ഇഷാനി ക്ലാസ്സിൽ എത്തിയപ്പോൾ മാധവ് വന്നിട്ടുണ്ടായിരുന്നു.
സർ.മേ ഐ….. അവൻ വാതിൽക്കലേക്ക് നോക്കിയപ്പോൾ ഇഷാനി നിൽക്കുന്നത് കണ്ടു
Yes. അവന്റെ അനുവാദം ലഭിച്ചതും ഇഷാനീ അകത്തേക്ക് കയറി.
മാധവ് അവളെ ഒന്നു നോക്കി. ഒറ്റ രാത്രി കൊണ്ട് ഒരുപാട് ക്ഷീണിച്ച് എന്തൊക്കെയോ അസുഖം പിടിച്ചത് പോലെ ആയിരുന്നു അവളുടെ മുഖം. കണ്ണൊക്കെ കുഴിഞ്ഞു, മുടി പാറി പറന്നു കിടക്കുന്നു. അവന്റെ അരികിലൂടെ അവൾ തന്റെ ഇരിപ്പിടത്തിന്റെ അടുത്തേക്ക് നടന്നു. പെട്ടന്ന് എന്തോ ഓർത്തത് പോലെ, അവൾ നിന്നു. എന്നിട്ട് ബാഗ് തുറന്നു, ഒരു കെട്ടു പേപ്പർ എടുത്തിട്ട് അവന്റെ നേർക്ക് നീട്ടി.
സർ…. ഇമ്പോസിഷൻ. അവൾ പറഞ്ഞതും മാധവ് അവളെ നോക്കി.
അത് വാങ്ങിക്കുമ്പോൾ അവളുടെ കൈകൾ വിറ കൊള്ളുന്നത് മാധവ് അറിഞ്ഞു.
കുട്ടികൾ എല്ലാവരും അവളെ നോക്കുന്നുണ്ട്. എന്തോ വലിയ ഒരു കുറ്റവാളിയെ പോലെ ഇഷാനി അവന്റെ അടുത്ത് നിന്നും നടന്നു.
ഇഷാനി വന്നു പാത്തു വിന്റെ അരികിൽ ഇരുന്നു.
പാത്തു അവളുടെ കൈയിൽ പിടിച്ചു. ഇഷാനി മുഖം തിരിച്ചു നോക്കി.
എടാ.. നീ ഒറ്റയ്ക്ക്.. എങ്ങനെ..
മറുപടിയായി ആ പാവം അവളെ നോക്കി ഒന്നു ചിരിച്ചു..
ക്ലാസ്സ്‌ തുടങ്ങിയ ശേഷം എല്ലാവരും ശ്രെധിച്ചിരിക്കുക യാണ്.. അല്ലെങ്കിൽ മാധവ് വഴക്ക് പറയുമെന്ന് എല്ലാർക്കും അറിയാം..അതുകൊണ്ട് കണ്ണും കാതും ഒരുപോലെ തുറന്നാണ് അവർ ഓരോരുത്തരും ഇരിക്കുന്നത്.. ഇടയ്ക്ക് ഒക്കെ മാധവ് ചോദ്യം ചോദിക്കുന്നുണ്ട്. കുട്ടികൾ ആൻസറും കൊടുത്തു.
മാധവ് ന്റെ നോട്ടം പാത്തുവിലേയ്ക്ക് നീണ്ടു. ഒപ്പം ഇഷാനിയിലും.
മാധവിന്റെ ക്ലാസ് കഴിഞ്ഞ് അവൻ ഇറങ്ങിപ്പോയതും പാത്തു അവളുടെ നേർക്ക് തിരിഞ്ഞു.
എടാ… നീ എങ്ങനെ ഇത് കമ്പ്ലീറ്റ് ആക്കി. നിന്റെ കോലം പോലും മാറി പോയല്ലോ ടാ. സോറി… എന്റെ ഏട്ടന് വേണ്ടി നിന്നോട് ഞാൻ ക്ഷമ ചോദിക്കുന്നു.
ഹേയ്.. അതൊന്നും സാരമില്ല. നമ്മൾ തെറ്റ് ചെയ്യുമ്പോൾ നമ്മളെ ശിക്ഷിക്കുവാനുള്ള എല്ലാ അധികാരവും ഉള്ള അധ്യാപകരല്ലേ. സാറ് പ്രത്യേകം പറഞ്ഞതല്ലേ പഠിച്ചിട്ട് വരണംന്നു. ഞാനതോർത്തില്ല അതുകൊണ്ടാണ് എനിക്ക് ഇങ്ങനെ സംഭവിച്ചത്… കുഴപ്പമില്ല ടാ… സാറിന് അത് കൊടുത്തു കഴിഞ്ഞപ്പോഴാണ് എനിക്ക് സമാധാനമായത്.
അവളുടെ കൂട്ടുകാരിൽ പലർക്കും നല്ല വിഷമമായിരുന്നു. പാവം ഇഷാനി അവൾ ഒരുപാട് തളർന്നു പോയിരുന്നു എന്ന് അവർക്കൊക്കെ തോന്നി..
ലഞ്ച് ബ്രേക്ക് ടൈമിൽ ഇഷാനി വെറുതെ ഒന്നു ഡെസ്കിലേക്ക് തല ചായ്ച്ച് വെച്ച് കിടന്നതാണ്. അവൾക്ക് കണ്ണുകൾ അടഞ്ഞു പോയി.
ആഫ്റ്റർ നൂൺ ഫസ്റ്റ് പീരിയഡ് ടെ സാർ വന്ന ശേഷമാണ് അവൾ എഴുന്നേറ്റത്. അതും പാത്തു കൊട്ടി വിളിച്ചപ്പോൾ.
അന്ന് വൈകുന്നേരം കോളേജിൽ നിന്നും ഇറങ്ങിയതും ഇഷാനി ബസ്റ്റോപ്പിലേക്ക് നടന്നു. പാത്തു ആണെങ്കിൽ മാധവ് വിളിച്ചിട്ട് അവന്റെ അടുത്തേയ്‌ക്ക് പോയതാണ്
എന്താ ഏട്ടാ..
അച്ഛമ്മ ക്ക് ഒരു ക്ഷീണം പോലെ. ഹോസ്പിറ്റലിൽ ആണന്നു. നമ്മൾക്ക് കാണാൻ പോകണ്ടേ.അച്ഛൻ വിളിച്ചു. വരാൻ പറഞ്ഞിട്ടുണ്ട്
അച്ഛമ്മ യ്ക്കു എന്ത് പറ്റി.
പനി ആണെന്ന്. അഡ്മിറ്റ് ആക്കി.
മ്മ്.. പോകാം..ഞാനെ ഇഷാനി യെ കൂട്ടി വരാം. ഏട്ടൻ വണ്ടി എടുത്തോ. ഞങ്ങൾ ഗേറ്റ് ന്റെ അടുത്ത് കാണും.
അവന്റെ മറുപടി കേൾക്കാതെ പാത്തു ഓടി.
പെട്ടന്ന് ആയിരുന്നു ഒരാൾക്കൂട്ടം അവൾ കണ്ടത്. പാത്തു വിനു ഒന്നും മനസിലായില്ല. അവളും ഓടി ചെന്നു.
തുടരും