വൈകുന്നേരം കോളേജിൽ നിന്നും ഇറങ്ങവേ മാധവ് പ്രാർത്ഥനയുടെ അരികിലേക്ക് വന്നു.
അവൾ ആണെങ്കിൽ ആലുവ മണൽ പുറത്ത് വെച്ച കണ്ട പരിചയം പോലും അവനോട് കാണിച്ചില്ല.
പാത്തു… നമ്മൾക്ക് ഒരുമിച്ചു പോകാം.
അവൻ പറഞ്ഞുവെങ്കിലും അവൾ കേട്ടതായി ഭാവിയ്ക്കാതെ നടന്നു പോയി.
ടി.. പാത്തു.. ഞാൻ പാർക്കിങ്ങിൽ കാണും. നീ വരില്ലേ.
ഇല്ല..
അതെന്താ…
വീട്ടിൽ ചെന്നിട്ട് പറയാം.. ഇപ്പോൾ തത്കാലം ഏട്ടൻ പൊയ്ക്കോളൂ.
അവൻ ആവുന്നത്ര ശ്രെമിച്ചു നോക്കി. പക്ഷെ പാത്തു കൂടെ പോയില്ല.
ഇന്ന് വീട്ടിൽ സംഘർഷാവസ്ഥ ആയിരിക്കുമെന്നുള്ളത് അവൻ ഊഹിച്ചു.
അത് അതുപോലെ തന്നെആയിരുന്നു.
പാത്തുവിനു സർപ്രൈസ് കൊടുക്കാൻ പോയ മാധവ് നന്നായി വിഷമിച്ചു..
അച്ഛനും അമ്മയും സച്ചിയേട്ടനുമൊക്കെ അത് കണ്ടു ചിരിച്ചു.
ഓഹ്.. എന്തായിരുന്നു പെർഫോമൻസ് എല്ലാവരും അത് കണ്ടേണ്ട കാഴ്ച ആയിരുന്നു.
ദേ പാത്തു, ഞാനെന്ത് പെർഫോമൻസ് ആണ് പെണ്ണെ കാണിച്ചത്. നീ വെറുതെ ഇല്ലാക്കഥ മെനയല്ലേ,,
എന്നേ നാണം കെടുത്താൻ വേണ്ടിയല്ലേ ഈ ഡ്രാമയൊക്കെ കളിച്ചത്. അല്ലാണ്ട് സർപ്രൈസ് തരാൻ ആണെന്ന് പറഞ്ഞാൽ ഞാൻ ഒരിക്കലും വിശ്വസിക്കില്ല.
നീ ഇവിടെ അച്ഛനോടും അമ്മയോടും ചോദിച്ചു നോക്ക്. അവര് പറയും എന്താണ് സത്യമെന്ന്
ഒടുവിൽ മാധവ് അമ്മയുടെ നേർക്ക് നോക്കി പറഞ്ഞു.
അതെ പാത്തു… മാധവ് മറ്റൊന്നും ഓർത്ത് കൊണ്ട് അല്ല മോളെ. ഭദ്രയും മകന്റെ പക്ഷം ചേർന്ന് പറഞ്ഞു.
ഏട്ടൻ ഓവർ ആക്കി ചളമാക്കിയപ്പോൾ സമാധാനം ആയോ..
കലിപ്പില് സഹോദരനെ നോക്കിയിട്ട് അവൾ വേഗത്തിൽ തന്റെ മുറിയിലേയ്ക്ക് പാഞ്ഞു പോയി.
.
തലയിൽ കൈ വെച്ച് കൊണ്ട് മാധവ് സെറ്റിയിലേക്ക് ഇരുന്നു.
അവന്റെ ഇരുപ്പും ഭാവവും കണ്ടു ബാക്കി മൂന്നു പെരും അടക്കി ചിരിച്ചു.
☆☆☆☆☆☆☆☆
നിനക്ക് എന്താടി അവനെ കെട്ടാൻ സമ്മതം പറഞ്ഞാല്… അവനെന്താ ഒരു കുറവ്, പണം ഇഷ്ടം പോലെ ഇല്ലെ.. നിന്നെ ഇട്ടു മൂടാനുള്ള സ്വത്ത് ഇല്ലേ..പിന്നെ വേറെ എന്ത് വേണം നിനക്ക്
സുമിത്ര ആണെങ്കിൽ ഇഷാനിയുടെ നേർക്ക് ചീ.ത്ത വിളിച്ചു കൊണ്ട് നടന്നപ്പോൾ ആ പെൺകുട്ടി അവരെ ഒന്നു നോക്കുക പോലും ചെയ്തില്ല.
നിന്റെ നന്മയ്ക്ക് വേണ്ടിയാ ഞാനീ പറയുന്നത് എല്ലാം.. അതെന്താ നീ മനസിലാക്കാത്തത്.
സുമിത്ര അത് പറയുകയും അവൾ അവരെ ദേഷ്യത്തിൽ നോക്കി.
എന്റെ നന്മ…… കൊള്ളാം, വളരെ നന്നായിരിക്കുന്നു.അതും അമ്മയ്ക്ക് അങ്ങനെ ഒരു ബോധം ഉണ്ട് അല്ലെ.അവൾ ചിരിച്ചു.
നീയെന്താ ആളെ കളിയാക്കുവാണോ…
ഞാനോ… ഒരിക്കലുമില്ല. എന്റെ അമ്മയെ ഞാൻ ഒരിക്കലും കളിയാക്കില്ല. അത്രത്തോളം ആയിട്ടില്ലലോ ഇഷാനി…
ആഹ് എങ്കിൽ പറയുന്നത് അനുസരിച്ചാൽ മതി. ജയകൃഷ്ണൻ തീരുമാനിക്കും പോലെ ഇനി കാര്യങ്ങൾ… ആഹ് പിന്നെ എനിക്ക് നാളെ ഒരു ട്രിപ്പ് ഉണ്ട്.. തിരിച്ചു വരാൻ ഏകദേശം രണ്ടാഴ്ച്ച എടുക്കും..
പറഞ്ഞു കൊണ്ട് സുമിത്ര പുറത്തേക്ക് ഇറങ്ങി പോയി.
ഞാന് ജിമ്മിൽ പോകുവാ കേട്ടോ. നീ എന്നതെങ്കിലും വായിച്ചു പഠിക്കാന് നോക്ക്.
വാതിൽക്കൽ എത്തിയതും അവർ വിളിച്ചു പറഞ്ഞു
അവര് പോകുന്നതും നോക്കി ഇഷാനി കുറച്ചു സമയം കൂടി അതേ നിൽപ്പ് തുടർന്ന്.എന്നിട്ട് ബെഡിലേക്ക് അമർന്നിരുന്നു.
കണ്ണീർ ഒഴുകി വരുന്നുണ്ടോ ന്നു അവൾ നോക്കി..കവിളിൽ കൈത്തടം വെച്ചു പരിശോധിച്ച്.
ഇല്ല……ഒരു തുള്ളി പോലും വരുന്നില്ല.
നെടുവീർപ്പോട് കൂടി അവൾ അതെ ഇരുപ്പ് തുടർന്നു
പാത്തു ഫോൺ വിളിച്ചപ്പോൾ ആയിരുന്നു അവൾ മെല്ലെ എഴുന്നേറ്റത്.
ഹലോ പാത്തു…
ആഹ് ഇഷാനി,, നീ ബിസി ആണോടാ.
അല്ലടാ.. ഞാൻ വെറുതെ ഇരിയ്ക്കുവാ, നീ പറഞ്ഞോ.
ഞാനും വെറുതെ വിളിച്ചതാ. നിന്റെ അമ്മയുണ്ടോ അവിടെ..
ഇല്ലെടാ… അമ്മ ജിമ്മിൽ പോയി.
ഇന്നലത്തെ കാര്യം അമ്മ അറിഞ്ഞോ.
മം.. അയാൾ വിളിച്ചു പറഞ്ഞു.
എന്നിട്ടോ.
എന്നിട്ടെന്താ.. ഞാൻ വന്നപ്പോൾ അമ്മായിവിടെ ഭയങ്കര ഷോ ആയിരുന്നു.
നിന്നെ സപ്പോർട്ട് ചെയ്തോ….പാത്തുവിന് സംശയമായി.
എന്നെയോ… കൊള്ളാം നല്ല കഥ. അതും എന്റെയമ്മ.
ഇഷാനി ചിരിച്ചു.
പിന്നെ???
എടാ അവനു എന്നെ കല്യാണം കഴിക്കണം. അതിന് ഞാൻ സമ്മതിച്ചു കൊടുക്കണം. ഏത് നിമിഷവും ആ ഒരു മുഹൂർത്തം പ്രതീക്ഷിച്ചു കൊള്ളാൻ അമ്മ പറയുന്നത്.
ഇഷാനി…..നീ എന്തൊക്കെയാ ഈ പറയുന്നത്പാ.ത്തു ഉച്ചത്തിൽ ചോദിച്ചു
അതേടാ… സത്യമാണ്.. എന്റെ അമ്മ അങ്ങേർക്ക് ഫുൾ സപ്പോർട്ട് ആണത്രെ. കാരണം അമ്മയുടെ നെടുംതൂണ് അയാൾ ആണ്. മകൾക്ക് യാതൊരു സ്ഥാനവുമില്ല..
പറയുമ്പോൾ വാക്കുകൾ ഇടാറാതെ സംസാരിക്കുവാന് അവൾ പരമാവധി ശ്രെമിച്ചു.
സങ്കപെടേണ്ട… എന്തെങ്കിലും വഴി നോക്കാം, അഥവാ അങ്ങനെ ഒരു ഉദ്ദേശത്തോടെ അയാൾ വന്നിട്ടുണ്ടെങ്കിൽ നീ എന്നേ ജസ്റ്റ് ഒന്നു വിളിച്ചാൽ മതി മ
ഉടനെ ആ പേടിയില്ലെടാ. കാരണം അമ്മ രണ്ട് ആഴ്ച ബിസിനസ് ടൂർ പോകുവാ, രണ്ടാഴ്ച എന്ന് പറഞ്ഞു പോയാൽ പിന്നെ കുറഞ്ഞത് രണ്ട് മാസം എടുക്കും അമ്മ മടങ്ങി വരാന്. അതുകൊണ്ട് ഉടനെ കല്യാണം നടക്കില്ലന്നാണ് എന്റെയൊരു calculation.
പാത്തുവിനോട് ഏറെ നേരം സംസാരിച്ച ശേഷം ആയിരുന്നു ഇഷാനി ഫോൺ കട്ട് ചെയ്തത്. അതവൾക്ക് വലിയ ആശ്വാസമായിരുന്നു താനും.
അതെപ്പോഴും അങ്ങനെ തന്നെയാണ്.. എത്ര വലിയ ദുഃഖത്തിൽ ഇരുന്നാലും പാത്തു വിന്റെ ഒരു ഫോൺ കാൾ മാത്രം മതി, ഇഷാനി യ്ക്ക് സമാധാനം ആകും.
കിടക്കയിൽ നിന്നെഴുന്നേറ്റ് ഒന്നു കുളിച്ചു ഫ്രഷ് ആവാനായി അവൾ വാഷ് റൂമിലേക്ക് പോയി..ആ നേരത്ത് ഇഷാനിയുടെ കഥകൾ കേട്ടുകൊണ്ട് പാത്തുവിന്റെ അടുത്തിരുന്നു ചായ കുടിയ്ക്കുകയാണ് മാധവ്
തുടരും