എഴുത്ത്:-മഹാ ദേവൻ
അന്ന് അവളുടെ വീടിനോട് ചേർന്നുള്ള കുളി മുറിയിൽ ക്യാമറ വെക്കുമ്പോൾ അവന്റെ മനസ്സിൽ അവളുടെ മനോഹാരിതയായിരുന്നു.
ആരും മോഹിച്ചുപോകുന്ന പെണ്ണിനെ ഒരു രാത്രിയെങ്കിലും സ്വന്തമാക്കണമെന്ന് വാശി. ആ അഴക് കൺകുളിർക്കെ കാണണം. പിന്നെ ആ ചൂടിൽ മയങ്ങി വെളുപ്പിക്കണം ആ രാത്രി.
ആദ്യം പ്രണയം പറഞ്ഞു. പക്ഷെ അവൾക്ക് താല്പര്യം ഇല്ലെന്ന്.
പിന്നെ ഒന്ന് ഭീക്ഷണിപ്പെടുത്തി. പക്ഷേ, അവൾ അതും പുച്ഛത്തോടെ തള്ളിക്കളഞ്ഞു.
പിന്നെ വാശിയായിരുന്നു. അടുക്കുംതോറും വഴുതിമാറുന്ന വരാലിനെ എങ്ങിനെ യെങ്കിലും കൈപിടിയിലൊതുക്കണമെന്ന വാശി.
രാത്രി കുളിമുറിയിയിലേക്ക് ഫോക്കസ് ചെയ്ത് ക്യാമറ വെക്കുമ്പോൾ അവന്റെ ചുണ്ടിൽ ഒരു പരിഹാസച്ചിരി ഉണ്ടായിരുന്നു.
പിറ്റേന്ന് അവൾക്ക് മുന്നിൽ നിൽക്കുമ്പോൾ അവൻ പറഞ്ഞത് ഒന്ന് മാത്ര മായിരുന്നു.
” എനിക്ക് വേണ്ടി ഒരു രാത്രി നിന്റെ വാതിൽ തുറന്നാൽ നിന്റെ കുളി കണ്ട് നാട്ടിലുള്ളവർ കുളിരു കോരില്ല ” എന്ന്. കൂടെ കയ്യിൽ കിട്ടിയ ക്ലിപ്പ് കാണിക്കുമ്പോൾ അവൾക്ക് പൊട്ടിക്കരയാൻ പോലും കഴിയുന്നിലായിരുന്നു.
ഒരു പെണ്ണ് കാത്തുസൂക്ഷിക്കുന്ന ചാരിത്ര്യം ആണ് ആവശ്യപ്പെടുന്നത്. അതിന് മുന്നിൽ നീട്ടിപിടിച്ചിരിക്കുന്നത് തന്റെ ന ഗ്നതയാണ്. അത് ലോകം കണ്ടാൽ….
അവൾ തിരികെ വീട്ടിലേക്ക് ഓടുമ്പോൾ മുന്നിൽ രണ്ട് പേർ പൊട്ടി ച്ചിരിക്കുന്നുണ്ടായിരുന്നു. ഒന്ന് അവളുടെ ഒരു രാത്രിക്കായി കൊതിക്കുന്ന അവനും മറ്റൊന്ന് ഈ ഒറ്റ രാത്രികൊണ്ട് എല്ലാം തീർക്കാൻ കെൽപ്പുള്ള മരണവും.
വീട്ടിൽ നിന്നും ഇറങ്ങാതെ നാല് ദിവസം. കോളേജിലേക്ക് കാണാത്തത് കൊണ്ട് വിളിക്കുന്ന കൂട്ടുകാരോട് കാര്യം അവതരിപ്പിക്കാൻ കഴിയാതെ വിയർക്കുമ്പോൾ കള്ളം പറയാൻ അവൾ പടിച്ചു തിടങ്ങി. മുന്നിൽ ശരിയായ വഴിക്ക് വേണ്ടി പരതി.
തലയിണകൾ നനഞ്ഞുകുതിർന്നു. മുറിയിലെ ചുവരുകളിൽ തട്ടി അവളുടെ തേങ്ങൽ തുറന്നിട്ട ജനാല വഴി ഇരുട്ടിലേക്ക് ചേക്കേറി. അമ്മയുടെ സ്നേഹത്തിനു മുന്നിൽ മൗനം പാലിക്കുമ്പോൾ വാടിവീഴാൻ പോകുന്ന പൂവിന്റെ അവസാനതുള്ളി തേൻ കൊതിച്ചു മൂളുന്ന വണ്ടിനെ പോലെ അവന്റെ മുഖം കണ്ണുകളിൽ ഭയം തീണ്ടി.
അന്ന് വീണ്ടും കോളേജിലേക്ക് ഇറങ്ങുമ്പോൾ അവൾ ഒന്ന് ശാന്തമായിരുന്നു. പതിവിലും സുന്ദരിയായി ഒരുങ്ങിയിറങ്ങുമ്പോൾ അവൾ അവനെ പ്രതീക്ഷിച്ചിരുന്നു. അവനെ കാണുമ്പോൾ ചുണ്ടിൽ ഒരു പുഞ്ചിരി കരുതിയിരുന്നു. കണ്ണുകളുടെ തിളക്കം അവന്റെ മനസ്സിനെ മത്തുപിടിപ്പിക്കാൻ പോന്നതായിരുന്നു.
” രാത്രി വരട്ടെ ” എന്ന അവന്റെ ചോദ്യത്തിന് അവൾ നാണത്തോടെ തലയാട്ടുമ്പോൾ അവളുടെ സമ്മതം അവന്റെ സിരകളെ ചൂടുപിടിപ്പിക്കാൻ തുടങ്ങിയിരുന്നു.
പതിയെ പുഞ്ചിരിച്ചുകൊണ്ട് അവൻ ” രാത്രി കാണാം ” എന്ന വാക്കിൽ പിന്തിരിയുമ്പോൾ അവൾ ഓർമ്മിപ്പിച്ചിരുന്നു ” വാക്ക് മാറരുത്. ഈ രാത്രി കൊണ്ട് തീരണം ആഗ്രഹം. പിന്നെ ആ വീഡിയോ ആരും കാണരുത് ” എന്ന്.
അവൻ പുഞ്ചിരിയോടെ തലയാട്ടിസമ്മതിക്കുമ്പോൾ അവനെക്കാൾ ഭംഗിയുള്ള ഒരു പുഞ്ചിരി അവളുടെ ചുണ്ടുകളിൽ വിരിഞ്ഞു നിന്നിരുന്നു.
രാത്രി മതിലിനരികിൽ ബൈക്ക് നിർത്തി വീട്ടിലേക്ക് കയറുമ്പോൾ മനസ്സിൽ അവളുടെ മുഖം മാത്രമായിരുന്നു. പിൻവാതിലിനോരം കാത്തുനില്കുമ്പോൾ മനസ്സ് പിടക്കുകയായിരുന്നു. മുന്നിൽ കൊഴിയാറായ ഒരു പൂവിനെ അറുത്തു ഞെരടികൊണ്ട് നിലത്തേക്ക് ഇടുമ്പോൾ കണ്ണുകളിൽ അവളുടെ ന ഗ്നമായ രൂപം ആയിരുന്നു. കല്ലിൽ കൊത്തിവെച്ച ശില്പം പോലെ.
അക്ഷമയോടെ നീങ്ങിയ നിമിഷങ്ങൾക്കൊടുവിൽ പിൻവാതിൽ തുറക്ക പ്പെടുമ്പോൾ അവന്റെ ഹൃദയം പെരുമ്പറ കൊട്ടുകയായിരുന്നു.
പതിയെ അവൾ ആ വാതിൽ കടന്ന് അവൾ നീങ്ങിയ വഴിയിലൂടെ ഇരുട്ടിനെ വകഞ്ഞുമാറ്റി നടക്കുമ്പോൾ ഇരുട്ട് ഒരു അനുഗ്രഹം ആയി തോന്നി അവന്.
ഇടനാഴി കടന്ന് ആദ്യം കാണുന്ന റൂമിലേക്ക് അവൾ കയറുമ്പോൾ ആവേശത്തോടെ അവനും കയറി. അതോടൊപ്പം പിന്നിൽ നിന്നും ചേർത്തു പിടിക്കുമ്പോൾ അവളുടെ ഗന്ധം അവൻ മതിവരുവോളം ആസ്വദിയ്ക്കുക യായിരുന്നു.
” നിന്റെ ഗന്ധം പോലും എന്നെ വല്ലാതെ മത്തു പിടിപ്പിക്കുന്നു പെണ്ണെ” എന്നും പറഞ്ഞ് കഴുത്തിലേക്ക് ചുണ്ടുകൾ ചേർത്തുവെക്കാൻ ഒരുങ്ങുമ്പോൾ ആയിരുന്നു മുറിയിൽ പ്രകാശം വിതച്ചുകൊണ്ട് ലൈറ്റ് തെളിഞ്ഞത്. ഒരു നിമിഷം കഴുത്തിലേക്ക് അടുപ്പിച്ച ചുണ്ട് മാറ്റി മുന്നിലേക്ക് നോക്കിയ അവനൊന്നു ഞെട്ടി പിന്നോക്കം മാറി.
പിന്നെ താൻ കെട്ടിപ്പുണർന്ന പെണ്ണിനെ നോക്കുമ്പോൾ അവന്റ കണ്ണുകൾക്കിൽ ഇരുട്ട് കേറുന്നുണ്ടായിരുന്നു. ഇത്രനേരം കെട്ടിപിടിച്ചതും ഗന്ധത്തെ കുറിച്ച് വാചാലമായതും ഇപ്പോൾ ചുംബിക്കാൻ ഒരുങ്ങിയതും ആരെ ആണെന്ന് അറിഞ്ഞപ്പോൾ അവൻ രണ്ടടി പിന്നോട്ട് വെച്ചു.കൂടെ അവന് നേരെ തിരിഞ്ഞ ആ മുഖം കണ്ട് അവന്റെ ചുണ്ടുകൾ മന്ത്രിക്കുന്നുണ്ടായിരുന്നു ” അനിയത്തി ” എന്ന്.
അവൾ പക്ഷേ മുഖത്തു യാതൊരു ഭാവബേധവും ഇല്ലാതെ തോളിൽ കിടന്ന ഷാൾ അഴിച്ചു ബെഡിലേക്ക് ഇട്ടൂ. പിന്നെ അവന് മുന്നിൽ ചുരിദാർ അഴിക്കാൻ തുടങ്ങുമ്പോൾ അനിയത്തി പറയുന്നുണ്ടായിരുന്നു ” കൂടെ കിടക്കുന്നത് പെണ്ണായാൽ പോരെ ഏട്ടന്. കൂടെപ്പിറന്നതാനെന്ന് നോക്കണ്ട. കൂട്ട് കിടക്കാൻ വന്നതാണെന്ന് കരുതിയാൽ മതി ” എന്ന്.
മറ്റൊരു പെണ്ണിന്റ കുളിമുറിക്ക് ക്യാമറ വെച്ച് അതിന്റ പേരിൽ മാനത്തിനു വിലയിട്ട് ഈ വാതിൽ മുട്ടുമ്പോൾ ഓർത്തില്ല അല്ലെ സ്വന്തം വീട്ടിലും ഉണ്ട് രണ്ട് വാതിൽ, അതിനകത്ത്‌ മകന്റെ സുരക്ഷിതത്വത്തിൽ ഒരു അമ്മയും ഏട്ടൻ പുറത്തുണ്ടെന്ന വിശ്വാസത്തിൽ ഒരു പെങ്ങളും ഉറങ്ങുന്നുണ്ടെന്ന് . “
അവളുടെ വാക്കുകൾക്ക് മുന്നിൽ ഉരുകി ഒന്നു മല്ലാതാകുമ്പോൾ കയ്യിലെ മൊബൈൽ നിലത്തേക്കെറിഞ് അവൻ ഓടി ഇരുട്ടിലൂടെ… സ്വന്തം അനിയത്തിയെ ചേർത്തു പിടിച്ചിട്ടുണ്ട്. ചുംബിച്ചിട്ടുണ്ട്. അത് ഏട്ടന്റെ സ്നേഹം ആയിരുന്നു.. പക്ഷേ ഇന്ന്…
സ്വന്തം അനിയത്തിയെ സ്പർശ്ശിച്ചത് കാ മത്തോടെ.
അവളെ ചേർത്തുപിടിച്ചത് ആ ശരീരം ഉൾകൊള്ളാൻ ഉള്ള മനസ്സോടെ..അവളുടെ ഗന്ധം ആസ്വദിച്ചത് സ്വന്തം അനിയത്തിയുടെ ചാരിത്ര്യം കവരാനുള്ള ആർത്തിയോടെ…..
അവൻ ഓടുകയായിരുന്നു.. എങ്ങോട്ടെന്നില്ലാതെ…
അപ്പോഴും അവന്റെ മനസ്സിൽ വെന്തുനീറി കിടപ്പുണ്ടായിരുന്നു അനിയത്തിയുടെ ആ വാക്കുകൾ !
” കൂടെ കിടക്കുന്നത് പെണ്ണായാൽ പോരെ ഏട്ടന്. കൂടെപ്പിറന്നതാനെന്ന് നോക്കണ്ട. കൂട്ട് കിടക്കാൻ വന്നതാണെന്ന് കരുതിയാൽ മതി ” എന്ന്.
തീം പഴയതാണ്. എന്റേതായ രീതിയിൽ ഒരു ശ്രമം മാത്രം
