Lkg സ്റ്റുഡന്റ് ആണോ താന്. അതോ കോളേജിൽ പഠിക്കുന്ന ആണോ.. വനീഡിൽ ഇത്രമാത്രം പേടിക്കാൻ എന്തിരിക്കുന്നു. ഒരു ഉറുമ്പ് കടിക്കുന്ന വേദന പോലും സഹിക്കാൻ വയ്യേ ഇഷാനി.
ഡോക്ടർ അദ്ദേഹത്തിന്റെ മുമ്പിൽ ഇരിക്കുന്ന കമ്പ്യൂട്ടറിൽ എന്തൊക്കെ ടൈപ്പ് ചെയ്യുന്നുണ്ട്. അതിനുശേഷം അരികിൽനിന്ന് സിസ്റ്ററെ നോക്കി.
ഇയാളുടെ ബ്ലഡ് ടെസ്റ്റ് ചെയ്തിട്ട് വരൂ. ലാബ് എവിടെയാണെന്ന് കാണിച്ചു കൊടുത്താൽ മതി കേട്ടോ.
ശരി ഡോക്ടർ. അവർ തലകുലുക്കികൊണ്ട് ഇഷാനിയോട് വരാൻ പറഞ്ഞു.
പാത്തുവിനോടൊപ്പം നടന്നു പോകവേ ഇഷാനി ക്ക് ചങ്കിടിച്ചു.
അവരുട പിന്നാലെ മാധവും ഉണ്ടായിരുന്നു, ആ കാരണത്താൽ ഇഷാനി മറ്റൊന്നും പറഞ്ഞതുമില്ല..
ടാ.. നീ ടെൻഷനാകുവൊന്നും വേണ്ട,ഡോക്ടർ പറഞ്ഞത് പോലെ ചെറിയൊരു ഉറുമ്പ് കടിക്കുന്ന വേദനയല്ലേ ഉള്ളൂ. പെട്ടെന്ന് കഴിയുടാ..
മ്മ്….
ഇഷാനി, ശ്വാസം ഒന്ന് എടുത്തു വലിച്ചുകൊണ്ട് അവളെ നോക്കി തലകുലുക്കി.
അപ്പോഴേക്കും ഇഷാനിയുടെ പേര് വിളിച്ചു. അവൾ ലബോറട്ടറിയുടെ ഉള്ളിലേക്ക് കയറി.
പതിയെ കുത്തണെ സിസ്റ്റർ,,, ഇഷാനി ഇത്തിരി ഉച്ചത്തിൽ പറയുന്നത് മാധവ് കേട്ടു.
ഇവൾക്ക് നാണമില്ലേ,,,, മൊട്ടേന്ന് വീരിഞ്ഞില്ലന്നു തോന്നുന്നു. മാധവ് ദേഷ്യത്തിൽ പാത്തുവിനെ നോക്കി പറഞ്ഞു.
അവൾക്ക് ഇത്തിരി നാണം കുറവാണ്. എന്ന് കരുതി ഏട്ടൻ എന്തെങ്കിലും കുഴപ്പമുണ്ടോ. പാത്തു കട്ട കലിപ്പിൽ അവനെ നോക്കി.
എന്റെ ഇഷാനിയുടെ ഈ അവസ്ഥയ്ക്ക് കാരണം ഏട്ടനാണ്. പാവം അവളുടെ ബോഡി ഇത്രയ്ക്ക് വീക്കായത്, ഇമ്പോസിഷൻ മുഴുവനും ഒറ്റരാത്രികൊണ്ട് എഴുതി തീർത്തിട്ടാണ്.
പഠിച്ചിട്ട് വരണമായിരുന്നു.. അത് അവൾ ആയാലും ശരി ആരായാലും ശരി. ഞാന് അധ്യാപകനാണ്,, കേട്ടല്ലോ.
മാധവ് പാത്തുവിനെ നോക്കി ഗൗരവത്തിൽ പറഞ്ഞു. അപ്പോഴേക്കും ഇഷാനി ഇറങ്ങി വരുന്നുണ്ടായിരുന്നു.
ഇരു കവിളിലൂടെയും കണ്ണുനീർ ഒഴുകിവരുന്നത് തുടച്ചുകൊണ്ടാണ് അവൾ അവരുടെ അടുത്തേക്ക് വന്നത്.
വേദന എടുത്തോടാ…. പാത്തു അവളുടെ കൈത്തണ്ടയിൽ പിടിച്ചു.
ഇല്ലാ….
പിന്നെ നീ എന്തിനാ കരയുന്നത്…
ഒന്നുല്ല.. ചുമ്മാ… ശ്വാസം എടുത്തു വിട്ടുകൊണ്ട് അവൾ പാത്തുവിനെ നോക്കി.
പോകാം…..
റിസൾട്ട്‌ എപ്പോ വരു?
അര മണിക്കൂർ കഴിയും.
ഹമ്…. എന്നാൽ പിന്നെ നമുക്ക് അച്ഛമ്മയെ കണ്ടിട്ട് വന്നാലോ ഏട്ടാ.
പാത്തു മാധവിനെ നോക്കി.
മ്മ്..
അവൻ ഒന്നു മൂളിയതും ഇഷാനിയുടെ കൈയും പിടിച്ച് പാത്തു അച്ഛമ്മ കിടക്കുന്ന റൂമിലേക്ക് നടന്നു.
ഹരി മക്കളെയും കാത്ത് വെളിയിൽ ഇറങ്ങി നിൽപ്പുണ്ടായിരുന്നു. പാത്തു വിനോടൊപ്പം ഇഷാനിയെ കണ്ടതും ഹരിയുടെ മുഖം പ്രകാശിച്ചു.
ഭദ്രേ…. ദേ ഇഷാനിമോള്. ഹരി റൂമിന്റെ അകത്തേക്ക് നോക്കി ഭദ്രയോട് പറഞ്ഞു.
പെട്ടെന്ന് ഭദ്ര യും ഹരിയുടെ അടുത്തേക്ക് ഓടി വന്നു.
അച്ഛമ്മയ്ക്കു എങ്ങനെ ഉണ്ട്? മാധവ് അച്ഛനെ നോക്കി ചോദിച്ചു. ശേഷം ഹരിയുടെ മറുപടി കാക്കാതെ റൂമിന്റെ ഉള്ളിലേക്ക് കയറുകയും ചെയ്തു.
ഇപ്പൊ കുഴപ്പമൊന്നുമില്ല, എല്ലാം ഭേദമായി മോനെ. തളർന്ന സ്വരത്തിൽ മഹാലക്ഷ്മി പറയുന്നുണ്ട്.
അച്ഛമ്മ എന്തെങ്കിലും കഴിച്ചോ….
ആഹ്, ചായ കുടിച്ചു, പിന്നെ ബ്രെഡും.
ഹമ്… അവൻ അച്ഛമ്മയുടെ അരികിലായി കട്ടിലിൽ ഇരുന്നു. അപ്പോഴാണ് പാത്തുവും അവളുടെ കൂടെ ഒരു പെൺകുട്ടിയും കയറി വരുന്നത് മഹാലക്ഷ്മി കണ്ടത്.
അച്ഛമ്മ…. അസുഖമൊക്കെ കുറഞ്ഞോ. പാത്തുവും അച്ഛമ്മയുടെ അടുത്തേക്ക് വന്നു.
ആഹ് കുറഞ്ഞു മോളെ… ഈ കുട്ടി ഏതാ?
എന്റെ ബെസ്റ്റ് ഫ്രണ്ട് ആണ്. ഇഷാനി.
ഓഹ്… അവർ അവളെ നോക്കി പുഞ്ചിരിച്ചു. അവൾ തിരിച്ചും.
മോൾടെ വീട് എവിടാ,,,,
കൃഷ്ണമംഗലത്ത്.
ഓഹ്….. ടൗണിൽ ആണോ.
അല്ല… അഞ്ചു മിനുട്ട് ഉള്ളിലേക്ക് പോണം.
ഹമ്…. വീട്ടിൽ ആരൊക്കെ ഉണ്ട്
അമ്മ…. അമ്മ മാത്രം ഒള്ളു.
അച്ഛനോ..
അച്ഛൻ എന്റെ ചെറുപ്പത്തിൽ മരിച്ചു പോയി. അതു പറയുകയും അവളുടെ ശബ്ദം നേർത്തു. മഹാലക്ഷ്മിയാണെങ്കിൽ അവളെ സൂക്ഷിച്ചു നോക്കി നിൽക്കുകയാണ്.
പെട്ടെന്ന് പാത്തു മറ്റോരോ കാര്യങ്ങൾ എടുത്തിട്ട് കൊണ്ട് അച്ഛമ്മയുടെ ശ്രദ്ധ മാറ്റിക്കളഞ്ഞു.
മക്കൾക്ക് ചായയോ മറ്റോ കുടിക്കണോ. ഇവിടെ കാന്റീൻ ഉണ്ട്. ഭദ്ര വന്നിട്ട് ഇഷാനിയുടെ തോളിൽ തഴുകി.
വേണ്ടാ ആന്റി… വീട്ടിൽ ചെന്നിട്ട് കുടിച്ചോളാം. അവൾ ചെറുതായി ഒന്ന് ചിരിച്ചു കൊണ്ട് പറഞ്ഞു.
കുറച്ചുനേരം അച്ഛനോട് സംസാരിച്ചിരുന്നിട്ട് പാത്തു ഇഷാനിയുമായി വെളിയിലേക്ക് ഇറങ്ങി. എടാ ഏട്ടൻ എപ്പോഴാ വീട്ടിലേക്ക് പോകുന്നത്.
പെട്ടന്ന് അവൾ തിരിഞ്ഞു മാധവിനോട് ചോദിച്ചു.
എന്താ പാത്തു.
അല്ല ഇഷാനി ഒറ്റയ്ക്ക്.
ഞാനൊരു ഓട്ടോ വിളിച്ച് പൊയ്ക്കോളാം. ഇവിടുന്ന് ഓട്ടോ കിട്ടും. ഇഷാനി പാത്തുവിനോട് പറയുകയാണ്.
അതൊന്നും സാരമില്ലന്നേ… ഏട്ടനും ഞാനും കൂടി വരാം. നിന്നെ നിന്റെ വീട്ടിലും ഇറക്കം.
അത് മതി മോനെ.. ഇനിയിപ്പോ ഈ കുട്ടി എന്തിനാ ഓട്ടോയ്ക്ക് പോകുന്നത്. നിങ്ങള് രണ്ടാളും ഇഷാനിയുമായി മടങ്ങിക്കോ. അച്ഛമ്മയും ആയിട്ട് ഞങ്ങളും വന്നോളാം.
ഹരി പറഞ്ഞതും ഭദ്രയും അത് ശരിവെച്ചു അപ്പോഴും ഡോക്ടറിനെ കാണുവാനായി ഇഷാനി വന്നതാണ് എന്നുള്ള കാര്യം പാത്തു ആരോടും പറഞ്ഞിരുന്നില്ല.
അവളുമായി പാത്തു വീണ്ടും ഒപിയിലേക്ക് പോയി.
ഇഷാനിയുടെ റിസൽട്ട് ആയിട്ടുണ്ടായിരുന്നു.
എച്ച് ബി തീരെ ലോ ആണ്, അതാണ് ഈ തലകറക്കം. വേറെ പ്രശ്നമൊന്നുമില്ല, നന്നായി വെള്ളം കുടിക്കുക ഭക്ഷണം കഴിക്കുക, ആവശ്യത്തിന് ഉറങ്ങുക.. ഈ മൂന്നു കാര്യം ചെയ്യുക, ഇത് ചെയ്തില്ലെങ്കിൽ തന്റെ കാര്യം കുറച്ചു പ്രശ്നത്തിലാവും . കാരണം ഈ പ്രായത്തിൽ എച്ച് ബി ഇങ്ങനെ ലോ ആയിരിക്കേണ്ട കാര്യമൊന്നുമില്ല.ഞാൻ ഒരു അയൺ സിറപ്പ് എഴുതാം എല്ലാ ദിവസവും കിടക്കുന്നതിനു മുന്നേ സിറപ്പ് കുടിച്ചാൽ മതി. ഒപ്പം കുറച്ച് ഉണക്കമുന്തിരിയും പാലും മുട്ടയും ഏത്തപ്പഴവും ഒക്കെ കഴിക്കണം.ഡയറ്റീഷ്യനെ കൂടെ കണ്ടിട്ട് പൊയ്ക്കോളൂ അവരാകുമ്പോൾ കൃത്യമായിട്ടുള്ള പ്ലാൻ പറഞ്ഞു തരും.
ഡോക്ടർ പറഞ്ഞതും ഇഷാനി തലകുലുക്കി.
എങ്കിൽ ശരി,, എന്തെങ്കിലും ഉണ്ടെങ്കിൽ ഇടയ്ക്ക് ഒരു ചെക്കപ്പിനു വന്നാൽ മതി
താങ്ക് യു ഡോക്ടർ… അവൾ കസേരയിൽ നിന്നും എഴുന്നേറ്റു. പാത്തുവും ഡോക്ടറോട് താങ്ക്സ് പറഞ്ഞു ഇറങ്ങി.
അതിനുശേഷം ഡയറ്റീഷ്യനെ കാണാൻ പോയി. അധികം തിരക്കില്ലാത്തതിനാൽ പെട്ടെന്ന് തന്നെ ഡയറ്റീഷ്യനെ കണ്ടിറങ്ങി. മെഡിസിനും മേടിച്ച് അരമണി ക്കൂറിനുള്ളിൽ പാത്തുവും ഇഷാനിയും ഹോസ്പിറ്റലിന്റെ വെളിയിലേക്ക് പോയി.
മാധവ് കാറെടുത്തു കൊണ്ടുവന്നിരുന്നു
ഇരുവരും കൂടി അതിലേക്ക് കയറി.
ഏട്ടാ… ഏതെങ്കിലും ഒരു റസ്റ്റോറന്റിലേക്ക് വിട് വല്ലാണ്ട് വിശക്കുന്നു.
അയ്യോ പാത്തു എനിക്കൊന്നും വേണ്ട… എന്നേ വീട്ടിലേക്ക് ഒന്ന് ഇറക്കിയിട്ട് നിങ്ങൾ പൊയ്ക്കോളൂ. പെട്ടെന്ന് ഇഷാനി ഉറക്കെ പറഞ്ഞു.
അതൊന്നും പറ്റില്ല… ഡോക്ടറു പറഞ്ഞത് കേട്ടോ,നിനക്കുള്ള യഥാർത്ഥ മരുന്നും എന്നു പറയുന്നത് ശരിക്കും ഭക്ഷണം ആണ്. പൂച്ച കഴിക്കുന്നത് പോലെ ഇത്തിരി കഴിക്കും,,അതല്ലേ ഇതുപോലെ ക്ഷീണിച്ചിരിക്കുന്നത്.
പാത്തു ആണെങ്കിൽ വലിയ അധികാരത്തിലാണ് ഇഷാനിയോട് സംസാരിക്കുന്നത്.
ഡോക്ടർ എന്തു പറഞ്ഞു എന്ന് പോലും ഒരു വാക്ക് മാധവ് ചോദിച്ചില്ല.
അവൻ വണ്ടി കൊണ്ടുവന്ന ഒരു റസ്റ്റോറന്റിലേക്ക് കയറ്റി.
ഇഷാനി ദയനീയമായി പാത്തുവിനെ നോക്കി.
എടാ പ്ലീസ് ഞാൻ പൊയ്ക്കോളാം…
വേണ്ട നീ ഇപ്പോൾ തൽക്കാലം ഞാൻ പറയുന്നത് അനുസരിച്ചാൽ മതി. മര്യാദയ്ക്ക് ഇറങ്ങി വാ. അവളെ നോക്കി കണ്ണുരുട്ടി കൊണ്ട് പാത്തു പറഞ്ഞു.
തുടരും