വൈകുന്നേരം ആയപ്പോൾ, വിഷ്ണുവും അമ്മാളുവും കൂടെ അവളുടെ വീട്ടിലേക്ക് പോയത്. അടുത്ത ദിവസം ഉച്ചയ്ക്ക് ശേഷം മടങ്ങി വരാം എന്നായിരുന്നു അമ്മാളു, പ്രഭയേ അറിയിച്ചത്.
സത്യത്തിൽ വിഷ്ണുവിനോട് അവൾ ആ കാര്യത്തെക്കുറിച്ച് ഒന്നും സൂചിപ്പിച്ചിരുന്നില്ല.
പോകുംവഴിയാണ് അമ്മാളു, അവനോട്, രണ്ട് ദിവസം വീട്ടിൽ നിന്നിട്ട് വന്നാലോ എന്ന് ചോദിച്ചത്.അവൻ മറുപടിയൊന്നും പറയാതെ ഡ്രൈവിങ്ങിൽ മാത്രം ശ്രദ്ധ കേന്ദ്രീകരിച്ചു.
വിഷ്ണുവേട്ടാ കേൾക്കുന്നില്ലേ, ഇതെന്താ ഒന്നും മിണ്ടാത്തെ.
ഇനിയെന്തിനാ നീ വെറുതെ രണ്ടു ദിവസത്തേക്ക് അവിടെ നിൽക്കുന്നത്, പോയിട്ട് നമ്മൾക്ക് രണ്ടാൾക്കും തിരികെ വന്നാൽ പോരേ.
എന്തായാലും ഓണം വെക്കേഷൻ അല്ലേ, അച്ഛനും അമ്മയ്ക്കും ആഗ്രഹമുണ്ട് ഞാൻ കുറച്ചു ദിവസം അവിടെ ചെന്നു നിൽക്കണമെന്ന്.
ഹ്മ്മ്… എന്നാൽ നിന്റെ ഇഷ്ട്ടം പോലെ ചെയ്തോ.. നോ പ്രോബ്ലം.
അത്ര താല്പര്യമില്ലാത്ത മട്ടിൽ വിഷ്ണു പറഞ്ഞു..
അത് കണ്ടതും അമ്മാളുവിന് ചിരി പൊട്ടി.
ഹ്മ്മ്…. എന്നെ അടുത്ത്ന്നു പറഞ്ഞുവിടാൻ തീരെ താല്പര്യമില്ല അല്ലേ,റീസൺ ഒക്കെ എനിക്ക് മനസിലാവും കേട്ടോ…
നീ നിന്നോ അമ്മാളു, അതിനു എനിക്ക് യാതൊരു പ്രോബ്ളവും ഇല്ലന്നേ…ഒരാഴ്ച കഴിഞ്ഞു വന്നാൽ മതി, നിന്റെ അച്ഛനും അമ്മയ്ക്കും നിനക്കും ഒക്കെ സന്തോഷമാകട്ടെ.
ഹ്മ്മ്… കുശുമ്പൻ ആണല്ലേ….അമ്മാളു ചിരിച്ചു കൊണ്ട് മുഖം തിരിച്ചു അവനെ നോക്കി.
ആണോ?അവൻ മറു ചോദ്യം ചോദിച്ചപ്പോൾ പെണ്ണ് അതേ എന്ന് തല കുലുക്കി.
വിഷ്ണുവേട്ടന് സങ്കടം ഉണ്ടെങ്കിൽ ഞാൻ നിൽക്കില്ല, തിരിച്ചു പോരാം…
സങ്കടം ഒക്കെ ഉണ്ടെടി പെണ്ണേ, നിന്നെ എന്റെ അരികിൽ നിന്നും എവിടേയ്ക്കും വിടാൻ ലേശംപോലും ഇഷ്ട്ടം ഇല്ലാ, അതാണ് വാസ്തവം. പിന്നെ അമ്മാവനും അമ്മായിയും ആവശ്യപ്പെടുമ്പോൾ, മോശമല്ലേ, നീ നിന്നോ…
അത്രയും നേരം ഗൗരവത്തിൽ ഇരുന്നവൻ പെട്ടന്ന് ഉള്ളു തുറന്നു.
ആ സമയത്ത് അവളുടെ ഫോൺ റിങ് ചെയ്തും
ലേഖ ആയിരുന്നു വിളിച്ചത്. ഹലോ അമ്മേ.. ഞങ്ങൾ എത്താറായി, ഒരു പത്തു മിനിറ്റ്….
അമ്മാളു ഫോൺ കട്ട് ചെയ്തിട്ട്, ബാഗിലേക്ക് വെച്ചു.
വിഷ്ണു നല്ല ഒരു ബേക്കറി നോക്കി വണ്ടി ഒതുക്കി നിറുത്തിയ ശേഷം, ഇറങ്ങി ചെന്ന് കുറച്ചു സ്വീറ്റ്സ് ഒക്കെ വാങ്ങി.
അമ്മാളുവിനു ഐസ് ക്രീംമും, ചോക്ലേറ്റ്um ഒക്കെ ആയിട്ട് അവൻ വന്നു വണ്ടിയിൽ കയറിയത്.
വിഷ്ണുവേട്ടാ വണ്ടി എടുക്കുന്നതിനു മുമ്പ് നമുക്ക് ഐസ്ക്രീം കഴിച്ചു തീർക്കണം ഇല്ലെങ്കിൽ ദേഹത്ത് ഒക്കെ ആകും,, പറയുന്നതിനൊപ്പം തന്നെ അവൾ, ഐസ്ക്രീം തുറന്നു, കുറച്ചെടുത്ത് വായിലേക്ക് വെച്ചു.
അതിനുശേഷം അവന്റെ വായിലേക്ക് കൊടുത്തു.
” നിനക്ക് വേറെ എന്തെങ്കിലും വേണമായിരുന്നോ “?
വേണ്ട ഏട്ടാ, ഇത് മതി.. അത് കഴിച്ച ശേഷം ചോക്ലേറ്റ് കൂടി ഒരെണ്ണം എടുത്തു പൊട്ടിച്ചു. വേറെ ഒരെണ്ണം എടുത്തു അമ്മയ്ക്കും അച്ഛനും കൊടുക്കാനും വെച്ചു.
സ്വന്തം വീട്ടിലെത്തിയപ്പോഴേക്കും അവൾക്ക് ആകെ സന്തോഷമായി, അത്രയും നേരം വിഷ്ണുവിനോട് കൊഞ്ചിക്കൊണ്ടിരുന്നവൾ, വണ്ടി നിർത്തിയതും, ഡോർ തുറന്നു ഓടിച്ചെന്നു അച്ഛന്റെയും അമ്മയുടെയും അരികിലേക്ക്..
ഇവരുടെയും കവിളിൽ മാറിമാറി ഉമ്മയൊക്കെ കൊടുത്തു അവൾ അവരുടെ ചെല്ലക്കിടാവായി മാറി.
രാമൻ ഇറങ്ങിച്ചെന്ന് വിഷ്ണുവിനെ സ്വീകരിച്ചു.
അവൻ ഡിക്കി തുറന്ന് ഓണക്കോടികൾ ഒക്കെ എടുക്കുന്നത് കണ്ടതും,അമ്മാളു അവനെ സഹായിക്കാൻ വേണ്ടി ചെന്നു. ഇരുവരും കൂടി പായസവും സ്വീറ്റ്സും, ഡ്രെസ്സും, ഒക്കെ ആയിട്ട് സന്തോഷത്തോടെ കയറിവരുന്നത് കണ്ടപ്പോൾ ലേഖയ്ക്ക് തന്റെ മനസ്സുനിറഞ്ഞു.
അവർക്ക് രണ്ടാൾക്കും, പിന്നെ കുടുംബത്തിൽ എല്ലാവർക്കും, ഡ്രസ്സ് ഒക്കെ രാമനും ലേഖയും വാങ്ങി വെച്ചിട്ടുണ്ടായിരുന്നു.
അമ്മാളു ഒന്നൊന്നായി എടുത്തു നോക്കി, എല്ലാം അവൾക്ക് ഒരുപാട് ഇഷ്ടമായി.
വിഷ്ണുവിന്റെ ഷർട്ടിന്റെ സൈസ് ഒക്കെ,ലേഖ നേരത്തെ അമ്മാളു വിനോട് ചോദിച്ചു മനസ്സിലാക്കി വെച്ചിരുന്നു, അതുപോലെതന്നെ സിദ്ധുവിന്റെയും അച്ഛന്റെയും ഒക്കെ.
വിഷ്ണുവിന്റെ ഷർട്ട് അവനു പാകമായിരുന്നു. അമ്മാളുവിനു ഒരു ടോപ്പും, ഒരു സെറ്റും മുണ്ടും..
അതെല്ലാം എടുത്തു വെച്ചു നോക്കി കൊണ്ട് അമ്മാളു അതിലെ പാറി നടന്നു.
അവള് വന്നതും വീട് ഉണർന്ന് എന്ന് വേണം പറയാൻ. ആകെ കൂടി ബഹളം ആണ് പെണ്ണ്.
ഉറക്കെയാണ് അവളുടെ സംസാരം ഒക്കെ.
തന്റെ വീട്ടിൽ പതുങ്ങി കൂടി ഇരിക്കുന്നവൾ ആണോന്ന് വിഷ്ണു പോലും ശങ്കിച്ചു.
☆☆☆☆☆☆☆☆☆☆
രണ്ടുദിവസം നിന്നിട്ട് വന്നാൽ മതിയെന്ന് വിഷ്ണു പറഞ്ഞുവെങ്കിലും, പിറ്റേദിവസം പുറപ്പെടാൻ നേരം അവളായിരുന്നു ആദ്യം വണ്ടിയിൽ കയറിയത്.
എനിയ്ക്കും പറ്റില്ല ഏട്ടാ, കാണാതെ ഇരുന്നാൽ ചങ്ക് പൊട്ടുന്നെ…
ചുണ്ട് കൂർപ്പിച്ചു പറയുന്ന അമ്മാളുവിന്റെ കവിളിൽ വിഷ്ണു ഒന്ന് തലോടി.
എനിക്കും അങ്ങനെ ഒക്കെ തന്നെയാ, പിന്നെ നിനക്ക് താല്പര്യം ആണെങ്കിൽ നിന്നോട്ടെ എന്ന് കരുതി.. അതുകൊണ്ടാ മനസ്സില്ല മനസ്സോടെ യെങ്കിലും സമ്മതിച്ചത്.
ഇനി ഇടയ്ക്കൊക്കെ ശനിയാഴ്ചകളിൽ വരാൻ നോക്കാം, എന്നിട്ട് തിങ്കളാഴ്ച ഇവിടന്നു കോളേജിൽ പോകാം, ഏട്ടനും വരണെ..
ഹ്മ്മ്.. വരാം, പിന്നെ അവിടേക്ക് ഇറങ്ങാനും നീ പറഞ്ഞില്ലേ, ഞാനത് മറന്നു, ഒട്ടും പ്രതീക്ഷിക്കാ തെയല്ലേ നീയും വന്ന് ഒപ്പം കയറിയത്,,
അച്ഛനും അമ്മയും ഇവിടം വിട്ടു വേറെ എങ്ങോട്ടും വരില്ല കേട്ടോ, അതവർക്ക് ശീലമായി.
☆☆☆☆☆☆☆☆☆☆
അങ്ങനെ ഓണം കഴിഞ്ഞു. പിന്നെ അടുത്തത് വേണിയുടെ വിവാഹം ആയിരുന്നു.
തലേ ദിവസം എല്ലാവർക്കും കൂടി പോകാ മെന്നും, ശേഷം, അന്ന്, ഷീലാമ്മയുടെ വീട്ടിൽ നിൽക്കാം എന്നും ആയിരുന്നു എല്ലാവരുടെയും തീരുമാനം.
അല്പം മടി ഉണ്ടെങ്കിലും അമ്മാളു അതിനു സമ്മതം മൂളി. പിന്നെ വിഷ്ണുവിനു ഇപ്പൊ അവളെ കാര്യം ആയത് കൊണ്ട്, വലിയ പ്രശ്നം ഒന്നും ഉണ്ടാവില്ല എന്ന് ഓർത്തു.
ഷീലാമ്മയുടെ വീട്ടിൽ സ്റ്റേ ചെയ്യുന്ന കാര്യം പറഞ്ഞപ്പോൾ മാളുവിന്റെ മുഖം മങ്ങിയത് വിഷ്ണു കണ്ടുപിടിച്ചിരുന്നു.
അന്ന് കിടക്കാനായി മുറിയിൽ എത്തിയപ്പോൾ അവൻ ആ കാര്യത്തെപ്പറ്റി അവളോട് ചോദിക്കുകയും ചെയ്തു.
അവർക്കൊന്നും എന്നോട് തീരെ താല്പര്യമില്ല വിഷ്ണുവേട്ടാ സത്യം പറഞ്ഞാൽ എനിക്ക് അതുകൊണ്ട് മടിയാണ് അവിടേക്ക് വരാൻ തന്നെ.
നീ അതൊന്നും കാര്യമാക്കണ്ട, ഇനി കൂടുതലൊന്നും പറയാതെ ഞാൻ നോക്കിക്കോളാം,
മ്മ്..
അവളൊന്നു മൂളി.
തുടരും.
അടുത്ത ഭാഗം വായിക്കാന് ഇവിടെ ക്ലിക്ക് ചെയ്യൂ
