പാത്തു ഒരുപാട് നിർബന്ധിച്ച് ഇഷാനിയെ ആ റസ്റ്റോറന്റിലേക്ക് കയറ്റിയത്..
മാധവ്ന്റെ പിന്നാലെ ഇരുവരും അകത്തേക്ക് കയറി. വാഷ് റൂമിലൊക്കെ പോയി കൈയൊക്കെ കഴുകി ഒന്ന് ഫ്രഷ് ആയ ശേഷം രണ്ടാളും മാധവ് ഇരുന്ന ചെയറിന്റെ അടുത്തേക്ക് പോയി.
എന്താ വേണ്ടത്… ഗൗരവത്തിൽ അവൻ പാത്തുവിനെയും ഇഷാനിയെയും നോക്കി.
അവൻ നോക്കുന്നു എന്ന് മനസ്സിലാക്കിയതും ഇഷാനി പെട്ടന്ന് മുഖം കുനിച്ചു..
ഇവർക്ക് ഗീറോസ്റ്റ് മതി അതാണ് ഇഷ്ടം. പിന്നെ ബ്രൂകോഫിയും. എനിക്കൊരു മസാല ദോശ.. ചേട്ടന് എന്താ വേണ്ടത്. പാത്തു അവനെ നോക്കി.
അപ്പോഴേക്കും വെയിറ്റർ അവരുടെ അരികിലേക്ക് വന്നു. രണ്ട് സെറ്റ് മസാല ഒരു ഗീ റോസ്റ്റ്.. മൂന്ന് കോഫി. അവൻ ഓർഡർ കൊടുത്തതും വെയിറ്റർ തിരിച്ചു പോയി.
അപ്പോഴും പാത്തു കലിപിലാന്ന് ഓരോന്ന് സംസാരിക്കുന്നുണ്ട്. ഇഷാനി എല്ലാത്തിനും നേർത്ത ഒരു മൂളൽ മാത്രം.
ഭക്ഷണം വന്നതും ഇഷാനി വേഗം കഴിക്കുകയാണ്.. സത്യം പറഞ്ഞാൽ മാധവും പാത്തുവും അതിശയിച്ചു പോയിരിന്നു. അത്ര വേഗത്തിലാണ് ഇഷാനി കഴിച്ച് തീർത്തത്. അതുപോലെ വിശന്നാണോ അവൾ ഇരുന്നതെന്ന് പാത്തു ഓർത്തുപോയി.
ഇഷാനി ഒരെണ്ണം കൂടി ഓർഡർ ചെയ്യട്ടെ. പാത്തു ചോദിച്ചതും അവൾ വേണ്ടെന്ന് തലയിളക്കി കാണിച്ചു.
ഒരെണ്ണം കൂടി കഴിക്കെടാ നീ ആകെ ടയേഡ് അല്ലേ
വേണ്ട വേണ്ട എനിക്ക് വയറു നിറഞ്ഞു… അവൾ ശബ്ദം താഴ്ത്തിയാണ് പറയുന്നത്.
നീ എന്തിനാ ഇങ്ങനെ പേടിക്കുന്നത്. ഏട്ടനെ ആണോ നിനക്ക് പേടി. ഇത്രയും പതുക്കെ സംസാരിക്കുന്നത്. പാത്തു ഇത്തിരി ദേഷ്യത്തിൽ അവളോട് പറഞ്ഞതും ഇഷാനി ദയനീയമായി പാത്തുവിനെ നോക്കി.
അരമണിക്കൂർ എടുത്തു കോഫി ഹൗസിൽ നിന്നും ഇറങ്ങുവാന്..
ഞാൻ പൊയ്ക്കോളാം പാത്തു..എനിയ്ക്കിപ്പോൾ കുഴപ്പമില്ലായിരുന്നു..
സാരല്ല്യ.. ഞാൻ കൊണ്ട് പോയി വിട്ടോളാം. പ്രശ്നം എന്തേലും വരുമൊന്നു നോക്കട്ടെ.
കാറിൽ കയറുമ്പോൾ പാത്തു ഇഷാനിയോട് ഇത്തിരി കലിപ്പ് മോഡിൽ പറഞ്ഞു.
ഒരു തവണ പോയത് കൊണ്ട് മാധവ് ന് വഴി അറിയാമായിരുന്നു.
അവൾക്ക് ഒന്നും പറഞ്ഞു കൊടുക്കേണ്ട ആവശ്യം പോലും വന്നില്ല താനും.
അത്യാവശ്യം ഇരുട്ട് പരന്നിട്ടുണ്ട്.ഇഷാനി വെളിയിലേക്ക് നോക്കി. അവൾക്ക് അല്പം ഭയം തോന്നി. സമയം 7.30കഴിഞ്ഞു. വീട്ടിലെത്തിയതും ലൈറ്റ് പോലും ഇട്ടിട്ടില്ല..ജോലിക്കാരി ചേച്ചി ഇല്ലെടാ ഇവിടെ?.പാത്തു ചോദിച്ചു.
ഉണ്ട്.. അകത്തുണ്ട്.
എന്നിട്ട് കാണുന്നില്ലാലോ. പാത്തു വും അവളോടൊപ്പം കാറിൽ നിന്നും ഇറങ്ങി.
ഏട്ടാ ഞാനിപ്പോ വരാം.. അകത്താരെങ്കിലും ഉണ്ടോ എന്ന് നോക്കട്ടെ കേട്ടോ.
മ്മ്…
മാധവ് തലകുലുക്കിയതും പാത്തുവും ഇഷാനിയും ഗേറ്റ് കടന്ന് അകത്തേക്ക് കയറി.
ഇവിടെ ആരേം കാണുന്നില്ലല്ലോ. ഇഷാനി നിനക്ക് ആ ചേച്ചിയുടെ നമ്പർ അറിയാമോ.
അറിയാം.. ഞാനൊന്ന് വിളിച്ചു നോക്കട്ടെ.. കീ വെയ്ക്കുന്ന സ്ഥലം ഇഷാനിക്ക് നിശ്ചയമായിരുന്നു.കീ എടുത്ത് അവൾ ഡോർ ഓപ്പൺ ചെയ്തു. അതിനുശേഷം അവൾ വാതിൽ തുറന്ന് അകത്തേക്ക് കയറി.
ലൈറ്റ് ഓൺ ചെയ്ത്. ശേഷം മൊബൈൽ എടുത്തു ജോലിക്കാരിയെ വിളിച്ചു..
ഹലോ.. ചേച്ചി,.
ആഹ് മോളെ.
ചേച്ചി എന്താ പോയെ.. ഞാൻ വന്നപ്പോൾ കണ്ടില്ലലോ.
ഞാന് വീട്ടിലേക്ക് പോന്നതാ. മോളെന്താ വരാൻ ലേറ്റ് ആയത്.
അത് എനിക്ക് ചെറിയ തലകറക്കം പോലെ വന്നു. ഞാൻ ഹോസ്പിറ്റലിൽ പോയതാ.
അതെയോ.. മോള് അവിടെ നിന്നോ. ചേച്ചി പെട്ടന്ന് വരാം. കഴിക്കാനുള്ളതൊക്കെ അടുക്കളയിൽ ഉണ്ട് കേട്ടോ.
ആഹ്.. ശരി ചേച്ചി.. വരാതെ ഇരിയ്ക്കോ.
ഇല്ലന്നെ.. വരു. ഉറപ്പായും വരും. അവർ വരുമെന്ന് പറഞ്ഞതും ഇഷാനി ആശ്വാസത്തോടെ ഫോൺ കട്ട് ചെയ്തു.
എന്താടാ.. പാത്തു അവളെ നോക്കി ചേച്ചി വരുമെന്ന് പറഞ്ഞു.
അതെയോ… അവരെന്താ പോയത്.
എന്നെ കാണാഞ്ഞപ്പോൾ ചേച്ചി കരുതി ഞാൻ ഇനി വീട്ടിലേക്ക് വരില്ലെന്ന്. ചേച്ചിക്ക് ഇവിടെ ഒറ്റയ്ക്ക് നിൽക്കാൻ ഭയം അതുകൊണ്ട് പോയത്.
മ്മ്… ചേച്ചി വന്നിട്ട് ഞാൻ പൊയ്ക്കോളാം.
എടാ.. എങ്കിൽ സാറിനെ ഒന്ന് വിളിക്ക്..
ഞാനെന്തിന് വിളിക്കുന്നത്.. നിന്റെ വീട്ടിലേക്ക് എന്റെ ഏട്ടൻ കയറി വരണമെങ്കിൽ നീ ചെന്ന് വിളിച്ചാൽ മതി.
എടാ പ്ലീസ്… ഞാനെങ്ങനെയാണ്….
ഒരു പ്ലീസും ഇല്ല ഇഷാനി നീ ചെന്ന് വിളിച്ചാൽ മാത്രം മതി.
പാത്തു അവിടെ കിടന്ന സെറ്റിയിലേക്ക് ഇരുന്നു.
ഒടുവിൽ യാതൊരു നിവൃത്തിയും ഇല്ലാതെ ഇഷാനി പുറത്തേക്കിറങ്ങിപ്പോയി.
മാധവാണെങ്കിൽ ഫോണിൽ ആരെയോ വിളിച്ചു സംസാരിക്കുകയായിരുന്നു .ഇഷാനി വരുന്നത് കണ്ടതും അവൻ പെട്ടെന്ന് ഫോൺ കട്ട് ചെയ്തു.
സർ…
എന്താ ഇഷാനി..
ഇവിടെ നിൽക്കുന്ന മെയ്ഡ് അവരുടെ വീട്ടിലേക്ക് പോയതാണ്,, ഇപ്പോ വരും.. പാത്തു പറഞ്ഞു ആന്റി വന്നിട്ട് അവൾ പൊയ്ക്കോളാം എന്ന്. സാറിന് വിരോധമില്ലെങ്കിൽ ഒന്ന് കയറിയിട്ട് പോകാം. അവനോട് അത് പറയുമ്പോൾ അവളെ നല്ലോണം വിറയ്ക്കുന്നുണ്ടായിരുന്നു.
അവൻ അതിനു മറുപടിയൊന്നും പറയാതെ നിന്നപ്പോൾ ഇഷാനി തിരികെ കയറി പോവുകയായിരുന്നു
പാത്തു ഞാൻ ചായ എടുക്കട്ടെ… അകത്തേക്ക് വന്ന് അവൾ പാത്തുവിനോട് ചോദിച്ചു.
ഏട്ടൻ എന്തു പറഞ്ഞു….
സാറ് ഒന്നും പറഞ്ഞില്ല ഞാൻ കയറി പിന്നെ ഇങ്ങോട്ട് പോന്നു.
മ്മ്…
എടാ ചായ തരട്ടെ.
വേണ്ട ഇഷാനി,, എനിക്ക് ഒന്നും വേണ്ട.. നമ്മൾ ഫുഡ് കഴിച്ചിറങ്ങിയിട്ട് അധികം സമയമായില്ലല്ലോ.
എങ്കിൽ ജ്യൂസ് എന്തെങ്കിലും എടുക്കണോ.
വേണ്ട പെണ്ണെ,ഒന്നും വേണ്ട.
മുകളിലാണ് എന്റെ റൂം നമുക്ക് അവിടേക്ക് പോകാം.
അതൊക്കെ പിന്നീടാവാം. ആ ചേച്ചി വന്നാൽ ഉടൻ ഞാനും ഏട്ടനും മടങ്ങും. അച്ഛമ്മയെ ഇനി വീട്ടിലേക്കാണോ കൊണ്ടുവരുന്നത് എന്ന് അറിയില്ല.
പാത്തു എനിക്ക് ഒറ്റക്കിരിക്കാൻ പേടിയൊന്നുമില്ല നീ പൊയ്ക്കോ.
ഹേയ്,,, അതൊന്നും സാരമില്ല. ആ ചേച്ചി വരാതെ ഞാൻ പോകില്ല ഉറപ്പ്.
എന്തായാലും ഇരുവരും സംസാരിച്ചുകൊണ്ടിരുന്നപ്പോൾ ഒരു സ്ത്രീ അകത്തേക്ക് കയറി വരുന്നുണ്ടായിരുന്നു.
ഞാനോർത്തു മോള് എവിടെയെങ്കിലും പോയിക്കാണുന്നു,,, ആറര വരെ നോക്കി എന്നിട്ടും കണ്ടില്ല.അതാ തിരിച്ച് വീട്ടിലേക്ക് മടങ്ങിയത്. സുമിത്രാമ വിളിച്ചാൽ എന്തു പറയും എന്ന് എനിക്ക് പേടിയായിരുന്നു. ബെല്ലടിച്ചപ്പോൾ സുമിത്രമ്മയാണെന്ന് ഓർത്തത്.
ചിരിയോടെ പറഞ്ഞുകൊണ്ട് അവർ ഇഷാനിയെ നോക്കി.
ചേച്ചി ഇത് എന്റെ കൂട്ടുകാരിയാണ് പേര് പ്രാർത്ഥന..
ആണോ… മോളുടെ വീട് എവിടാ..
അവർ പാത്തുവിനെ നോക്കി ചിരിച്ചുകൊണ്ട് ചോദിച്ചു. അവൾ സ്ഥലവും വീടും ഒക്കെ അവർക്ക് പറഞ്ഞു കൊടുത്തു.
പാത്തു എന്നാപ്പിന്നെ നീ പൊയ്ക്കോ,, ഇനിയിപ്പോൾ എനിക്ക് ചേച്ചി കൂട്ടുണ്ടല്ലോടാ.
മ്മ്… ഓക്കേ,, അപ്പോ ശരി നാളെ കാണാം.
ഇഷാനിക്ക് ഉമ്മ കൊടുത്ത ശേഷം സിറ്റൗട്ടിൽ നിന്നും ഇറങ്ങി വരികയാണ് പാത്തു. മാധവ് അത് കാണുകയും ചെയ്തു.
ഇഷാനിയും അവളുടെ പിന്നാലെ വന്നു.
ഡാ അപ്പൊ ശരി, എന്തെങ്കിലും ഉണ്ടെങ്കിൽ വിളിക്കണേ…
ഹ്മ്മ്.. വിളിക്കാം അവൾ തല കുലുക്കി.
മാധവ് ഇഷാനിയെ ഒന്നു നോക്കുക പോലും ചെയ്യാതെ വണ്ടി മുൻപോട്ടെടുത്തു.
പാത്തു വണ്ടിയിൽ കയറിയ ശേഷവും അവളെ കൈവീശി കാണിച്ചു. അവൾ തിരിച്ചും
ആ വണ്ടി അകന്നു പോയതും പാത്തു ഗേറ്റ് അടച്ചിട്ട് വീടിനുള്ളിലേക്ക് കയറി
തുടരും
