ഇഷാനിയോട് യാത്രപറഞ്ഞ് തിരികെ വീട്ടിലേക്ക് മടങ്ങുമ്പോൾ പാത്തുവിന്റെ വാക്കുകളിൽ മുഴുവനും അവൾ മാത്രമായിരുന്നു.
അവളുടെ അമ്മയെക്കുറിച്ച് പറയുമ്പോഴൊക്കെ പാത്തൂ രോഷാകുലയായിരുന്നു.
മാധവ് അത്രമാത്രം ഇഷാനിയെ കുറിച്ചൊന്നും കാര്യമായിട്ട് അവളോട് തിരക്കുവാൻ പോയില്ല. എന്നാൽ പാത്തു പറയുന്നതൊക്കെ അവൻ ശരിക്കും കേൾക്കുന്നുമുണ്ട്.
ഏട്ടൻ എന്താ ഒന്നും പറയാത്തത്..
പാത്തുവിന് ദേഷ്യമായി ഞാൻ പ്രത്യേകിച്ച് എന്ത് പറയാനാ പാത്തു ഇഷാനിയുടെ അമ്മയല്ലേ കാര്യങ്ങളൊക്കെ തീരുമാനിക്കുന്നത് . അതിനിടയ്ക്ക് നമ്മൾ എന്തു പറഞ്ഞിട്ടും കാര്യമില്ല.
ഇതങ്ങനെ വിട്ടാൽ പറ്റില്ല ചേട്ടാ എന്തെങ്കിലും ഒരു തീരുമാനം എടുത്തേ പറ്റൂ . അല്ലെങ്കിൽ എനിക്ക് എന്റെ ഇഷാനിയെ എന്നെന്നേക്കുമായി നഷ്ടമാകും.
ഇഷാനിക്ക് സ്വന്തമായിട്ട് തീരുമാനമെടുക്കാൻ അറിയില്ലേ പാത്തു..
ആ കുട്ടിക്ക് അത്യാവശ്യം വിവരവും വിദ്യാഭ്യാസവും ഒക്കെ ഉള്ള ആളല്ലേ. ഒരു പ്രായപൂർത്തിയായ പെൺകുട്ടിയല്ലേ. അവൾക്ക് അവളുടെ അമ്മയുടെമുൻപിൽ സ്ട്രോങ്ങ് ആയിട്ട് കാര്യം പറയാൻ പറ്റില്ലേ.
ഇഷാനി ഒരു പാവം പെൺകുട്ടിയാണ്.. തീർത്തും പാവമാണ് അവൾ. അവളുടെ അമ്മയോട് അങ്ങനെ പ്രതികരിക്കുവാൻ ഒന്നും അറിയില്ല. ആരെങ്കിലും എന്തെങ്കിലും പറഞ്ഞാൽ തന്നെ അവൾക്ക് അറിഞ്ഞുകൊണ്ട് ഏതെങ്കിലും ഒരു മൂലയ്ക്ക് ഇരിക്കും.
അപ്പൊ പിന്നെ കുഴപ്പമില്ല പാത്തു. അവൾ കരഞ്ഞു കൊണ്ടിരിക്കട്ടെ.
മാധവ് പറഞ്ഞതും പാത്തുവിന് ദേഷ്യം വന്നു.
ഏട്ടന് വിഷമം ഒന്നും കാണില്ല എന്നാൽ അതുപോലെയല്ല ഞാന്, എനിക്ക് അവളെന്റെ ജീവന്റെ ജീവനാണ്.
ഹമ്.. ആയിക്കോട്ടെ.
അവൻ തല കുലുക്കി.
ദുഷ്ടനാ ഏട്ടൻ. കണ്ണിൽ ചോര ഇല്ലാത്തവൻ.
ഓഹ്…സന്തോഷം..
അവൻ വീണ്ടും തലകുലുക്കി.
വീട്ടിലെത്തിയശേഷം ഭദ്രയോടും ഹരിയോട് ഒക്കെ പാത്തു ഈ കാര്യങ്ങൾ എല്ലാം വള്ളി പുള്ളി വിടാതെ പറഞ്ഞു കേൾപ്പിച്ചു.
ആ കുട്ടിയുടെ കാര്യം വളരെ കഷ്ടമാണല്ലോ ഹരിയേട്ടാ ഇനി എന്താണ് ചെയ്യുന്നത്.
ഭദ്രയ്ക്കു പാത്തു പറയുന്നത് കേട്ടപ്പോൾ ഒരുപാട് സങ്കടമായി.
നമ്മൾ ഇപ്പോൾ എങ്ങനെ ഇടപെടും, ആ കുട്ടിയുടെ അമ്മ, ആ സ്ത്രീ ഏത് രീതിയിലായിരിക്കും പ്രതികരിക്കുക എന്ന് നമുക്ക് അറിയില്ലല്ലോ.
എന്താ അച്ഛാ ഒരു വഴി.. ഇഷാനി എങ്ങനെ രക്ഷിക്കും.
പാത്തുവിന് ആകെ വിഷമമായി.
മോളെ,, നീ
ടെൻഷനടിക്ക്ന്നും വേണ്ട. നമുക്ക് എന്തെങ്കിലും വഴി നോക്കാം കെട്ടോ.
ഹരി മകളെ ആശ്വസിപ്പിക്കുകയാണ്.
ആ സമയത്ത് ആയിരുന്നു ഹരിയെ അശോകൻ വിളിക്കുന്നത്.
നന്ദനയുടെ അച്ഛനാണ് അശോകൻ.
അതായത് ഹരിയുടെ മൂത്തമകൻ സച്ചു വിവാഹം ചെയ്യാൻ പോകുന്നത് നന്ദനയെയാണ്. രണ്ടാളും തമ്മിൽ പരസ്പരം പ്രണയിച്ച് വിവാഹം കഴിക്കാൻ പോകുന്നവരാണ്.
ഒരുമിച്ചയിരുന്നു ഇരുവരും കോളേജിൽ പഠിച്ചത്.. ആദ്യം രണ്ടുപേരും കട്ട ഫ്രണ്ട്സ് ആയിരുന്നു പിന്നീട് ആ ഫ്രണ്ട്ഷിപ്പ് പതിയെ പ്രണയം ആയി മാറുകയായിരുന്നു.
ഹരിയപ്പോൾ തന്നെ അശോകനും ഒരു ബിസിനസ് മാൻ ആണ്. അവരുടെ അത്രയും പണവും പ്രതാപവും ഇല്ലെങ്കിലും അത്യാവശ്യം തരക്കേടില്ലാത്ത ഒരു കുടുംബക്കാര് തന്നെയാണ് അശോകന്റേത്.
നന്ദനയ്ക്ക് ഇളയവളായി ഒരു അനുജത്തിയുണ്ട്.
നക്ഷത്ര എന്നാണ് അവളുടെ പേര്. എൻജിനീയറാണ് അവള്.
അശോകനും ഭാര്യ ഗീതയും വിവാഹ കാര്യത്തെക്കുറിച്ച് സംസാരിക്കുവാനാണ് ഹരിയെ വിളിച്ചത്..
നന്ദന വിദേശത്ത് ആയിരുന്നു. കുറച്ചു ദിവസങ്ങൾ ആയുള്ളൂ നാട്ടിലെത്തിയിട്ട്. ഇനിയിപ്പോ അവളും സച്ചുവിനോടൊപ്പം ബിസിനസ് രംഗത്തേക്ക് വരുവാനാണ് പ്ലാന്.
ഹരി തിരക്കില്ലെങ്കിൽ ഭദ്രയെയും കൂട്ടി അടുത്ത ദിവസം ഇറങ്ങാമോ എന്നും കുട്ടികളുടെ രണ്ടാളുടെയും ജാതകം പരിശോധിച്ച് മുഹൂർത്തം കുറുപ്പിക്കാം എന്നുമൊക്കെ ആയിരുന്നു അശോകൻ പറഞ്ഞത്.
സച്ചു വന്നിട്ടില്ലെന്നും അവനോടുകൂടി ആലോചിച്ചിട്ട് രാത്രിയിൽ തന്നെ തിരികെ വിളിക്കാം എന്നും ഹരി മറുപടി നൽകി എന്നിരുന്നാലും ശരി ഒരുപാട് വെച്ച് താമസിപ്പിക്കാതെ എത്രയും പെട്ടെന്ന് വിവാഹം നടത്തുവാനുള്ള കാര്യങ്ങളൊക്കെ നമുക്ക് റെഡിയാക്കാം എന്ന് ഹരി പറഞ്ഞു.
വിവാഹത്തെക്കുറിച്ച് കേട്ടതും പാത്തുവിനും അമ്മയ്ക്കും ഒക്കെ സന്തോഷമായി.
ഒക്കെ കഴിഞ്ഞ് ചായ കുടിക്കാനായി ഇറങ്ങിവന്ന മാധവും കേട്ടിരുന്നു അവർ സംസാരിക്കുന്നതൊക്കെ.
അശോക് അങ്കിൾ ആണോ അച്ഛാ വിളിച്ചത്.
അതെ മോനെ.. നന്ദനമോൾ വന്നല്ലോ അപ്പൊ പിന്നെ ഇനി കാര്യങ്ങളൊക്കെ പെട്ടെന്ന് ആക്കിയാലോ എന്ന് ചോദിക്കുകയായിരുന്നു.
മ്മ്..
അച്ഛൻ എന്തു പറഞ്ഞു?
നമ്മൾക്കാർക്കും സമ്മതക്കുറവ് ഒന്നുമില്ലല്ലോ പിന്നെ സച്ചിൻ കൂടി വരട്ടെ. അവനോടുകൂടി ആലോചിച്ചിട്ട് പറയാം എന്ന് ഞാൻ മറുപടി കൊടുത്തത്.
ആഹ്…
അവൻ തല കുലുക്കി.
പാത്തു ആണെങ്കിൽ അവന്റെ ഓപ്പോസിറ്റ് ഇരുന്ന് ചായ കുടിക്കുന്നുണ്ട്. ഒപ്പം അവൾ ഇഷാനിയോട് ആണെന്ന് തോന്നുന്നു ഫോണിൽ സംസാരിക്കുന്നുമുണ്ട്.
ഒന്ന് രണ്ട് മിനിറ്റുകൾക്കുള്ളിൽ പാത്തു ഫോൺ കട്ട് ചെയ്തു.
ആ തള്ളച്ചി എങ്ങോട്ടോ കെട്ടിയെടുക്കുന്നുണ്ട്. പിശാച്….
പാത്തു പിറുപിറുത്തു.
ആരുടെ കാര്യമാ മോളെ നീ പറയുന്നത്
അത് പിന്നെ അച്ഛാ ഇഷാനിയുടെ അമ്മ എവിടെക്കോ ടൂറ് പോവുകയാണ് ഒരുമാസം എങ്കിലും എടുക്കും മടങ്ങിവരാൻ എന്ന് അവൾ പറഞ്ഞു അത്രേം നാൾ അവൾക്ക് സമാധാനത്തോടെ കഴിയാലോ
അമ്മയില്ലാത്തപ്പോൾ ആ പയ്യൻ ഉപദ്രവിക്കാൻ വരുമോ മോളെ.
ഭദ്രയ്ക്ക് സംശയം ആയി.
അറിയില്ല അമ്മേ. എന്തായാലും നോക്കാം, പക്ഷേ ഒരു കാര്യം ഉറപ്പാണ് എന്റെ ഇഷാനിയെ ഇനി അവിടെ കിടന്നു പന്തു തട്ടാൻ ഞാൻ സമ്മതിക്കില്ല. ഇനി എന്തെങ്കിലും പ്രശ്നം ഉണ്ടായാൽ അവളെ ഞാൻ ഇങ്ങോട്ട് കൂട്ടിക്കൊണ്ടുപോരും അതുറപ്പാണ്
പാത്തു എന്തൊക്കെയോ തീരുമാനിച്ച മട്ടിൽ പറഞ്ഞു.
തുടരും….