച്ചതും അവരിൽ ഒരുവൾ water ബോട്ടിലെടുത്തു. എന്നിട്ട് വെള്ളം കുടഞ്ഞു. മെല്ലെ അവൾ കണ്ണ് ചിമ്മി തുറന്നു.
മാധവ് ന്റെ മുഖത്തേക്ക് സൂക്ഷിച്ചു നോക്കി. എന്നിട്ട് നേരെ നിൽക്കാൻ ശ്രെമിച്ചു…
സോറി….. തല കറങ്ങിയതാ.?അവൾ സാവധാനം പറഞ്ഞു.
.
ഇപ്പോൾ ഓക്കേ ആയോ.. അല്ലെങ്കിൽ ഹോസ്പിറ്റലിൽ പോകാം.
കുഴപ്പമില്ല.. ഓക്കേ ആണ്.
അപ്പോഴാണ് അവൻ അവളുടെ നെറ്റി ശ്രെദ്ധിച്ചത്.
എവിടെയോ ഇടിച്ചതു പോലെ ഒരു പാട് തിനിർത്തു കിടക്കുന്നു.
ഇതെന്താടോ.. താൻ എവിടെയെങ്കിലും വീണോ.
അവന്റെ മിഴികൾ ചുരുങ്ങിയപ്പോൾ അവളിൽ വല്ലാത്തൊരു നിസംഗ ഭാവം ആയിരുന്നു.
എന്താടോ……. തനിക്ക് ഒട്ടും വയ്യേ..
ഇല്ലാ..ഓക്കേ ആണ്. പിന്നെ വീണു.. വീട്ടിൽ വെച്ചു. അതിന്റെ തല കറക്കം.
ശരി..നിങ്ങള് ഇയാളെ കൂടി ഒന്ന് കൊണ്ട് പോണം കേട്ടോ. ഏത് ഡിപ്പാർട്മെന്റ് ആണ് നിങ്ങൾ
കെമിസ്ട്രി.. ആ പെൺകുട്ടികളിൽ ഒരുവൾ പറഞ്ഞു.
താനോ…
മാത്സ്…..
ഹമ്… എങ്കിൽ നിങ്ങൾ മൂന്നു പേരും പൊയ്ക്കോളൂ.
ഏത് ഡിപ്പാർട്മെന്റ് ആണ്.. ന്യൂ അഡ്മിഷൻ ആണോ. ഇവിടെ കണ്ടിട്ടില്ല അതാണ്.
പെൺകുട്ടികളിൽ ഒരുവൾ അവനോട് ചോദിച്ചു
ഹമ്.. ന്യൂ ആടോ.
അവൻ പറഞ്ഞതും മൂവരും കൂടി സാവധാനം നടന്നു പോയി.
രണ്ടു മൂന്നു ചുവട് വെച്ച ശേഷം വയ്യാത്ത പെൺകുട്ടി പതിയെ മുഖം തിരിച്ചു നോക്കി.
മാധവ് ആരെയോ ഫോൺ ചെയ്തു കൊണ്ട് നിൽപ്പുണ്ട്.
ഇഷാനീ… എന്ത് പറ്റിടാ. മുഖമൊക്കെ വല്ലാതെ.
.
ക്ലാസ്സിൽ എത്തിയതും പാറു ഓടി വന്നിട്ട് ഇഷാനിയുടെ അടുത്ത ഇരുന്നു.
അറിയില്ല ടാ.. ഒരു തല കറക്കം പോലെ വന്നു. ഒരാൾ പിടിച്ചു. ഇല്ലായിരുന്നുങ്കിൽ ഞാൻ വീണ് പോയേനെ.
ശോ.. നീ വാ. നമ്മൾക്കു ഹോസ്പിറ്റലിൽ പോകാം.
വേണ്ടടാ.. കുഴപ്പമില്ല..
ഇന്നെന്താ പറ്റിയെ.. വീട്ടിൽ എന്തേലും prblm.
അയാൾ വന്നിട്ടുണ്ട്..
ആര്…. ചെട്ടിയാരോ.
ഹ്മ്…
എന്ന്…?
ഇന്നലെ ഉച്ചയ്ക്ക്.
എന്നിട്ടോ.
അമ്മ ക്ലബ്ബിലേക്ക് പോയ സമയത്ത്…. ഇഷാനി വിങ്ങിപ്പൊട്ടി.
അപ്പോളേക്കും ഫസ്റ്റ് പീരീഡ്സ് സ്റ്റാർട്ട് ചെയ്യാനുള്ള ബെൽ മുഴങ്ങി.
മോളേ… നമ്മൾക്ക് പിന്നെ സംസാരിയ്ക്കാം. ഇത് അങ്ങനെ വിട്ടാൽ പറ്റില്ലല്ലോ. അവനെയൊരു പാഠം പഠിപ്പിക്കണം
നിനക്ക് അറിയില്ല, അയാളുടെ കാരക്റ്റർ. വെറും വൃത്തികെട്ടവൻ ആണ്.
സൂസൻ മാം വന്നതും അവർ രണ്ടാളും സംസാരം അവസാനിപ്പിച്ചു.
ഹായ്…..
ഗുഡ്മോർണിംഗ് മാം.
മോണിംഗ് മക്കളെ.. ഇരിയ്ക്ക് കേട്ടോ. Ajrak കോട്ടൺ സാരീയണിഞ്ഞു സ്ലീവ് less ബ്ലൗസും ഇട്ടു സിൽക്കി ഹെയർ അലസമായി ഇട്ടുകൊണ്ട് വെളുത്തു തുടുത്ത സൂസൻ മാഡം വന്നു നിൽക്കുന്നത് കാണാൻ തന്നെ എന്തൊരു ഭംഗിയാണ്ന്നു കുട്ടികൾ പറയും.
ക്ലാസ്സിലെ എല്ലാപിള്ളേരും ആയിട്ട് നല്ല കമ്പനിയാണ് അവർ.
മക്കളെ… ഞാനല്ല കേട്ടോ ഫസ്റ്റ് പീരിയഡ്… പ്രിൻസിപ്പൽ ഇങ്ങോട്ട് വരുന്നുണ്ട്.
എന്ത് പറ്റി മാം. റോഷൻ ആണ് ആദ്യം ശബ്ദമുയർത്തിയത്
പുതിയ sir വരുന്നുണ്ട്.
ങ്ങേ.. അതാരാ..
പലരുടെയും നെറ്റി ചുളിഞ്ഞു.
ആഹ് വരട്ടെ. നോക്കാം. എനിക്കും വല്യ ഐഡിയ ഇല്ലെടോ.
ചുള്ളനാണോ കിളവനാണോടാ..
പാത്തു ശബ്ദം താഴ്ത്തിയതും ഇഷാനി ചെറുതായ് ചിരിച്ചു..
പ്രിൻസിയുടെ കൂടെ അകത്തേക്ക് വരുന്ന മാധവിനെ കണ്ടപ്പ്പോൾ പാത്തുവിനെക്കാൾ കൂടുതൽ ഞെട്ടിയത് ഇഷാനി ആയിരുന്നു. കാരണം അവൾക്ക് അപ്പോളും അവന്റെ മണം ആയിരുന്നു. അവന്റെ ചൂട് അവളുടെ ശരീരത്തിലേക്ക് അറിയാതെ പ്രവഹിക്കുകയായിരുന്നു.
ഈശ്വരാ.. ഇത്… അവൾ ഒന്നുടെ അവനെ നോക്കി.
ഏട്ടൻ.. ഒരക്ഷരം പോലും എന്നോട് പറഞ്ഞില്ലാലോ.
പാത്തുവിന്റെ മുഖം കുത്തി വീർത്തു
മക്കളെ.. എല്ലാവർക്കും സുഖമല്ലേ..
അതെ സർ.. കോളേജ് principal നാരായണ സ്വാമി കുട്ടികളെ നോക്കി.
അതെ സർ.. സുഖം.
ഹ്മ്… വെരി good..
അയാൾ തന്റെ വലതു കൈയ്യുടെ തള്ള വിരൽ ഉയർത്തി.
ഇത് മാധവ് മേനോൻ. നമ്മുടെ ഈ സ്ഥാപനത്തിന്റെ ഹെഡ് ആയിട്ടുള്ള ഹരി നാരായണൻ സാറിന്റെ ഇളയ മകൻ.?ഒന്നുടെ വ്യക്തമാക്കിയാൽ ഈ ക്ലാസ്സിലെ പ്രാർത്ഥന മേനോന്റെ brother.
സാർ പറഞ്ഞപ്പോൾ കുട്ടികൾ എല്ലാവരും പ്രാർത്ഥനയെ നോക്കി.
ഒപ്പം ഇഷാനിയും.
ഇന്ന് മുതൽ സാറിവിടെ പ്രാക്ടീസ് ന് കയറുകയാണ് കേട്ടോ.വളരെ മികച്ച ഒരു എക്സ്പീരിയൻസ് ആയിരിക്കും നിങ്ങൾക്ക് ഒക്കെ ലഭിക്കുന്നത് എന്നെനിക്ക് ഉറപ്പുണ്ട്.
പിന്നീട് മാധവ് നെ കുറിച്ചുള്ള ഒരു പ്രഭാഷണം ആയിരുന്നു അയാൾ നടത്തിയത്.
പത്തു മിനിട്ട്നുള്ളിൽ പ്രിൻസി ഇറങ്ങി പോയി.
ഒപ്പം സൂസൻ മാഡവും..
മാധവ് നിറഞ്ഞ പുഞ്ചിരി യോടെ കുട്ടികളെ ഓരോരുത്തരെ ആയി നോക്കി. ഒടുവിൽ അവന്റെ മിഴികൾ തന്റെ സഹോദരിയിൽ ഉടക്കി നിന്നു.
പ്രതികാരദാഹിയായി രക്തം തുപ്പുന്ന കണ്ണുകളുമായി വലിഞ്ഞു മുറുകിയ മുഖത്തോടെ അവൾ ഇരിയ്ക്കുന്നത് കണ്ടതും മാധവ് ചെറുതായ് ഒന്ന് പകച്ചു.
തുടരും….