ഇഷാനിയോട് സംസാരിച്ച ശേഷം പാത്തു സമാധാനത്തോടെ ഉറങ്ങിയെങ്കിലും അപ്പോഴും ചങ്ക് പൊട്ടുന്ന വേദനയിൽ ഇഷാനി തന്റെ മുറിയുടെ ഒരു കോണിൽ ഇരുന്ന് കരയുകയാണ്
കരഞ്ഞു കവിൾത്തടമൊക്കെ വല്ലാത്ത പരുവം ആയിരുന്നു.
എങ്ങനെയൊക്കെയോ അവൾ നേരം വെളുപ്പിച്ചു. എന്നിട്ട് ഒരു പ്രകാരത്തിൽ എഴുന്നേറ്റ് കുളിച്ചു ഫ്രഷ് ആയി.
താഴേക്ക് ഇറങ്ങി വന്നപ്പോൾ സെർവെൻറ് അവൾക്കുള്ള ഫുഡ്‌ ഒക്കെ എടുത്തു വെച്ചിട്ടുണ്ട്. വിശപ്പും ദാഹവും ഒന്നുമില്ല.
ചേച്ചി എനിക്കൊന്നും വേണ്ട.. വിശപ്പില്ല..
അങ്ങനെ പറയല്ലേ മോളെ. എവിടെയെങ്കിലും തളർന്ന് വീണാൽ നീ എന്ത് ചെയ്യും.
ആ സെർവെൻറ് അവളെ ഒരുപാട് നിർബന്ധിച്ചാണ് ഇത്തിരി ഭക്ഷണം കഴിപ്പിച്ചത്. പെറ്റ തള്ളയ്ക്ക്പോലും അവർക്കുള്ളതിന്റർ ഒരംശം സ്നേഹം പോലും ഇല്ലാലോന്നു ഇഷാനി ഓർത്തു.
കോളേജിലേക്ക് പോകാനായി ഇറങ്ങി ചെന്നപ്പോൾ തന്റെ സ്കൂട്ടി അവിടെയെങ്ങും ഇഷാനി കണ്ടില്ല.
ശോ… ഇതെവിടെ പോയി. അവൾ ചുറ്റിനും നോക്കി.
മാഡം അതെടുത്തു കൊണ്ട് പോയി മോളെ. ഇനി മുതൽ മോളോട് ബസിൽ പൊയ്‌ക്കോളാന് പറഞ്ഞു
പിന്നിൽ നിന്നും സെർവെൻറ് ന്റെ ശബ്ദം. അവരെ നോക്കി ചെറുതായ് ഒന്ന് പുഞ്ചിരിച്ചു. എന്നിട്ട് ഇഷാനി വെളിയിലേക്ക് ഇറങ്ങി.
അമ്മയുടെ മനസ്… അതിത്രയും കരിങ്കല്ല് ആണല്ലോ ദൈവമേ. സ്വന്തം മക്കളോട് ഇങ്ങനെയൊക്കെ പെരുമാറണമെകിൽ അമ്മയ്ക്ക് തന്നോടുള്ള സ്നേഹം എന്താരിക്കും… നിറഞ്ഞ മിഴികളെ ശാസിച്ചു കൊണ്ട് അവൾ ബസ് സ്റ്റോപ്പിലേക്ക് വേഗത്തിൽ നടന്നു പോയി.
ക്ലാസ്സിൽ എത്തിയതും പാത്തുവിനെ കണ്ടു.. ഒരുപാട് സന്തോഷം.. സമാധാനം..
ഇഷാനി.. നിനക്ക് എന്താടാ പറ്റിയെ. മുഖം ഒക്കെ വല്ലാണ്ട്..പാത്തു അവളെ സൂക്ഷിച്ചു നോക്കി.
തലേ ദിവസം അമ്മ അടിച്ചതിന്റെ പാട് കണ്ടിട്ട് അവളുടെ ഈ ചോദ്യം. കവിള് വീർത്തു കിടക്കുന്നു. ഒപ്പം നീരും വേദനയും…
ഒക്കെ പറയാം.. ഇന്റർവെൽ time ആകട്ടെ. അപ്പോളേക്കും ക്ലാസ്സ്‌ തുടങ്ങാറായി. ഫസ്റ്റ് പീരിയഡ് മാത്യു സർ ന്റെയാണ്..ഒരു ടെസ്റ്റ്‌ പറഞ്ഞിട്ടുണ്ട്. അതുകൊണ്ട് കുട്ടികൾ എല്ലാവരും പഠിത്തത്തിൽ ആയിരുന്നു..പാത്തു അക്ഷമയോട് തന്റെ ഇഷാനിയ്ക്ക് എന്താണ് പറ്റിയത് എന്നറിയാൻ കാത്തിരുന്നു.
സെക്കന്റ്‌ പീരിയഡ് മാധവ് ആയിരുന്നു..അവൻ ക്ലാസ്സിലേക്ക് വന്നതും പെൺകുട്ടികളിൽ ചിലരുടെ മൂളൽ പിന്നിൽ നിന്നും ഉയർന്നു വന്നു.
സൈലെൻസ്….മാധവ് ഉറക്കെ പറഞ്ഞതും പെട്ടന്ന് എല്ലാവരും നിശബ്ദരായ്.
ടേക്ക് യുവർ ടെക്സ്റ്റ്‌..അവൻ കുട്ടികളിൽ ചിലരെ നോക്കി കൊണ്ട് പറഞ്ഞു.
വളരെ കൃത്യതയോടെ വെടിപ്പായി പോർഷൻ കവറു ചെയ്യുന്ന മാധവ് നെ ഏറെ അഭിമാനത്തോടെ പാത്തു നോക്കിയിരുന്നു..തൊട്ടരുകിൽ ഇരുന്നവൾ ഒരിക്കൽ പോലും മുഖമുയർത്തിയില്ല എന്നതും ഒരു സത്യമായാരിന്നു.
മാധവ് പാത്തുവിനെ ശ്രെദ്ധിച്ചപ്പോൾ ഒക്കെയും ഇടയ്ക്ക് അവന്റെ മിഴികൾ ഒന്ന് രണ്ടു തവണ അരികിലായ് ഇരുന്ന ഇഷാനി യുടെ നേർക്ക് നീണ്ടു ചെന്നു..അവൾ മുഖം താഴ്ത്തി ഇരിയ്ക്കുന്നത് കൊണ്ട് അവൻ കണ്ടതുമില്ല..
അവസാനത്തെ പത്തു മിനിട്ട് മാധവ് കുട്ടികളോട് ചോദ്യം ചോദിക്കുവാൻ വേണ്ടി മാറ്റിവെച്ചിരുന്നു
ഇടയ്ക്ക് നിന്നും ഓരോരുത്തരെ വിളിക്കുകയാണ്‌ ചെയ്യുന്നത്..ഒരു തവണ ഇഷാനി യുടെ ഊഴം എത്തി.
അവൾ വേഗം എഴുന്നേറ്റു. മാധവ് നോക്കിയപ്പോൾ കണ്ടു കരഞ്ഞു വീർത്ത കണ്ണുകളും ചുവന്നു വീങ്ങി കിടക്കുന്ന അവളുടെ കവിളും..മാധവിന്റെ നെറ്റി ചുളിഞ്ഞു. അത് നല്ലോണം മനസ്സിലായത് പാത്തുവിന് ആയിരുന്നു.
ഉത്തരം പറഞ്ഞ ശേഷം ഇഷാനി മാധവിനെയൊന്നു നോക്കി.
സിറ്റ് ഡൌൺ…അവൻ പറഞ്ഞതും അവൾ ബെഞ്ചിലേയ്ക്ക് ഇരുന്നു.
പാത്തു തലേ ദിവസം ബഹളം വെച്ചപ്പോൾ താൻ അവളെ വഴക്ക് പറഞ്ഞു. എന്തിനാ കൂട്ടുകാരിയുടെ കാര്യത്തിൽ ഇത്രത്തോളം ശ്രെദ്ധയെന്ന് പറഞ്ഞു അവളോട് ദേഷ്യപ്പെട്ടു. എന്നാൽ ഇന്ന് ഇഷനിയെ കണ്ടപ്പോൾ, അവന്റെ ഉള്ളിലും എന്തൊക്കെയോ സംശയം.
ഇന്നലെ എത്ര പ്രസരിപ്പോടെ ക്ലാസ്സിൽ ഇരുന്ന കുട്ടിയ..എന്തൊക്കയോ ദുരുഹത പോലെ.
ക്ലാസ്സ്‌ കഴിഞ്ഞു മാധവ് ഇറങ്ങി പോയപ്പോൾ ഇന്റർവെൽ time ആയിരുന്നു.
ഇഷാനിയുടെ കയ്യും പിടിച്ചു കൊണ്ട് പാത്തു പുറത്തേക്ക് ഇറങ്ങി പോയി.
എടാ.. നിനക്ക് എന്താ പറ്റിയെ. നിന്നെ ആരാണ് ഉപദ്രവിച്ചത്.
പാത്തു അവളെ നോക്കി.
വേറാര്… എന്റെ അമ്മ.. പറയുകയും ഇഷാനിയ്ക്ക് വാക്കുകൾ ഇടറി
തുടരും