വാതിൽ ആഞ്ഞു മുട്ടുന്ന ശബ്ദം കേട്ട് പേടിച്ചു വിറച്ചിരിക്കുകയാണ് ഇഷാനി..
പെട്ടന്ന് ആയിരുന്നു പാത്തുവിന്റെ ശബ്ദമാണ് കേട്ടതെന്ന് ഇഷാനി തിരിച്ചറിഞ്ഞത്.
ഇഷാനി… വാതിൽ തുറക്ക്.. പാത്തു പിന്നെയും കൊട്ടി വിളിക്കുകയാണ്.
ഇഷാനി ഒരു പ്രകാരത്തിൽ എഴുന്നേറ്റ് ചെന്ന് വാതിൽ തുറന്നു.
കരഞ്ഞു കലങ്ങി മിഴികളോടെ ഇഷാനി പാത്തുവിനെ നോക്കി.
ഇഷാനി…..
പാത്തു വന്നിട്ട് ഇഷാനിയുടെ താടി തുമ്പു പിടിച്ച മേൽപ്പോട്ട് ഉയർത്തി.
എന്താടി കാണുന്നതൊക്കെ….നിന്റെ അമ്മ പറഞ്ഞിട്ട് നീ എന്തിനാണ് അയാളെ വിവാഹം കഴിക്കാൻ സമ്മതിച്ചത്. ഒരു വാക്കുപോലും നീ എന്നോട് ചോദിച്ചോ….
പാത്തു വഴക്ക് പറഞ്ഞതും ഇഷാനി കരയുകയാണ്.
ആരാടിയത്……എന്ന് ചോദിച്ചു കൊണ്ട് ജയകൃഷ്ണന് സുമിത്രയും പാഞ്ഞു വന്നു.. പാത്തുവിനെ കണ്ടതും സുമിത്ര അവളുടെ നേർക്ക് വന്നു.
എന്റെ മകളുടെ വിവാഹം കഴിഞ്ഞു ഇത് അവളുടെ ഭർത്താവാണ്… ഇനി ഭർത്താവിന്റെ വീട്ടിലേക്ക് പോകുവാനാണ് ഇവളുടെ താൽപര്യം. അതുകൊണ്ട് എന്റെ മകളെ ശല്യപ്പെടുത്താതെ ഇറങ്ങിപ്പോടി….
സുമിത്ര അലറിയതും അവരുടെയൊക്കെ പിന്നിൽ നിന്നും ആരോ ചിരിക്കുന്ന ശബ്ദം പോലെ കേട്ടു..
മാധവ് ആയിരുന്നു.. അവൻ അവരുടെ നേർക്ക് നടന്നു വന്നു.
നേരാണോ ഇഷാനി… നിന്റെ വിവാഹം കഴിഞ്ഞോ. അവൻ ചോദിക്കുന്ന കേട്ട് ഇഷാനി മുഖം താഴ്ത്തി.
മാധവ് വന്നിട്ട് ഇഷാനിയുടെ ക,ഴുത്തിൽ കിടന്ന മഞ്ഞ ചരട് വലിച്ചു പൊട്ടിച്ചുഎന്നിട്ട് അതു ജയന്റെ മുഖത്തേക്ക് എറിഞ്ഞു.
ഈയൊരു താലിയുടെ ബലത്തിൽ അല്ലേ നിങ്ങൾ ഇതുവരെ ചിലച്ചോണ്ട് നിന്നത്…. ഇതാ… ഇത് എടുത്തോളൂ…
പറഞ്ഞു കൊണ്ട് മാധവ് വന്നിട്ട് ഇഷാനി യുടെ കൈയിൽ പിടിച്ചു.
ഞാനിവളെ കൊണ്ട് പോകുവാണ്…. നിങ്ങൾക്ക് എന്തേലും ചെയ്യാൻ പറ്റുമെങ്കിൽ ചെയ്തോളു… ബാക്കി ഞാൻ നോക്കികൊള്ളാം.
മാധവ്ന്റെ പിന്നാലെ നടക്കുമ്പോൾ ഇഷാനി യേ അടിമുടി വിറയ്ക്കുകയായിരുന്നു..
വിജയ ഗാർവ്വോടെ പാത്തുവും അവരുടെ പിന്നാലെ ഇറങ്ങി.
ടി…. ഉറക്കെ വിളിച്ചുകൊണ്ട് സുമിത്ര പിന്നാലെ വന്നുങ്കിലും മാധവ് അവരെ തടഞ്ഞു ..
തൊട്ട്പോകരുത്…. ഇവളെന്റെയാണ്… എന്റെ മാത്രം… അവൻ മുരണ്ടു.
ഇഷാനി, ജയന്റെ ഭാര്യയാണ് നീയ്.. നീ പോകരുത്… സുമിത്ര ഉച്ചത്തിൽ പറഞ്ഞു ആ താലി ചരടിന്റെ ബലത്തിൽ അല്ലേ നിങ്ങൾ ഇങ്ങനെയൊക്കെ പറഞ്ഞത്.. അതു കെട്ടിയ ബന്ധം തീർന്നു കഴിഞ്ഞു. ഇനി യാതൊന്നുമില്ല….
അല്ലെങ്കിലും ഒരു മഞ്ഞ ചരടിൽ എന്തിരിക്കുന്നു..
അവൻ പുച്ഛിച്ചു…
ടി… ഇവന്റെ കൂടെ നീ പോയാൽ പിന്നെ നിന്റെയല്ല ഇവന്റെ അന്ത്യം ആണെന്ന് ഓർത്തോ ണം കേട്ടോ.. ഈ ജയനെ അറിയില്ല നിനക്ക്…
അറിയണമെങ്കിൽ അറിയാം.. ഞാൻ റെഡിയാണ്…നീ പോരെ… ഞാനെ ഇവളെ കെട്ടാൻ പോകുവാടാ..
വെല്ലുവിളിക്കുന്നത് നീ ആരാണെന്ന് നിനക്ക് അറിയില്ല കെട്ടോടാ…
സുമിത്ര യും മാധവിന്റെ നേരെ അലറി.
അറിയാം.. നന്നായിട്ട് അറിയാം.. കൂടുതലൊന്നും എന്നെക്കൊണ്ട് പറയിപ്പിക്കരുത്.. പറഞ്ഞാൽ നിങ്ങളുടെ മകൾ ഈ നിമിഷം തകർന്നുവീണുപോകും.
ഇഷാനിയെ കൂട്ടി വെളിയിലേക്ക് പോകവേ മാധവ് ഒന്നുകൂടി ഉച്ചത്തിൽ പറഞ്ഞു. ഭദ്രയാണെങ്കിൽ മക്കള് വരുന്നത് നോക്കി ഇരിക്കുകയാണ്..
അപ്പോളേക്കും അകലെ നിന്നും വണ്ടിയുടെ ഹോൺ അവള് കേട്ടു.
ഹരിയേട്ടാ… കുട്ടികൾ ആണെന്ന് തോന്നുന്നു. അകത്തേക്ക് നോക്കി അവർ വിളിച്ചു പറഞ്ഞു.
അല്പം കഴിഞ്ഞതും മാധവിന്റെ വണ്ടി അകത്തേക്ക് വന്നു.
പാത്തു ആയിരുന്നു ആദ്യം ഇറങ്ങിയത്… ഭദ്ര അവരുടെ അടുത്തേക്ക് ചെന്നു.
ഇറങ്ങി വാ മോളെ…. ഇഷാനി വണ്ടിയിൽ നിന്നിറങ്ങിയ ശേഷം അവളെ കെട്ടിപിടിച്ചു കുറെ കരഞ്ഞു.
ഭദ്രയാണ് ഇഷാനി യേ അകത്തേക്ക് കൂട്ടി ക്കൊണ്ട് പോയത്..
കഴിഞ്ഞതെല്ലാം ഒരു ദു സ്വപ്‌നo ആണെന്ന് ഓർത്താൽ മതി.. എന്റെ മോള് വിഷമിക്കണ്ട.
ഭദ്ര അവളെ സമാധാനിപ്പിച്ചു അപ്പോഴേക്കും ഹരിയും അവരുടെ അടുത്തേക്ക് വന്നു.
നടന്ന കാര്യങ്ങളൊക്കെ പാത്തുവാണ് അച്ഛനെയും അമ്മയെയും പറഞ്ഞു കേൾപ്പിച്ചത്. മാധവ് മാത്രം വലിഞ്ഞു മുറുകെ മുഖത്തോടെ അവരുടെ അരികിൽ നിൽപ്പുണ്ടായിരുന്നു.
മോളെ നീ ഇനി ദയവു ചെയ്തു അമ്മയും അച്ഛനും പറയുന്നത് കേൾക്കണം..
ഇവിടുന്ന് നീ ഒരിടത്തേക്കും പോകണ്ട.. നിന്റെ പഠനമൊക്കെ കമ്പ്ലീറ്റ് ആകണം.
പാത്തുവും മാധവും എല്ലാദിവസവും കോളേജിൽ പോകുന്നുണ്ട്. അവരുടെ കൂടെ പേടിയില്ലാതെ നിനക്കും പോകാം. പിന്നെ ലീഗലി നീയും ജയനും തമ്മിൽ വിവാഹം കഴിക്കാത്തത് കൊണ്ട് അവർ എന്തെങ്കിലും പ്രശ്നമുണ്ടാക്കി വരികയാണെങ്കിൽ നമുക്ക് സ്റ്റേഷനിൽ പോയി കമ്പ്ലൈന്റ് കൊടുക്കാം. നിന്റെ അമ്മ വിചാരിച്ചാൽ ഇനി നിന്നെ ഒന്നും ചെയ്യാൻ പറ്റില്ല മോളെ..
ഹരി പറയുന്നത് കേട്ട് ഇഷാനി തന്റെ മിഴികൾ തുടച്ചു.
ആ സ്ത്രീ അടങ്ങിയിരിക്കുമെന്ന് തോന്നുന്നുണ്ടോ അച്ഛാ.. പെട്ടെന്ന് മാധവ് ചോദിച്ചതും എല്ലാവരും അവന്റെ നേർക്ക് തിരിഞ്ഞു.
ഇഷാനി സുരക്ഷിതരാകണമെങ്കിൽ ഇവൾക്ക് ഒരു ഭർത്താവ് വേണം. ലീഗലി ഇവളുടെ വിവാഹം കഴിഞ്ഞിരിക്കണം. അതും എത്രയും പെട്ടെന്ന് തന്നെ…
അവൻ പറഞ്ഞു നിർത്തി.
നാളെ,, രജിസ്റ്റർ ഓഫീസിൽ വച്ച് എന്റെയും ഇഷാനിയുടെയും വിവാഹം… എനിക്ക് സമ്മതമാണ്… ഇഷാനി ആലോചിച്ച് പാത്തുവിനോട് മറുപടി പറഞ്ഞാൽ മതി…
കൂടുതലൊന്നും പറയാത്തത് കൊണ്ട് മാധവ് മുകളിലേക്ക് കയറി പോയി. എല്ലാ മുഖങ്ങളിലും അങ്കലാപ്പ്.. എല്ലാവരും ഞെട്ടിത്തരിച്ചു നിൽക്കുകയാണ്..
ഇഷാനിയാണെങ്കിൽ മാധവ് പോയത് നോക്കിയ പടി നിന്നു.
ടാ…. പാത്തു അവളുടെ തോളിൽ പിടിച്ചപ്പോഴാണ് ഇഷാനി യാഥാർത്ഥ്യത്തിലേക്ക് മടങ്ങി വന്നത്
എടാ…. ഏട്ടന് നിന്നെ കല്യാണം കഴിക്കാൻ സമ്മതമാണ്… നിന്റെ അഭിപ്രായം എന്താണ്.. പാത്തു ഇഷാനീയുടെ മുഖത്തേക്ക് നോക്കി..
അവൾ ആണെങ്കിൽ ഞെട്ടി വിറങ്ങലിച്ചു നിൽക്കുകയാണ് അപ്പോഴും.
മോളെ… മാധവു പറഞ്ഞത് സത്യം തന്നെയാണ്.. സുമിത്ര പുതിയ എന്തെങ്കിലും തന്ത്രങ്ങൾ ഉപയോഗിച്ച് വന്നെങ്കിൽ നമ്മൾക്ക് കൂടുതൽ ഒന്നും ചെയ്യാൻ പറ്റാത്ത അവസ്ഥയാകും… നീയൊന്ന് ആലോചിച്ചു നോക്ക്.. നിനക്ക് താല്പര്യമുണ്ടെങ്കിൽ മാത്രം വിവാഹം നടത്താം കേട്ടോ. ഹരി പറഞ്ഞു.
അതു.. അതു വേണ്ട അച്ഛാ.. പെട്ടെന്ന് അവൾ പറഞ്ഞു.
തുടരും