ഇഷാനി എന്നുള്ള മാധവിന്റെ അലർച്ചയിൽ ക്ലാസിലെ കുട്ടികൾ എല്ലാവരും അടങ്ങിപ്പോയി.
കം ഹിയർ…. അവൻ ശബ്ദമുയർത്തിയതും ഇഷാനി പേടിയോടുകൂടി മാധവന്റെ അരികിലേക്ക് ചെന്നു.
ഈ ക്ലാസിലെ എല്ലാ കുട്ടികളും വളരെ നന്നായിട്ട് പഠിച്ചാണ് എക്സാം എഴുതിയത്. താൻ മാത്രം എന്താണ് ഈ കാണിച്ചു വച്ചിരിക്കുന്നത്.. അവൻ ആൻസർ ഷീറ്റ് അവളുടെ നേർക്ക് നീട്ടി.
പാവം ഇഷാനി അവളുടെ മുഖം കുനിഞ്ഞു.
സോറി സർ
സോറിയോ… ഞാൻ ചോദിച്ചതിന്റെ ആൻസർ ആണോ സോറി എന്നുള്ളത്.
പഠിക്കാൻ പറ്റിയില്ല…
ഇതെന്താ പഠിക്കാൻ പറ്റാതിരിക്കാൻ മാത്രം തനിക്ക് എന്തുപറ്റി.. കോളേജിലേക്ക് വരുന്നത് പഠിക്കാനല്ലേ അതോ വേറെ വല്ല പരിപാടിക്ക് ആണോ. അവൻ ദേഷ്യത്തിൽ ചോദിച്ചതും ഇഷാനിയുടെ മിഴികൾ നിറഞ്ഞു.
കരഞ്ഞു കാണിച്ച് എന്തും നേടിയെടുക്കാം എന്നൊരു ഭാവമുണ്ടോ തനിക്ക് ഉണ്ടെങ്കിൽ അതൊക്കെ വീട്ടിൽ വെച്ചാൽ മതി ഇവിടേക്ക് വരുന്നത് പഠിക്കാനാണ് എന്റെ ക്ലാസിൽ എല്ലാ സ്റ്റുഡൻസും കൃത്യമായി പഠിക്കണം, ഞാൻ പറയുന്ന കാര്യങ്ങൾ ശ്രദ്ധിച്ചിരി ക്കണം, എക്സാം ഉണ്ടെന്ന് പറഞ്ഞാൽ അതിന് പ്രിപ്പയേർഡ് ആയി തന്നെ വേണം വരാൻ. അല്ലാതെ ഇഷാനിയെപ്പോലെ ഇവിടെ ആരും മേലിൽ വന്നു പോകരുത്.
അവൻ മറ്റു കുട്ടികളെ എല്ലാവരെയും നോക്കി കൊണ്ടാണ് അത് പറഞ്ഞത്.
250 ടൈംസ് എന്നെ ഈ ക്വസ്റ്റ്യൻ ആൻസർ എഴുതി കാണിച്ചിട്ട് നാളെ ഇയാളെ ക്ലാസ്സിൽ കയറിയാൽ മതി.
മാധവ് പറഞ്ഞത് കേട്ടതും കുട്ടികളുടെ വാ പൊളിഞ്ഞു പോയി.
250 ടൈംസ്… ആരും ഒരക്ഷരം പോലും മിണ്ടാതിരിക്കുകയാണ്. ഒരു മൊട്ടു സൂചി പോലും താഴെ വീണാൽ കേൾക്കാത്ത അത്ര നിശബ്ദത ആ ക്ലാസിൽ തളംകെട്ടി നിന്നു.
പാത്തു പോലും ആകെ വല്ലാത്ത ഒരു അവസ്ഥയിലാണ്.. മാധവിന്റെ അരികിലായി കരഞ്ഞുകൊണ്ട് നിൽക്കുന്ന ഇഷാനിയെ കാണുംതോറും അവൾക്ക് ചങ്കുപൊട്ടി. ഒപ്പം തന്നെ തന്റെ സഹോദരനോട് വല്ലാത്ത അമർഷവും തോന്നി. കാരണം ഏട്ടന് സകല കാര്യങ്ങളും അറിയാവുന്നതാണ് ആ സ്ഥിതിക്ക് അവളോട് ഇങ്ങനെ പെരുമാറിയത് വളരെ മോശമായിപ്പോയി.
ഇവിടെ നിന്നും മോങ്ങാതെ പോയി പ്ലേസിൽ ഇരിക്ക്. മാധവ് പറഞ്ഞതും ഇഷാനി കണ്ണുകൾ തുടച്ചു കൊണ്ട് തന്റെ ഇരിപ്പിടത്തിലേക്ക് വന്നു. അവൾ അരികിലായി വന്നിരുന്നതും പാത്തു മെല്ലെ ഒന്ന് തോണ്ടി.
സോറിഡാ…
പാത്തു പറഞ്ഞതും ഇഷാനി ചെറുതായി ഒന്ന് പുഞ്ചിരിക്കാൻ ശ്രമിച്ചു.
ഞാൻ പഠിപ്പിക്കുന്ന കാര്യങ്ങൾ ശ്രദ്ധിച്ചിരുന്നോണം. അല്ലാതെ ആവശ്യമില്ലാത്ത കാര്യങ്ങൾ ചിന്തിച്ച് ഇവിടെ ഇരിക്കാമെന്ന് ഇഷാനി കരുതണ്ട.
മാധവ് ശബ്ദമുയർത്തിയപ്പോൾ ഇഷാനി വേഗം തന്നെ ടെക്സ്റ്റ് ബുക്ക് തുറന്നു.
കുട്ടികളെല്ലാവരും വളരെ ശ്രദ്ധയോടെയാണ് അവന്റെ ക്ലാസ്സിൽ പിന്നീടിരുന്നത്. ചിലർക്കൊക്കെ അവനോട് ദേഷ്യം തോന്നി. എങ്കിലും പിടിച്ചിരിക്കാതെ വേറെ വഴിയില്ല.
പിന്നെ ഇഷാനിക്കും തെറ്റുണ്ട് കാരണം സാറ് പഠിച്ചിട്ട് വരണമെന്ന് പറഞ്ഞ സ്ഥിതിക്ക് അവൾ മാത്രം എന്താണ് അങ്ങനെ വന്നത്. എന്നാൽ അവൾ അത്യാവശ്യം നല്ലൊരു സ്റ്റുഡന്റ് ആണ് ഏതൊരു അധ്യാപകരും പറയുന്നത് അതുപോലെ അനുസരിക്കുകയും ചെയ്യും . ഇതിപ്പോ എന്താണ് പറ്റിയത് അതാണ് പലരും ഓർത്തുകൊണ്ടിരുന്നത്.
മാധവ് പഠിപ്പിക്കുന്ന നേരത്തൊക്കെ പാത്തു അവനെ കലിപ്പിൽ നോക്കിയിരിക്കുകയാണ് അവൾക്ക് ശരിക്കും ദേഷ്യം വന്നു.
വീട്ടിൽ ചെല്ലട്ടെ ഇതിന് പകരം ഞാൻ ചോദിച്ചിരിക്കും,അവൾ മനസ്സിൽ കുറിച്ചു.
പിന്നീട് ഇന്റർവെൽ ടൈമിൽ ആയിരുന്നു പാത്തുവും ഇഷാനിയും തമ്മിൽ സംസാരിച്ചിരുന്നത്.
പഠിക്കാൻ പറ്റിയില്ല,,അത് പറഞ്ഞാൽ മതിയല്ലോ പക്ഷേ സാർ ഇത്രയ്ക്ക് ദേഷ്യപ്പെടുമെന്ന് ഞാൻ സ്വപ്നത്തിൽ പോലും കരുതിയില്ല.
പാത്തുവിനോട് തന്റെ സങ്കടം പങ്കുവയ്ക്കുമ്പോഴും ഇഷാനിക്ക് വാക്കുകൾ ഇടറി.
സാരമില്ല പോട്ടെ.. ഏട്ടൻ പറഞ്ഞു എന്ന് കരുതി നീ യാതൊരു കാരണവശാലും 250ടൈംസ് ഇത് എഴുതാൻ ഒന്നും നിൽക്കേണ്ട. ഞാൻ ഏട്ടനോട് പറഞ്ഞോളാം കേട്ടല്ലോ.
വേണ്ടടാ… അതൊന്നും ശരിയാവില്ല. സാറു നമ്മുടെ നന്മയ്ക്ക് കരുതിയല്ലേ പറയുന്നത്.
അത് പറയേണ്ട ഒരു രീതിയുണ്ടടീ എന്റെ ഏട്ടന് അക്കാര്യം അറിയില്ലെന്ന് തോന്നുന്നു.
പാത്തുവിന് പിന്നെയും ദേഷ്യമായി.
മ്മ്.. എന്തായാലും വീട്ടിലേക്ക് ചെല്ലട്ടെ എന്നിട്ട് ബാക്കി. ലഞ്ച് ബ്രേക്ക് ടൈമിലും ഇന്റർവെൽ ടൈമിലും ഒക്കെ ഇഷാനി ക്ലാസിൽ തന്നെ ഇരിക്കുകയായിരുന്നു.
അവൾക്ക് പുറത്തേക്കിറങ്ങാൻ ഒക്കെ എന്തോ ഒരു ഭയം പോലെ. സാറ് തന്നെ മറ്റൊരു രീതിയിലാണല്ലോ കാണുന്നത് എന്ന് ഓർക്കുമ്പോൾ വല്ലാത്ത സങ്കടം.
അന്ന് ക്ലാസ്സ് വിട്ട ശേഷം ഇഷാനി പെട്ടെന്ന് തന്നെ പാത്തുവിനോട് യാത്ര പറഞ്ഞു പുറത്തേക്ക് പോയി. അതിനൊരു കാരണവും ഉണ്ടായിരുന്നു, ഇനി സാർ എങ്ങാനും വണ്ടി ഇറക്കി കൊണ്ടു വരുമ്പോൾ പാത്തു തന്നെ പിടിച്ചു കയറ്റുമോ എന്ന്. സാറിന് തന്നോട് എന്തൊക്കെയോ ദേഷ്യമുണ്ട് ഒരുപക്ഷേ കാറിൽ ഒക്കെ കയറുന്നത് കൊണ്ടാണോ എന്ന് പോലും ഇഷാനി ഓർത്തു.
പാത്തു ഇഷാനിയെ പേരെടുത്ത് വിളിച്ചെങ്കിലും അവൾ തിരിഞ്ഞു പോലും നോക്കാതെ വേഗത്തിൽ ഓടിപ്പോയി. കൃത്യം അവൾ ചെന്നതും മാധവന്റെ വണ്ടിയുടെ മുന്നിലേക്ക് ആയിരുന്നു. അവനാണെങ്കിൽ പാത്തുവിനെ വെയിറ്റ് ചെയ്ത് കിടക്കുകയാണ്.
മാധവിന്റെ കാർ കണ്ടതും ഇഷാനിയുടെ വേഗത അല്പം കുറഞ്ഞു. ആ സമയം കൊണ്ട് പാത്തു വന്നിട്ട് അവളുടെ കയ്യിലും കയറിപ്പിടിച്ചു.
നീ എന്തൊരു പോക്കാണ് പോയത് ഞാൻ വിളിച്ചത് കേട്ടില്ലേ. പാത്തു അവളെ തുറിച്ചു നോക്കിക്കൊണ്ട് ചോദിക്കുകയാണ്.
എനിക്ക് ഇപ്പോൾ ഒരു ബസ് ഉണ്ടെടി.. അതിൽ പോകാനാണ്. ഇഷാനി അവളുടെ പിടുത്തം വിടുവിക്കുവാൻ ശ്രമിച്ചു.
എന്നാൽ പാത്തു അവളെ വലിച്ച് വണ്ടിയിലേക്ക് കയറ്റിയിരുന്നു.
നീ എന്തിനാ ഇഷാനി ഇത്രയ്ക്ക് പേടിക്കുന്നത് നിന്നെ ആരെങ്കിലും മൂക്കിൽ കേറ്റുമോ.
പാത്തു അവളെ നോക്കി ചോദിച്ചപ്പോൾ മാധവ് വണ്ടി മുന്നോട്ട് എടുത്തിരുന്നു.
തുടരും