അമ്മാളു ഭാഗം 69~~~~ എഴുത്ത്: കാശിനാഥൻ

പീരിയഡ്സ് ഡേറ്റ് കഴിഞ്ഞു എങ്കിലും അമ്മാളു ഒരിക്കൽ പോലും താൻ പ്രെഗ്നന്റ് ആണെന്ന് കരുതിയില്ല.. ഒരാഴ്ച ഒക്കെ ഇടയ്ക്ക് അവൾക്ക് ലേറ്റ് ആയാണ് വരുന്നത്. അതുപോലെ ആകും ഇതുമെന്ന് പാവം പെണ്ണ് ഓർത്തത്.

വയറു ഇടിച്ചു വീണ ശേഷം ബോധം മറഞ്ഞു പോയത് ആണ് അവൾക്ക്. പിന്നീട് ഹോസ്പിറ്റലിൽ എത്തി, ഇടയ്ക്കു ഒക്കെ വിഷ്ണുവേട്ടൻ തന്നെ പേരെടുത്തു വിളിക്കുന്നത് മാത്രം ആണ് അവൾക്ക് ആകെ ഉള്ള ഓർമ.

കുറെ നേരം കഴിഞ്ഞു താൻ കണ്ണ് തുറന്നപ്പോൾ കുറച്ചു സിസ്റ്റർമാർ റൂമിൽ കൂടി നടക്കുന്നു..

എന്താണ് സംഭവിച്ചത് എന്ന് പോലും വ്യക്തമായില്ല.

സിസ്റ്റർ…

പതിയെ അവൾ വിളിച്ചപ്പോൾ ഒരു സിസ്റ്റർ തിരിഞ്ഞു നോക്കി.

എങ്ങനെ ഉണ്ട്, pain ഉണ്ടെങ്കിൽ പറയണേ ടാ..

സിസ്റ്റർ വന്നിട്ട് തന്റെ നെറുകയിൽ തലോടി

എനിക്ക്.. എന്താണ് പറ്റിയേ, വിഷ്ണുവേട്ടൻ… അവൾ ചുറ്റിനും നോക്കി..

ഏട്ടൻ വെളിയിൽ ഉണ്ട്, വിളിക്കാം കേട്ടോ. പറഞ്ഞു കൊണ്ട് സിസ്റ്റർ പുറത്തേക്ക് പോയ്‌ എന്നിട്ട് പെട്ടെന്ന് കയറി വന്നു.

കരഞ്ഞു കലങ്ങിയ മിഴികളോട് കൂടി അപ്പച്ചിയും, മീരേച്ചിയും ഏട്ടനും ഒക്കെ വന്നു..

നമ്മൾക്ക് വിധിച്ചില്ല, പോട്ടെ മോളെ. അപ്പച്ചി കരഞ്ഞപ്പോൾ തന്റെ വലതു കൈ അറിയാതെ വയറിലേക്ക് നീണ്ടു. എന്തൊക്കെയോ വേദന,വിഷ്ണുവേട്ടനെ നോക്കി. വലിഞ്ഞു മുറുകിയ മുഖം ആണ് ആൾക്ക് എന്ന് തോന്നി..?തന്റെ നേർക്ക് നോക്കാതെ മറ്റേവിടെക്കോ നോക്കി നിൽക്കുന്നു.

എന്തൊക്കയോ പറഞ്ഞു അശ്വസിപ്പിച്ച ശേഷം അവരൊക്കെ വെളിയിലേയ്ക്ക് പോയ്‌.?ആ സമയത്തു ആണ് തനിക്ക് ബോധം വന്നത്.

ഈശ്വരാ, ഞാൻ.. ഞാൻ, എനിക്ക്.. അയ്യോ എന്റെ കുഞ്ഞു.. കുഞ്ഞു പോയോ..

കണ്ണുകൾ നിറഞ്ഞു തൂവി, കാഴ്ചയ്ക്ക് മൂടുപടം തീർത്തു.?അലറി കരയാൻ മനസ് വെമ്പി എങ്കിലും പിടിച്ചു നിന്നു. വേറെ നിവർത്തി ഇല്ലാതെ.

☆☆☆☆☆☆☆☆☆

ഡിസ്ചാർജ് ആയി വീട്ടിൽ വന്നിട്ട് ഇത് രണ്ടാം നാള് ആണ്.
ഇല്ലത്തേക്ക് പോയ്കോളാം എന്ന് കുറെ പറഞ്ഞു നോക്കി എങ്കിലു അപ്പച്ചിയും ഏടത്തിയും സമ്മതിച്ചില്ല. അവര് നോക്കിക്കോളാം എന്ന് പറഞ്ഞു കൂട്ടി കൊണ്ട് വന്നു..ആഗ്രഹവും സങ്കടവും ഉണ്ട്. പക്ഷെ അനുസരിക്കാതെ മാർഗം ഇല്ല.അതിനേക്കാൾ ഏറെ മനസ്സിൽ തട്ടിയത് വിഷ്ണുവേട്ടന്റെ അകൽച്ച ആയിരുന്നു.

ആൾക്ക് മിണ്ടാനൊക്ക ഒരു മടി, തീർത്തും ഗൗരവം ആണ് എപ്പോളും.. അതും തന്റെ നേർക്ക് മാത്രം.ക്ലാസ്സ്‌ ഉണ്ടന്ന് പറഞ്ഞു ഇന്ന് ഹോസ്പിറ്റലിൽ വന്നില്ല. സിദ്ധു ഏട്ടൻ ആയിരുന്നു തന്നെയും അമ്മയെയും ഒക്കെ കൂട്ടാൻ വന്നത്.

ഉച്ച കഴിഞ്ഞു രണ്ടു മണിയോടെ ആയിരുന്നു വീട്ടിൽ എത്തിയത്.

റൂമിൽ എത്തിയപ്പോൾ വല്ലാത്ത ക്ഷീണം, തളർച്ചയൊക്കെ. നേരെ കേറി കിടന്നു..നന്നായി ഒന്ന് ഉറങ്ങി. ആരും ശല്യം ചെയ്യഞ്ഞത് കൊണ്ട് നന്നായി ഉറങ്ങി.

അഞ്ചര ആയപ്പോൾ വിഷ്ണുവേട്ടൻ വന്നു കതകിൽ കൊട്ടി, പെട്ടന്ന് ചാടി എഴുന്നേറ്റതും തല കറങ്ങി.

കുറച്ചു സമയം കഴിഞ്ഞു ആയിരുന്നു ചെന്ന് വാതിൽ തുറന്നത്.

അകത്തേക്ക്  കയറിയതും അമ്മാളു അവന്റെ നെഞ്ചിലെയ്ക്ക് വീണു.
എന്നിട്ട് പൊട്ടിക്കരച്ചിൽ ആയിരുന്നു

അമ്മാളു… പോട്ടെ കരയാതെ. അവൻ തോളിൽ തട്ടി അശ്വസിപ്പിച്ചു.

വിഷ്ണുവേട്ടാ, എന്നോട്  ദേഷ്യം ആണെന്ന് അറിയാം, വെറുപ്പ് ഉണ്ടെന്നും എനിക് മനസിലായി. പക്ഷെ സത്യം ആയിട്ടും എനിക്ക് അറിയില്ല യിരുന്നു. മിക്കവാറും ഇങ്ങനെ ലേറ്റ് ആവും പീരിയഡ്സ്. ഇതും അങ്ങനെ ആണെന്ന് കരുതി. പക്ഷെ, നമ്മുടെ കുഞ്ഞ്… അവൻ ഉണ്ടെന്ന് എനിക്ക് അറിയില്ലായിരുന്നു. പോയല്ലോ ഏട്ടാ, നമ്മുടെ കുഞ്ഞുവാവ പോയല്ലോ.

മുഖം ഉരുട്ടി കൊണ്ട് അവൾ അവനോട്‌ പറ്റി ചേർന്നു.

സാരമില്ല…. ഈശ്വരൻ നമ്മൾക്ക് വിധിച്ചത് അല്ലായിരുന്നു, അത്ര തന്നെ. ഇനി കരഞ്ഞിട്ട് എന്താ കാര്യം.നിന്റെ ബോഡി വീക്ക്‌ ആണ്, ശരിക്കും സൂക്ഷിക്കണം.

വിഷ്ണുവേട്ടൻ എന്നോട് എന്താ ഒന്ന് സംസാരിക്കാൻ പോലും വരാഞ്ഞത്, എന്നേ കാണുമ്പോൾ ദേഷ്യം അല്ലാരുന്നോ.. അത് ഒക്കെ എന്റെ നെഞ്ചിൽ തറച്ചു. അറിയാമോ.

അതിനു ശേഷം ഒന്നും പറയാതെ അവളുടെ തോളിൽ തട്ടിയ ശേഷം വിഷ്ണു അകത്തേക്ക് കയറി.

മോളെ അമ്മാളു…കുളിക്കണോല്ലോ മോളെ, ചൂട് വെള്ളത്തില് വേണംകുളിക്കാൻ, എങ്കിലേ ശരീരവേദനകൾ ഒക്കെ മാറു.

മീരേടത്തി അവളുടെ അടുത്തേക്ക് വന്നു പറഞ്ഞതും അമ്മാളു അങ്ങനെ ചെയ്യാമെന്ന് സമ്മതിച്ചു

താഴേക്ക് കൂടെ കൂടെ ഇറങ്ങി വരണ്ട കേട്ടോ, ഫുഡ്‌ ഇവിടെ കൊണ്ട് വന്നോളാം.

ഹമ്…

മോള് പോയ്‌ കിടന്നോ,ഇങ്ങനെ നിൽക്കാതെ. അവളുടെ കവിളിൽ ഒന്ന് തലോടിയ ശേഷം മീര മുറി വിട്ട് ഇറങ്ങി പോയി.

വിഷ്ണു വേഷം ഒക്കെ മാറ്റി കുളിച്ചു വന്നപ്പോൾ അമ്മാളു തന്റെ വയറിന്മേൽ കൈയും വെച്ച് കൊണ്ട് ഇരുന്ന് കരയുന്നുണ്ട്..?അവൻ അവളുടെ അടുത്ത് വന്നു എന്നിട്ട് അമ്മാളുവിന്റെ തോളിൽ പിടിച്ചു എഴുന്നേൽപ്പിച്ചു.

ചെന്ന് കുളിക്ക്, ക്ഷീണം ഒക്കെ മാറട്ടെ, ഇങ്ങനെ ഇരുന്നാൽ ബാക്ക് pain കൂടും.

മാറി ധരിക്കാൻഉള്ള ഡ്രസ്സ്‌ ഒക്കെ അവൻ തന്നെയാണ് എടുത്തു കൊടുത്തത്. എന്നിട്ട് അവളെ ബാത്‌റൂമിൽ കൊണ്ട് പോയ്‌,

ഡോർ അടയ്ക്കണ്ട കേട്ടോ, തല എങ്ങാനും ചുറ്റിയാല്.

അവൻ പറയുന്നതിനൊക്കെ തല കുലുക്കി സമ്മതിക്കുന്നുണ്ട് അവള്.അങ്ങനെ തന്നെയാണ് ചെയ്തതും.

ചൂട് വെള്ളത്തിൽ കുളിച്ചു കഴിഞ്ഞപ്പോൾ നല്ല ആശ്വാസവും തോന്നിയിരുന്നു.

ചായയും പലഹാരവും ഒക്കെ മിച്ചു കൊണ്ട് വന്നു വെച്ചിട്ടുണ്ട്. വിഷ്ണു അത് എല്ലാം അവളെ കഴിപ്പിച്ചു.

നീ കിടന്നോ കേട്ടോ, ഞാൻ താഴേക്കു ചെല്ലട്ടെ. ചായ കുടിച്ചില്ല.
അവൻ മുറി വിട്ട് ഇറങ്ങി പോയ്‌

തുടരും…..

അടുത്ത ഭാഗം വായിക്കാന്‍ ഇവിടെ ക്ലിക്ക് ചെയ്യൂ