മാധവിനോട് ഇഷാനിയെ തിരിച്ചു വിളിക്കുവാൻ ഭദ്രയും ഹരിയും പറഞ്ഞുവെങ്കിലും അവൻ അതിനു കൂട്ടാക്കിയില്ല.. എന്തോ അവന്റെ മനസ്സാക്ഷി അതിനു സമ്മതിച്ചില്ല.
ഇഷാനി അവളുടെ അമ്മയോടൊപ്പം തിരികെ പോകുന്നത് നോക്കി കരഞ്ഞുകൊണ്ട് പാത്തു ഉമ്മറത്തുനിന്നു..
അകത്തേക്ക് കയറി വരാൻ പറഞ്ഞു കൊണ്ട് കുറെ തവണ വിളിച്ചു എങ്കിലും പാത്തു അങ്ങനെ കരയുകയായിരുന്നു.
മാധവ് ഈ സമയം അവന്റെ മുറിയിലേക്ക് പോയി. തന്നെ മനസ്സിലും ഒരുപാട് സങ്കല്പങ്ങൾ ഒന്നും ഇല്ലെങ്കിലും ഇഷാനിയെ ഒരു പെൺകുട്ടിയെ തനിക്ക് വേണ്ടന്ന് ഉള്ള കാര്യം മാധവ് ബ്രേക്ഫാസ്റ്റ് കഴിച്ചു കൊണ്ടിരുന്നപ്പോൾ അച്ഛനോട് പറഞ്ഞു.
അച്ഛാ കോടീശ്വരിയോ അല്ലെങ്കിൽ സൗന്ദര്യവതിയോ ഒന്നുമായ പെൺകുട്ടിയെ എനിക്ക് ഭാര്യയായി വേണമെന്ന് വാശി ഇല്ല. എങ്കിലും എന്റെ ഉള്ളിന്റെ ഉള്ളിലും എവിടെ യൊക്കെയോ ചില പ്രതീക്ഷകളും സ്വപ്നങ്ങളും ഒക്കെ ഉണ്ട്. ഇപ്പോൾ നിലവിൽ എനിക്ക് വിവാഹത്തോട് പോലും താല്പര്യം ഇല്ല. ഇഷാനിയെ എന്തൊക്കെയായാലും ശരി എനിക്ക് വേണ്ടഅച്ഛാ.. അത് ശരിയാവില്ല. ആ കുട്ടിയെ എനിക്ക് എന്റെ ഭാര്യയായി കാണുവാൻ സാധിക്കുകയുമില്ല. ദയവ് ചെയ്തുകൊണ്ട് അക്കാര്യം പറഞ്ഞ് അച്ഛനും അമ്മയും എന്നോട് പിണങ്ങാൻ നിൽക്കരുത്. മാധവ് പറഞ്ഞതും ഹരി തലകുലുക്കി.
നമ്മുടെ പാത്തുവിന്റെ പ്രായം അല്ലേ ഉള്ളൂ മോനെ.. അതുകൊണ്ട് പറഞ്ഞതാ.. അച്ഛനും അമ്മയും നിന്നെ വിഷമിപ്പിച്ചെങ്കിൽ നീ ക്ഷമിക്കു കേട്ടോ.
അച്ഛൻ എന്താ ഇങ്ങനെയൊക്കെ സംസാരിക്കുന്നത്. എന്റെ ഭാഗത്ത് നിന്നുകൊണ്ട് നിങ്ങൾ ചിന്തിച്ചു നോക്കിയാൽ മാത്രംമതി അല്ലാണ്ട് ഒരിക്കലും ക്ഷമ ഒന്നും എന്നോട് പറയരുത്..
ഭക്ഷണം കഴിച്ചതു മതിയാക്കിയ ശേഷം മാധവ് കൈകഴുകി അവന്റെ മുറിയിലേക്ക് പോയി..
☆☆☆☆☆☆☆☆
ഈ സമയത്ത് അമ്മയുടെ ക്രൂ,രമായ പീ,ഡനങ്ങൾ ഏറ്റുവാങ്ങുകയായിരുന്നു ഇഷാനി.
ജയനെ മാധവ് ഉപദ്രവിച്ചതിന്റെ പേരിൽ ആ സ്ത്രീ അവൾക്കിട്ട് ഒരുപാട് അടിച്ചു.
ഒടുവിൽ ഇഷാനി ബോധംകെട്ട് വീഴുകയായിരുന്നു.. അങ്ങനെ കിടന്നിട്ട് പോലും ഇഷാനിയെ ഒന്ന് നോക്കാൻ കൂട്ടാക്കാതെ സുമിത്ര പുറത്തേക്കിറങ്ങി പോവുകയും ചെയ്തു.
വേലയ്ക്ക് നിൽക്കുന്ന ചേച്ചിയാണ് ഇഷാനിയുടെ മുഖത്ത് വെള്ളം കുടഞ്ഞുകൊണ്ട് അവളെ എഴുന്നേൽപ്പിച്ചത്. തനിയെ എണീറ്റ് നിൽക്കാൻ പോലും പറ്റാതെ ഇഷാനി തളർന്നുവീണു.
മോളെ നീ എങ്ങോട്ടെങ്കിലും രക്ഷപ്പെട്ടോ.. ഇല്ലെങ്കിൽ ഈ സ്ത്രീ നിന്നെ കൊ,ല്ലും മോളെ.
കൊ,ല്ലട്ടേ ചേച്ചി.. അതാണ് ഏറ്റവും നല്ലത്. ഈ ന,ശിച്ച സ്ത്രീയുടെ അടുത്തുനിന്നും എത്രയും പെട്ടെന്ന് എനിക്ക് പോകാല്ലോ,, എന്നെ അവർ കൊ,ല്ലട്ടെ. ആ നിലത്തേക്ക് വീണു കിടന്നുകൊണ്ട് ഇഷാനി പൊട്ടിക്കരഞ്ഞു.
മോളെ… കരയല്ലേടാ… എന്റെ പൊന്നുമോള് കരയല്ലേ.. നീ എന്റെ കൂടെ പോരെ, എന്റെ വീട്ടിൽ ഞാൻ നോക്കിക്കോളാം നിന്നെ.. അവരും ഇഷാനിയെ കെട്ടിപ്പിടിച്ച് കരഞ്ഞു പോയിരുന്നു.
ചേച്ചി പൊയ്ക്കോ.. അമ്മ വരാറായിട്ടുണ്ട്.
ഇന്നിനി വരുമെന്ന് തോന്നുന്നില്ല മോളെ അയാള് ഹോസ്പിറ്റലിലല്ലേ.. ആ വൃത്തികെട്ടവൻ മടങ്ങി വരുന്നതിനു മുന്നേ നീ ഇവിടുന്ന് പോ കുട്ടി. ഇല്ലെങ്കിൽ അവൻ നിന്നെ മാനം കെടുത്തും.
എന്റെ അനുവാദമില്ലാതെ അയാൾ എന്റെ ദേഹത്ത് പോലും ഇനി തൊടില്ല ചേച്ചി.. അങ്ങനെ എന്തെങ്കിലും ചെയ്താൽ അവനെ കൊ,ന്നു ഞാനും ചാ,വും…
ഇങ്ങനെയൊന്നും പറയരുത്.. ഈശ്വരൻ തന്ന ആയുസ്സ് തിരിച്ചെടുക്കാൻ ഒരേ ഒരാൾക്ക് മാത്രമേ അവകാശമുള്ളൂ അത് ആ ഈശ്വരന് തന്നെയാണ്. എന്റെ പൊന്നുമോള് സങ്കടപ്പെടേണ്ട.. മോളുടെ കൂട്ടുകാരിയെ വിളിച്ചിട്ട് ചേച്ചി വിവരം പറയാം.
വേണ്ട ചേച്ചി… ആരോടും ഒന്നും പറയണ്ട. എന്റെ പേരിൽ ആ വീട്ടിൽ ഒരു പ്രശ്നം ഇനി ഉണ്ടാവരുത്. ഞാനിവിടെ എങ്ങനെയെങ്കിലും കഴിഞ്ഞോളാം.
ഇഷാനി അത് തന്നെ ആവർത്തിച്ചു.
ആ നേരത്തായിരുന്നു സുമിത്രയുടെ കാർ വന്ന് നിൽക്കുന്ന ശബ്ദം ഇഷാനി കേട്ടത്.
മാഡം വന്നു മോളെ.
ഹ്മ്.. ചേച്ചി കിച്ചണിലേക്ക് പൊയ്ക്കോളൂ.
ഒരു പ്രകാരത്തിൽ ഇഷാനി പതിയെ പിടിച്ച് എഴുന്നേറ്റു കൊണ്ട് ചുവരിലേക്ക് ചേർന്നുനിന്നു.
അപ്പോഴാണ് സുമിത്രയും അവളുടെ ഒപ്പം ജയനും സ്വീകരണ മുറിയിലേക്ക് കയറിവന്നത്.
അവനെ കണ്ടതും പാവം ഇഷാനിയെ വിറച്ചു. ഒരു വല്ലാത്ത ക്രൂ,രമായ ഭാവത്തോടെ അയാൾ ഇഷാനിയുടെ അടുത്തേക്ക് വന്നു.
പോക്കറ്റിൽ നിന്നും ഒരു മഞ്ഞ ചരട് അവളെ ഉയർത്തി കാണിച്ചു. നാളെ ഇത് നിന്റെ കഴുത്തിൽ വീണിരിക്കും.. അതിനുശേഷമാണ് കളി തുടങ്ങുന്നത്. ജയൻ അട്ടഹസിച്ചുകൊണ്ട് ഇഷാനിയോട് പറഞ്ഞു.
ഇഷാനി സുമിത്രയെ ഒന്നു നോക്കി. എന്നാൽ ആ സ്ത്രീ മുഖം വെട്ടി തിരിച്ചു കളഞ്ഞുകൊണ്ട് അവരുടെ മുറിയിലേക്ക് പോയി.
☆☆☆☆☆☆☆☆☆☆
പാത്തു ഇടയ്ക്കൊക്കെ വിളിച്ച് ഇഷാനിയോട് വിവരങ്ങൾ തിരക്കുന്നുണ്ടായിരുന്നു.
ജയൻ വന്ന വിവരം അവൾ മനപ്പൂർവ്വം മറച്ചുവെച്ചു. ഒപ്പം ചില കടുത്ത തീരുമാനങ്ങളും എടുത്തിരുന്നു.
രാത്രിയിൽ ഏകദേശം 2മണി ആയി കാണും നേരം.. ഇഷാനി കിടക്ക വിട്ടെഴുന്നേറ്റു. അത്യാവശ്യം വേണ്ട സർട്ടിഫിക്കറ്റുകളും ഡ്രസ്സും ഒക്കെ എടുത്തുകൊണ്ട് അവൾ മുറിയിൽ നിന്നും പുറത്തേക്കിറങ്ങി.?ആരും കാണാതെ ഡോർ തുറന്നു വെളിയിലേക്ക് വന്നു. സെക്യൂരിറ്റിക്കാരൻ നല്ല ഉറക്കത്തിലായിരുന്നു. ഗേറ്റ് കടന്നശേഷം അവൾ പുറത്തേ റോഡിലേയ്ക്ക് ഓടി..
തുടരും