ചേട്ടൻ ഒരാള് കാരണമാണ് എന്റെ ഇഷാനിക്ക് ഇന്ന് ഈ അവസ്ഥ വന്നത്.
വണ്ടിയിലിരിയ്ക്കവേ പാത്തു മാധവിനെ നോക്കി ദേഷ്യപ്പെട്ടു.
ഞാനോ… ഞാൻ എന്ത് ചെയ്തു…
ചേട്ടൻ അത്ര വലിയ ഇമ്പോസിഷൻ അവൾക്ക് കൊടുത്തില്ലേ. അതെഴുതി എഴുതിയാണ് പാവം ഇഷാനി മടുത്തു പോയത്.
ഫുൾടൈം ഇരുന്ന് കണ്ണടയ്ക്കാതെ അവൾ എഴുതി തീർത്തു. അതുകൊണ്ടല്ലേ…
കണക്കായി പോയി.. നിനക്ക് ഇഷ്ടപ്പെട്ടില്ലെങ്കിൽ പോയി പണി നോക്ക് പെട്ടെന്ന് മാധവ് പറഞ്ഞതും പാത്തുവിന് ദേഷ്യം അതിന്റെ ഉച്ചസ്ഥായിയിൽ എത്തി.
ഏട്ടനിയീടെ ആയിട്ട് കൂടുന്നുണ്ട് കേട്ടൊ. അവളൊരു പാവം ആയതുകൊണ്ട്. ഞാനെങ്ങാനും ആയിരുന്നു ഈ സ്ഥാനത്ത് എങ്കിൽ…
എങ്കിൽ.. ബാക്കി കൂടി കേൾക്കട്ടെ…
ഞാനായിരുന്നു ഈ സ്ഥാനത്ത് എങ്കിൽ, ചേട്ടന്റെ കാരണത്തിനീട്ടൊന്നു പൊട്ടിച്ചേനെ.
ഡി… പറഞ്ഞുപറഞ്ഞു നീ ഒരുപാട് കയറുന്നുണ്ട് കേട്ടോ
അവള് പാവമാ ഏട്ടാ.. ഏട്ടനവളെ അറിയില്ലാ.. അതാണ്..
നീ വേറെ വല്ലതും സംസാരിക്കുന്നുണ്ടോ പാത്തു. 24 മണിക്കൂറും അവളുടെയൊരു ഇഷാനി.
മാധവ്
വഴക്ക് പറഞ്ഞതും പിന്നീട് പാത്തു മിണ്ടാൻ പോയില്ല.
വീട്ടിലെത്തിയ ശേഷവും പാത്തു ഇഷാനിയെ വിളിച്ച് വിവരങ്ങളൊക്കെ തിരക്കിയിരുന്നു.
കുഴപ്പമൊന്നുമില്ലെന്നും താനോക്കെയാണെന്നും അവൾ പറഞ്ഞു.
അച്ഛനും അമ്മയും സച്ചുവേട്ടനും ഒക്കെ എത്തിയപ്പോൾ രാത്രിയായിരുന്നു.
അടുത്തദിവസം നന്ദനയുടെ വീട്ടിലേക്ക് പോകുന്ന കാര്യങ്ങളെ കുറിച്ചാണ് ചർച്ച.
ജാതകം കൈമാറുന്ന ചടങ്ങ് നടത്തുവാനാണ്.
വിവാഹ വിശേഷങ്ങൾ പറയാൻ തുടങ്ങിയതും എല്ലാവരും പോസിറ്റീവ് മോഡിലേക്ക് മാറിയിരുന്നു.
സച്ചുവിനെ ഓരോന്ന് പറഞ്ഞു കളിയാക്കിക്കൊണ്ട് പാത്തു അവന്റെ അരികിലിരുന്നു.
ഒരാഴ്ച വേഗം കടന്നു പോയി. ഇഷാനിയുടെ ജീവിതത്തിൽ വലിയ സംഭവവികാസങ്ങൾ ഒന്നും ഉണ്ടായിട്ടില്ലായിരുന്നു.
എന്നാൽ പാത്തുവിന് നേരെ വിപരീതമായിരുന്നു കാര്യങ്ങൾ.
അച്ചുവിന്റെ കല്യാണം തീരുമാനിച്ചതും, എൻഗേജ്മെന്റ്,,ഡ്രസ്സ്,,, ഓർണമെന്റസ്.. ഇതിന്റെയൊക്കെ ചർച്ചയിൽ ആയിരുന്നു പാത്തു. ഇന്റർവെൽ ടൈം ആകുമ്പോൾ അവള് സംസാരം തുടങ്ങും. . ഇഷാനി തനിയ്ക്കറിയാവുന്ന ഫാഷൻ സെൻസ് അവളോട് ഷെയർ ചെയ്യും.
മാധവ് ന്റെ ക്ലാസ്സിൽ ഇഷാനി മുഖമുയർത്തില്ല. അവൻ എന്തെങ്കിലും ചോദ്യം ചോദിച്ചാൽ മാത്രം എഴുന്നേറ്റ് അൻസർ പറയും. . അന്നത്തെ ഇമ്പോസിഷനു ശേഷം ഇന്നുവരെ ഇഷാനിക്ക് യാതൊരു പണിഷ്മെന്റ് കിട്ടിയിരുന്നില്ല എന്നതാണ് ഏറെ ശ്രദ്ധേയം.
ഒന്ന് രണ്ട് തവണ ഇഷാനി പാത്തുവിന്റെ കൂടെ കാറിൽ ആയിരുന്നു വീട്ടിലേക്ക് പോയത്. അപ്പോഴും മാധവ് ഇഷാനിയോട് ഒന്നുംതന്നെ സംസാരിച്ചിരുന്നില്ല.
കണ്ണിലേക്ക് ഒന്നു മയക്കം കയറിയ നേരം. കാളിങ് ബെൽ നിർത്താതെ അടിക്കുന്ന കേട്ടു കൊണ്ട് ജോലിക്കാരി ചേച്ചി ഇഷാനിയുടെ റൂമിന്റെ ഡോറിൽ തട്ടി അവളെ വിളിക്കുകയാണ്.
ആരാ ചേച്ചി വന്നത്.
അറിയില്ല മോളെ….
ഹമ്.. ഞാൻ ക്യാമറ ചെക്ക് ചെയ്യട്ടെ. . ഉള്ളിൽ ഭയം ഉണ്ടെങ്കിലും ഇഷാനി വന്നിട്ട് ക്യാമറയിലൂടെ ആരാണ് വെളിയിലെന്ന് പരിശോധിച്ചു..
ജയൻ ആയിരുന്നു. അവനെ കണ്ടതും ഇഷാനിയുടെ നെഞ്ചിടിച്ചു.
തന്റെ ഫോൺ എടുത്തിട്ട് അവൾ മറ്റൊന്നും ആലോചിക്കാതെ പാത്തുവിനെ വിളിച്ചു.
നേരം അപ്പോൾ 12മണി കഴിഞ്ഞു.. ഫോൺ വിളിച്ചിട്ട് ഒന്നും പാത്തു അറ്റൻഡ് ചെയ്യാതെ വന്നതും ഇഷാനിയിൽ ഭയം വർദ്ധിച്ചു.
മാധവ് ഏതോ ഒരു ബുക്ക് വായിച്ചു കൊണ്ടിരിക്കുകയായിരുന്നു. ബുക്ക് ഒക്കെ വായിച്ച് കംപ്ലീറ്റ് ആക്കിയ ശേഷം ഡോർ അടച്ച് ലോക്ക് ചെയ്ത് കിടക്കുവാനായി പോയി.
ഇത്തിരി വെള്ളം കുടിക്കാം എന്ന് കരുതി ജഗ്ഗ്‌ലേക്ക് നോക്കിയപ്പോൾ വെള്ളം കാലിയായിരിക്കുന്നത് അവൻ കണ്ടു.
ഡോർ തുറന്നശേഷം മാധവ് പുറത്തേക്ക് ഇറങ്ങിച്ചെന്നു. അപ്പോഴാണ് ഡൈനിങ് ടേബിളിന്റെ മുകളിലിരുന്ന് പാത്തുവിന്റെ ഫോൺ ഇരുമ്പുന്നത് അവൻ കാണുന്നത്.
ഈ സമയത്ത് ഇതാരാണെന്ന് ഓർത്തുകൊണ്ട് അവൻ ഫോൺ എടുത്തു.
ഇഷാനീ കോളിംഗ് എന്നാണ് തെളിഞ്ഞു വന്നത്.
മാധവ് ഫോൺ കാതിലേക്ക് ചേർത്തു..
പാത്തു അയാള്… ആ ജയൻ വന്നിട്ടുണ്ട്.. എനിക്ക് പേടിയാവുന്നടാ. എന്താ ചെയ്ക..എന്നേ അയാൾ എന്തേലും ചെയ്യും ഉറക്കെ കരഞ്ഞു കൊണ്ട് ഇഷാനി പറയുന്നത് മാധവ് കേട്ടു.
Hello ഇഷാനി… മാധവ് ന്റെ ശബ്ദം കേട്ടതും പെട്ടെന്ന് ഇഷാനി ഒന്ന് നിശബ്ദയായി.
താൻ
. ടെൻഷൻ അടിക്കേണ്ട, ഉടനെ പോലീസിൽ വിവരം അറിയിക്കാം കെട്ടോ..
വേണ്ട സാർ.. അമ്മയറിഞ്ഞൽ എന്നെ കൊ,ല്ലും… പാത്തു ഉണ്ടോ അടുത്ത്. ചോദിച്ചു കൊണ്ട് അവൾ ഉറക്കെ കരഞ്ഞു
താൻ കരയാതെ.. ഞാൻ ഉടനെ വരാം. അതുവരെ റൂമിൽ നിന്നും
ഇ റങ്ങരുത്ഉ ടനെ തന്നെ ഫോൺ കട്ട് ആകുകയും ചെയ്തു..
മാധവ് തിരിച്ചു വിളിച്ചതും ഇഷാനിയുടെ ഫോൺ സ്വിച്ച് ഓഫ് ആയിരുന്നു.
അച്ഛനെ വിളിച്ച് കാര്യം പറഞ്ഞാലോ എന്ന് അവൻ ആദ്യം ഓർത്തു. എന്നാൽ പിന്നീട് ഒന്നും നോക്കിയില്ല,, സമയം പോകുന്തോറും ഇഷാനിക്ക് എന്തെങ്കിലും അപകടം പറ്റുമോ എന്ന് അവൻ ഭയന്നു.
പെട്ടെന്ന് മാധവ് കാറിന്റെ ചാവിയും എടുത്ത് പുറത്തേക്ക് പാഞ്ഞു.
തുടരും.