കൂട്ടി പിടിച്ച മിഴികൾ ഇടയ്ക്കു ഒക്കെ ഓളം വെട്ടിയത് കണ്ടപ്പോൾ അവനു മനസിലായി അവൾ ഉറങ്ങുകയല്ലെന്നു.
അവളുടെ ടോപ് പിടിച്ചു മേല്പോട്ട് ഉയർത്തിയ ശേഷം ആ മാ,റിലേക്ക് അവൻ മുഖം പൂഴ്ത്തിയപ്പോൾ ശ്വാസം അടക്കി പിടിച്ചു കിടന്നവൾ പെട്ടെന്ന് ഒന്ന് ഉയർന്നു പോയിരിന്നു.
വിഷ്ണുവേട്ടാ… പ്ലീസ്… അവൾ ആകുന്നത്ര വിധത്തിൽ അവനെ അടർത്തി മാറ്റാൻ ശ്രെമിച്ചു.
എവിടുന്നു… ചെക്കൻ ഉണ്ടോ വിടുന്നു.. മുത്തങ്ങൾ നൽകി കൊണ്ട് അവൻ അവളെ പരവശയാക്കി.. ഒടുവിൽ അവന്റെ കര ലാളനകൾക്ക് മുന്നിൽ അവൾ തോറ്റു പോയിരുന്നു.. പതിയെ പതിയെ അവളും ഉണർന്നു തുടങ്ങി.
തലേ രാത്രിയുടെ ആവർത്തനം ആയിരുന്നു അന്നും. അത് വിഷ്ണു കൂടുതൽ മികവുറ്റതാക്കി.
അവളിലൂടെ അലഞ്ഞു കൊണ്ട് ആ തേൻ നുകർന്നു കൊണ്ട് വീണ്ടും പുൽകികൊണ്ട് അലിഞ്ഞു ചേർന്നു.
അങ്ങനെ ഓണ പുലരി ഉദിച്ചു. അമ്മാളു അതി രാവിലെ ഉണർന്നു കുളിച്ചു ഇറങ്ങി വന്നപ്പോൾ വിഷ്ണു എഴുന്നേറ്റു ഇരിപ്പുണ്ട്..
ഹാപ്പി ഓണം ചക്കരെ.. അവളു വന്നു വിഷ്ണുവിന്റെ കവിളിൽ ആഞ്ഞൊരു മുത്തം നൽകി. അപ്പോളേക്കും അവൻ അവളെ പിടിച്ചു മടിയിലേക്ക് ഇരുത്തി.
ഹ്മ്മ്….. എന്താ വാസന… അടിപൊളി ആയിട്ടുണ്ട്.
വിഷ്ണു ആണെങ്കിൽ അമ്മാളുവിന്റെ മുടിയിലേക്ക് മുഖം പൂഴ്ത്തി.
വിട്ടേ വിഷ്ണുവേട്ടാ . നേരം ഇപ്പൊ തന്നെ വൈകി. താഴേക്ക് ചെല്ലട്ടെ കേട്ടോ…
അവ്നിൽ നിന്നും അടർന്നു മാറിക്കൊണ്ട് പെണ്ണ് പെട്ടന്ന് വാതിൽ തുറന്നു പുറത്തേക്ക് പോയ്.
കുറച്ചു സമയം കൂടി അലക്ഷ്യമായി കിടന്ന ശേഷം വിഷ്ണുവും എഴുന്നേറ്റ് ഫ്രഷ് ആകാൻ വേണ്ടി വാഷ് റൂമിലേക്ക് നടന്നു.
ഷവറിൽ നിന്നും വെള്ളം ദേഹത്തേയ്ക്ക് പതിച്ചപ്പോൾ ചുമലിലും പുറത്തും വല്ലാത്ത നീറ്റൽ പ്പോലെ.
ഹോ.. ഈ പെണ്ണിന്റെ കാര്യം, ബാക്കിയു ള്ളോന്റെ ദേഹം മൊത്തം നീറി പ്പുകയുന്നു.
മനസാലെ പറഞ്ഞു കൊണ്ട് വിഷ്ണു ഒന്ന് ചിരിച്ചു.
കുളിച്ചു കഴിഞ്ഞു ഇറങ്ങി വന്ന ശേഷം, താഴേക്ക് ചെന്നു.
കുട്ടികളൊക്കെ അമ്പലത്തിൽ പോയിരുന്നു.
സിദ്ധു ഏട്ടനും അച്ഛനും അമ്മയും, ഒക്കെയായിട്ടാണ് കുട്ടികൾ അമ്പലത്തിൽ പോയിരിക്കുന്നത്. അമ്മാളുവും, ഏടത്തി യമ്മയും അടുക്കളയിൽ ഉണ്ട്. വിഷ്ണു അവരുടെ അടുത്തേക്ക് ചെന്നു.
അമ്മാളു വീട്ടിലേക്ക് പോകുന്ന കാര്യങ്ങളൊക്കെ പറഞ്ഞു കൊണ്ട്, മീരയുടെ അടുത്ത് നിൽപ്പുണ്ട്.
അമ്മാളുവിന്റെയും വിഷ്ണുവിന്റെയും കല്യാണം കഴിഞ്ഞ ശേഷമുള്ള ആദ്യത്തെ ഓണം ആണ്. അതിന്റേതായ സന്തോഷത്തിലാണ് അവൾ.. അവിടെ എല്ലാവർക്കും ഉള്ള ഓണക്കോടി ഒക്കെ അമ്മാളു നേരത്തെ എടുത്തു വെച്ചിരുന്നു.
ഉച്ചയ്ക്ക് ഓണസദ്യ കഴിച്ചശേഷം മൂന്നുമണിയോടുകൂടി,, ഇവിടെ നിന്നും പോകാം എന്ന് പറഞ്ഞ് ഇരിക്കുകയാണ് അവൾ. മീരയും അവരുടെ വീട്ടിലേക്ക് പോകും. എന്നിട്ട് വൈകുന്നേരം തന്നെ മടങ്ങും. അതാണത്രേ പതിവ്.
ഏടത്തി ഒരു ചായ കിട്ടുമോ? വിഷ്ണുവിന്റെ ശബ്ദം കേട്ടതും ഇരുവരും ഒരുപോലെ തിരിഞ്ഞു നോക്കി.
പെട്ടെന്ന് തന്നെ അമ്മാളു ഫ്ലാസ്കിൽ നിന്നും ചായ എടുത്തു. അവനു കൊണ്ടുപോയി കൊടുത്തു.
ബ്രേക്ക് ഫാസ്റ്റിന് ഇഡലിയും സാമ്പാറും ആയിരുന്നു. മീര അതൊക്കെ റെഡിയാക്കി വെച്ചിട്ടുണ്ട്.അമ്മാളു കാബ്ബേജ് തോരൻ വെയ്ക്കാൻ അരിയുന്നുണ്ട്. അച്ചിങ്ങ മെഴുക്കുപുരട്ടിയ്ക്കായി അരിഞ്ഞു അവൾ ആദ്യം വെച്ചിരുന്നു. സാമ്പാർ, വെച്ചശേഷം, ചെറുപയർ പരിപ്പ്, കുതിർക്കാൻ ആയിട്ട് വെള്ളത്തിലിട്ടു വച്ചിട്ടുണ്ട്. അങ്ങനെ ഓരോരോ ജോലികളായി വേഗത്തിൽ നടത്തിവരുന്നുണ്ട് മീരയും അമ്മാളുവും ചേർന്ന്.. പിന്നെ കുറച്ചു ജോലികൾ ഒക്കെ തലേ ദിവസവും ഒതുക്കിയിരുന്നു.
കുറച്ചു നാളികേരം തലേദിവസം ചിരകി വെച്ചിരുന്നു എങ്കിലും, പായസത്തിലേക്ക് ഒക്കെ കൂടി ഇന്നും ആവശ്യമുണ്ട്.
വിഷ്ണുവിനെ മീര പോയി വിളിച്ചുകൊണ്ടുവന്ന്, നാളികേരം പൊതിച്ചത് അവന്റെ കയ്യിലേക്ക് ഏൽപ്പിച്ചു.
അവൻ ഒരു തോർത്ത് ഒക്കെ തലയിൽ അങ്ങ് കെട്ടിക്കൊണ്ട് കലാപരിപാടി ആരംഭിച്ചു.
അപ്പോഴേക്കും അമ്പലത്തിൽ പോയവരൊക്കെ തിരിച്ചെത്തിയിരുന്നു.
ബ്രേക്ക്ഫാസ്റ്റ് കഴിച്ചിട്ട് ആവാം ഇനി ബാക്കി എന്നു പറഞ്ഞ് മീര, എല്ലാവർക്കും ഉള്ള ഫുഡ് എടുത്ത് ഡൈനിങ് ടേബിളിൽ വെച്ചു.
ആരുവും മിച്ചുവും അമ്മാളുവും ഒക്കെ കൂടി അത്തപ്പൂക്കളത്തിന്റെ മുന്നിലിരുന്ന് പല രീതിയിൽ ഫോട്ടോകൾ എടുക്കുന്നുണ്ട്..
മീര വിളിച്ചപ്പോൾ എല്ലാവരും കഴിക്കുവാനായി വന്നിരുന്നു..
കാപ്പി കുടിച്ച ശേഷം സിദ്ധു എല്ലാവർക്കും ഉള്ള ഓണക്കോടി എടുത്തു കൊണ്ട് വന്നു.
അമ്മാളുവിനു ഒരു ദാവണി സെറ്റ്, പിന്നെ ഒരു സൽവാർ, അല്ലാതെ രണ്ടു ടോപ്പും, വിഷ്ണുവിനു കുർത്തയും മുണ്ടും, ഒപ്പം വേറെ രണ്ടു മൂന്നു ഷർട്ട്, മുണ്ട്. പിന്നെ അമ്മാളുവിന്റെ വീടിലേക്കും വാങ്ങി കൊണ്ട് വന്നിട്ടുണ്ട്. അതേപോലെ വീട്ടിൽ ഉള്ള ഓരോരുത്തർക്കും വാങ്ങി. പ്രഭയും എടുത്തു കൊണ്ട് വന്നു എല്ലാവർക്കും ഉള്ളത് കൊടുത്തു.
ഓണാക്കോടി കിട്ടിയപ്പോൾ കുട്ടികൾ ഒക്കെ ആകെ സന്തോഷത്തിൽ ആയിരുന്നു. അതുപോലെ അമ്മാളുവും.
ദാവണി റെഡിമെയ്ഡ് ആയതുകൊണ്ട് കുറച്ചു മാറ്റങ്ങൾ വരുത്താൻ ഉണ്ട്. വീട്ടിലേക്ക് പോകുന്ന ടൈമിൽ അത് അഡ്ജസ്റ്റ് ചെയ്തു തരാമെന്ന് മീര അവളോട് പറഞ്ഞു.
അത് കേട്ടതും അവൾക്ക് ഭയങ്കര സന്തോഷമായി. പിന്നീട് അവൾ അടുക്കളയിലെ ജോലികളൊക്കെ വല്ലാത്ത ഉഷാറായിട്ടാണ് ചെയ്തത്.. അച്ഛനും ആൺമക്കളും ചേർന്ന്b പായസത്തിന് ആവശ്യമുള്ള നാളികേരം പിഴിഞ്ഞ് പാലൊക്കെ എടുത്തുവച്ചു..
പായസം വെച്ചത് സിദ്ധുവിന്റെ നേതൃത്വത്തിൽ ആയിരുന്നു.. മിക്കവാറും ഓണത്തിന് സിദ്ധുവാണത്രേ പായസം വയ്ക്കുന്നത്..
അവിയലും കാളനും ഓലനും പച്ചടിയും, തോരനും മെഴുക്കുപുരട്ടിയും പരിപ്പും സാമ്പാറും, എന്നുവേണ്ട എല്ലാ വിഭവങ്ങളും ഉച്ചയ്ക്ക് ഒരു മണിയോടുകൂടി ഡൈനിങ് ടേബിളിൽ നിരന്നു.
അവസാനമായി പപ്പടം കൂടി കാച്ചി വെച്ച ശേഷം, പ്രഭ, വിഷ്ണുവിനെയും കൂട്ടി തൊടിയിലേക്ക് ഇറങ്ങി. വാഴയില എടുക്കുവാൻ വേണ്ടി.
അമ്മയും മകനും കൂടി വാഴയില ഒക്കെ എടുത്തു കൊണ്ടുവന്നശേഷം, തുടച്ചു വൃത്തിയാക്കി. ഒരു പുൽപ്പായ വിരിച്ച്, എല്ലാവരും കൂടി തറയിലേക്ക് ഇരുന്നു.
സദ്യവട്ടങ്ങളൊക്കെ സ്ത്രീജനങ്ങൾ, നിലയിലേക്ക് വിളമ്പി. ഇനി ആവശ്യമുള്ള തൊക്കെ എടുക്കാം എന്നും പറഞ്ഞ്, ബാക്കി കറികളും മറ്റും എടുത്തു വെച്ച്. ഒരു സ്റ്റീൽ ചരുവത്തിൽ ചൂട് പായസവും കൊണ്ടുവന്നു.
അങ്ങനെ വളരെ സന്തോഷത്തോടുകൂടി അവർ എല്ലാവരും ആ വർഷത്തെ ഓണസദ്യ കഴിച്ചു.
പായസം വളരെ രുചികരം ആയിരുന്നു. മീരയുടെയും അമ്മാളുവിന്റെയും വീട്ടിലേക്ക് കൊണ്ടുപോകുവാനായി, പ്രഭ പായസം പകർന്നു വച്ചിട്ടുണ്ട്…
എല്ലാവരും പിന്നീട് അവരവരുടെ റൂമിലേക്ക് പോയ്. മീരയും കുട്ടികളും വേഗം റെഡി ആയ് വേഗം ഇറങ്ങാൻ സിദ്ധു നിർദ്ദേശം കൊടുത്തു.അതുകൊണ്ട് എല്ലാവരും പെട്ടന്ന് ഡ്രസ്സ് ഒക്കെ മാറ്റി ഒരുങ്ങി ഇറങ്ങി വന്നു.
വൈകാതെ തന്നെ മീരയുടെ അച്ഛന്റെയുമമ്മയുടെയും അടുത്തേക്ക് പോകുകയും ചെയ്തു.
അമ്മാളു ആണെങ്കിൽ അവളുടെ വീട്ടിലേക്ക് കൊണ്ട് പോകാൻ ഉള്ള ഓണാക്കോടികൾ ഒക്കെ സെറ്റ് ആക്കി എടുത്തു വെച്ചിട്ട് ദാവണി എടുത്തു ബെഡിൽ വെച്ചു.
വിഷ്ണു വെറുതെ ഫോണിൽ നോക്കി കിടപ്പുണ്ട്.
“ഇനി നിന്റെ വീട്ടിലേക്ക് കുറച്ചു സമയം റസ്റ്റ് ഒക്കെ എടുത്തിട്ട് പോകാം അല്ലെ അമ്മാളുവേ”?
വിഷ്ണു ചോദിച്ചതും പെണ്ണൊന്നു അവനെ ദേഷ്യത്തിൽ നോക്കി.
“എന്താടി ഉണ്ടക്കാളി “
“റസ്റ്റ് എടുക്കാൻ അനുവദിച്ചാൽ മതി, അല്ലാതെ ഡയലോഗ് മാത്രം വേണ്ട ട്ടോ “
ങ്ങെ.. ഇപ്പൊ അങ്ങനെ ആയോ..
ആഹ് ആയി, അല്പം ദക്ഷിണ്യം കാണിച്ചപ്പോൾ തലേൽ കേറി നിരങ്ങിയില്ലേ…
എപ്പോ….?
ഇന്നലെയും മിനിങ്ങാന്നും .. എന്ത ഓർമ്മയില്ലേ വാദ്യാർക്ക്..
കലിപ്പില് അവനെ ഒന്ന് നോക്കിയിട്ട് പെണ്ണ് ഡ്രസിങ് റൂമിലേക്ക്പോയി.. അവളുടെ പോക്കും നോക്കി അവൻ ബെഡിൽ കിടന്ന് ചിരിച്ചു.
തുടരും.
അടുത്ത ഭാഗം വായിക്കാന് ഇവിടെ ക്ലിക്ക് ചെയ്യൂ
