അർജുൻ രാഹുൽ രശ്മി….ഇവർ ഇങ്ങിനെയൊക്കെയാണ്

Story written by Suresh Menon

അപ്രതീക്ഷിതമായ ഹർത്താൽ… ഇനിയെന്ത് ചെയ്യും… രശ്മി വാച്ചിൽ നോക്കി… സമയം സന്ധ്യയോടടുക്കുന്നു….. ആ കൊച്ചു ബസ്‌സ്റ്റോപ്പിന്റെ കീഴിൽ എന്ത് ചെയ്യണമെന്നറിയാതെ അങ്ങോട്ടും ഇങ്ങോട്ടും നടന്നു..

രശ്മി ശ്രദ്ധിച്ചു… ബസ് സ്റ്റോപ്പിന്റെ ഒരു മൂലയിൽ ചുമരും ചാരി താടിക്കു കയ്യും കൊടുത്തു ഒരു ചെറുപ്പക്കാരൻ ഇരിക്കുന്നു. താടിയൊക്കെവളർത്തിയ ഒരു കൊച്ചു സുന്ദരൻ…. രശ്മി നോട്ടം പിൻവലിച്ചു.. വീണ്ടും വാച്ചിലേക്ക് നോക്കി “ദൈവമേ ഇനിഎന്ത് ചെയ്യും “മനസ്സിൽ ആകെ വെപ്രാളം.

മെല്ലെ ആ ചെറുപ്പക്കാരന്റെ അടുത്തേക്ക് ചെന്നു

“excuse me”. അയാൾ പുഞ്ചിരിച്ചു കൊണ്ട് തലയുയർത്തി നോക്കി….

” ഇവിടെ നിന്ന് ഇനി വല്ല ബസ്സോ മറ്റൊ “

“” ഹർത്താലല്ലെ സംശയമാണ് “ആ ചെറുപ്പക്കാരൻ പറഞ്ഞു ” നോക്കാം.. ആരും പേടിച്ചു വണ്ടി റോഡിലിറക്കില്ല” . പതിഞ്ഞ ശബ്ദത്തിൽ അയാൾ പറഞ്ഞു… സമയം മുന്നോട്ടുപോകുന്തോറും മനസ്സിൽ ചെറിയ പേടിയും…. പെട്ടെന്നായിരുന്നു ആ ചെറുപ്പക്കാരന്റെ ചോദ്യം..

“എങ്ങോട്ടാ പോണ്ടേ…. “” ഇടം പറഞ്ഞു അത് മാത്രമല്ല ഇവിടം എത്തിപ്പെടാൻ ഉള്ള കാരണവും എല്ലാം ആ ചെറുപ്പക്കാരനോട് പറഞ്ഞു….

“പേര് പറഞ്ഞില്ല “

“ഞാൻ രശ്മി

“ഞാൻ രാഹുൽ “

പിന്നെ പരസ്പരം രണ്ടുപേരും ബയോ ഡാറ്റകൾ കൈമാറി… ഒരു അപ്രതീക്ഷിത ഹർത്താലിൽ ആ ബസ്‌സ്റ്റോപ്പിന് കീഴെ അങ്ങിനെ രണ്ടു പേരുടെ ഇടയിൽ ഒരു പുതിയ സൗഹൃദം രൂപം കൊള്ളുകയായിരുന്നു.. രാഹുലും രശ്മിയും…

: രാഹുൽ എഴുനേറ്റു… വാച്ചിൽ നോക്കി…

“അതേയ് ഇതുവഴി ഒരു ബസ്സു വരുന്ന കാര്യം സംശയമാണ്… രശ്മി പേടിക്കേണ്ട.. എന്തെങ്കിലും വഴി കാണും “”

രാഹുൽ ഒന്ന് നിർത്തി തുടർന്നു.. “വരൂ നമുക്ക് ഓരോ ചായ കുടിക്കാം. ദേ അവിടെ ഒരു ചെറിയ കടയുണ്ട് “

ആദ്യം രശ്മി ഒന്ന് മടിച്ചു.. പിന്നെ ഇരുവരും നടന്നു… ചൂടുള്ള ചായ നുണയുമ്പോഴും ആദ്യ പരിചയപെടലിന്റെ ഒരു അകൽച്ച അവരെ കൂടുതൽ വാക്കുകളിൽ നിന്ന് പിന്തിരിപ്പിക്കുകയായിരുന്നു.. എന്നാലും കടുത്ത മൗനം അവരെ അസ്വസ്ഥരാക്കി…

“മോനെ ഇനി ഇവിടുന്നു ബസ്സു കിട്ടാൻ വല്ല വഴിയുമുണ്ടോ “

കുടിച്ച ചായഗ്ലാസ്സ് എടുക്കുന്നതിനിടെ രാഹുൽ ആ പയ്യനോട് ചോദിച്ചു…

” സാറെ അത് സംശയമാണ്.. പ്രൈവറ്റ് ബസ് ഒന്നും വരില്ല.. ആകെ ഒരു ksrtc ബസ് ഉള്ളു.. അത് രണ്ടു ദിവസായിട്ട് കാണാനില്ല… “

അവൻ പോയി. ചായഗ്ലാസ്സ് കഴുകുന്നതിനിടെ അവൻ വിളിച്ചുപറഞ്ഞു..

“സാറെ ഇനി രാവിലെ ആറരക്ക് ഗുരുദേവൻ വരും… ആദ്യത്തെ ബസ്സ് “
“മൈ ഗോഡ് “

രശ്മി പെട്ടെന്ന് തളർന്ന പോലെ… ഇനി എന്തുചെയ്യും.. രാവിലെ ആറരവരെ… രെശ്മിയുടെ ടെൻഷൻ കണ്ട രാഹുൽ രശ്മിയോട് പതുക്കെ പറഞ്ഞു

“ഇങ്ങനെയങ്ങു വറി ചെയ്യണ്ട.. നമുക്ക് നോക്കാം. എന്തെങ്കിലും വഴി കാണും”

“”ചായയുടെ കാശു കൊടുത്തു അവർ പുറത്തിറങ്ങി… പുറത്തേക്കിറങ്ങുമ്പോൾ പയ്യൻ വിളിച്ചു പറഞ്ഞു “സാറെ ഇവിടെ നാലു മുറിയുണ്ട്.. രാത്രികാലങ്ങളിൽ ബൈക്കിൽ വരുന്നവർ ഇവിടെ കിടന്നുറങ്ങി രാവിലെ പോകയാണ് പതിവ്.. സാറിനും ഭാര്യക്കും വേണമെങ്കിൽ ഒരു റൂം തരാം “

രാഹുലും രശ്മിയും പരസ്പരം നോക്കി.. എന്ത് പറയണമെന്നറിയാതെ കുഴങ്ങി..

“ഞങ്ങളിപ്പോ വരാം.. ” രാഹുൽ ആ പയ്യനോടായി പറഞ്ഞു… ആ കൊച്ചു ബസ്‌സ്റ്റോപ്പിലെ കൊച്ചു സിമന്റു പടിയിൽ അവർ ഇരുന്നു.. രശ്മി തല കയ്യിൽ വെച്ച് കണ്ണടച്ചു. ഒരു രാത്രി എന്ത് ചെയ്യണമെന്നറിയാതെ.. ആകെ ഒരു വീർപ്പുമുട്ടൽ..

“രശ്മി “രാഹുൽ പതുക്കെ വിളിച്ചു..

“ഇനി എന്ത് ചെയ്യും… “”രശ്മിയുടെ മുഖം വല്ലാതെയായിരുന്നു.. രാഹുൽ ഒന്നും മിണ്ടിയില്ല..

“രശ്മി ഇങ്ങനെ ഭയക്കല്ലേ. നമുക്ക് നോക്കാം ഏതെങ്കിലും പ്രൈവറ്റ് വെഹിക്കിൾ വന്നാൽ നമുക്ക് കൈകാണിച്ചു നോക്കാം “

“ഈ ഹർത്താലിൽ പേടിച്ചിട്ടു ആരും വണ്ടി എടുക്കില്ല “

രശ്മി വീണ്ടും വാച്ചിലേക്ക് നോക്കി പറഞ്ഞു… “ഏതെങ്കിലും ബൈക്ക് വന്നാൽ രാഹുലിന് അങ്ങ് പോകാം “

“ഹും ” രാഹുൽ ഒന്നു മൂളി.. രശ്മി എന്തോ പറയാൻ ഭാവിച്ചപോലെ രാഹുലിനെ നോക്കി.. രാഹുൽ രശ്മിയെയും.. വീണ്ടും ഇരുവരുടെയും ഇടയിൽ വല്ലാത്ത അക്ഷരക്ഷാമം… രാഹുൽ ബാഗ് തുറന്നു ഒരു പാക്കറ്റ് ചിപ്സ് പുറത്തെടുത്തു.. പൊട്ടിച്ചു. കുറച്ചെടുത്തു രെശ്മിക്ക് കൊടുത്തു..

“കഴിക്കു.”. രെശ്മി വാങ്ങിച്ചു.” പൊട്ടറ്റോ ചിപ്സ് ആണ് എനിക്ക് ഭയങ്കര ഇഷ്ടമാ.. എവിടെ പോകുമ്പോഴും എന്റെ കയ്യിൽ ഇത്എപ്പോഴും കാണും.. “

പൊട്ടറ്റോ ചിപ്സ് ഞെരിഞ്ഞമരുന്ന ശബ്ദം ആ ബസ്റ്റോപ്പിലെ നിശ്ശബ്ദതയെ അലോസരപ്പെടുത്തി..

“രശ്മി ഞാൻ തന്നെ ഇവിടെ ഈ സമയത്ത് ഒറ്റയ്ക്ക് വിട്ടു ഏതെങ്കിലും ബൈക്കിൽ പോകും എന്ന് കരുതുന്നുണ്ടോ.. ഒരിക്കലുമില്ല… “

രശ്മി കണ്ണുകൾ വിടർത്തി രാഹുലിനെ നോക്കി… ഒന്നും മിണ്ടിയില്ല. രാഹുൽ എഴുനേറ്റു.. വെറുതെ നടന്നു… ഇടക്കിടക്ക് വാച്ചു നോക്കി സമയം നോക്കി കൊണ്ടിരുന്നു…. എന്തോ തീരുമാനിക്കുന്നതുപോലെ രാഹുലിന്റെ മുഖം പറയുന്നുണ്ടായിരുന്നു… രശ്മി കാല്മുട്ടുകൾക്കുളിൽ തലയും താ ത്തിയിരുന്നു… എന്തുചെയ്യണമെന്നറിയാതെ രാഹുലും രശ്മിയും വല്ലാത്ത ചിന്തകളുമായി സ്വയം പോരടിക്കുകയായിരുന്നു…

“രശ്മി “

രാഹുലിന്റെ വിളി കേട്ട രശ്മി തലയുയർത്തി..

.”ഞാൻ പറയുന്നത് രശ്മി ശ്രദ്ധിച്ചു കേൾക്കണം.. സമയം രാത്രിയാകുന്നു… “”ഇനി ഇവിടെ ഇങ്ങനെ ഇരിക്കുക എന്ന് പറഞ്ഞാൽ……. “”

രശ്മി ഒന്നും മനസ്സിലാകാത്തതുപോലെ രാഹുലിനെ നോക്കി…. രാഹുൽ എന്തോ പറയാൻ ബുദ്ധിമുട്ടുന്നപോലെ.. രശ്മിയുടെ നെറ്റിചുളിഞ്ഞു..

“നമുക്ക് ആ പയ്യൻ പറഞ്ഞപോലെ ഒരു റൂം എടുക്കാം “

രശ്മി പെട്ടെന്ന് എഴുനേറ്റു

“രാഹുൽ… ഹേയ് അത് വേണ്ട അതൊന്നും ശരിയാകില്ല “

“രശ്മി രാവിലെ അഞ്ചര മണിക്ക് ശേഷമേ ബസ്സു വരികയുള്ളു.. അതുവരെ ഇവിടെ ഇരിക്കുക എന്നത് ഒട്ടും സേഫ് അല്ല “

“എന്നാലും രാഹുൽ ഏതോ ഒരു നാട്ടിൽ രാത്രി റൂമെടുത്തൊക്കെ താമസിക്കുക എന്ന് വെച്ചാൽ

രശ്മി പകുതി നിർത്തി..

“രശ്മി മടിക്കാതെ വാ ഞാൻ എല്ലാം മാനേജ് ചെയ്തോളാം ‘

: രാഹുൽ നടന്നു പിറകെ രശ്മിയും… ആ പയ്യന്റെ അടുത്തെത്തി… കാര്യം പറഞ്ഞു…

“ഞങ്ങൾക്ക് ഒരു റൂം.. രാവിലെ ഉറങ്ങിപ്പോയാൽ ഒന്ന് വിളിച്ചേക്കണേ “

രെജിസ്റ്ററിൽ ഒപ്പിടുവിച്ചു പയ്യൻ റൂമിന്റെ താക്കോൽ കൈമാറി.. “സാറെ അവസാനത്തെ മുറിഎടുത്തോ നല്ല കാറ്റു കിട്ടും…

രാഹുൽ തന്റെ ബാഗെടുത്തു മുന്നിൽ നടന്നു… പിറകെ രശ്മിയും … രശ്മി അകെ അസ്വസ്ഥയായിരുന്നു..

എന്തൊക്കെയാണ് സംഭവിക്കുന്നതെന്ന് ഒന്നും മനസിലാകുന്നില്ല.. മുറിയിൽ എങ്ങിനെ കഴിയും… തനിക്കു പറ്റില്ല… രാഹുലിനോട് പറയണം.. വാതിൽ തുറന്നു രാഹുൽ അകത്തുകയറി… ഒരു സാധാരണ നാടൻ മുറി… രാഹുൽ ജനവാതിൽ തുറന്നു..

“രാഹുൽ….. “രെശ്മിയുടെ വിളികേട്ട രാഹുൽ തിരിഞ്ഞു നോക്കി.. .

രെശ്മിയുടെ മുഖഭാവം രാഹുലിന് മനസ്സിലായി… തലയും കുനിച്ചു ചുമർ ചാരി നിൽക്കുന്ന രെഷ്മിയോട് രാഹുലിന് എന്തെന്നില്ലാത്ത സഹതാപം തോന്നി

“രെശ്മിയുടെ പരിഭ്രമം എനിക്ക് മനസ്സിലാകും.. എങ്ങിനെയെങ്കിലും രാവിലെ ആക്കിയല്ലേ പറ്റു.. പിന്നെ husband and വൈഫ് എന്ന് പറഞ്ഞു രെജിസ്റ്ററിൽ ഒപ്പിട്ടത് മറ്റൊന്നും കൊണ്ടല്ല. അറിയാല്ലോ നമ്മുടെ നാട്ടിന്റെ സ്ഥിതി.. സiദാചാര പോലീസുകാർ ചുറ്റും കാണും “

രശ്മി എല്ലാം കേട്ടു.

“വല്ലതും കഴിക്കണോ “?എനിക്കൊന്നും വേണ്ട “രശ്മി പറഞ്ഞു… രാഹുൽ തന്റെ ബാഗ് മേശമേൽ വെച്ചു..

“എങ്കിൽ കിടന്നോളു രാവിലത്തെ ഫസ്റ്റ് ബസിനു പോകാം “

രാഹുൽ ഒരു തലയിണയും ബെഡ്‌സ്‌ഷീറ്റും കയ്യിലെടുത്തു..

“രശ്മി ഞാൻ പുറത്തു വരാന്തയിൽ ഉണ്ടാകും.. വാതിൽ അടച്ചോളു “

രാഹുൽ പുറത്തേക്കു നടന്നു… രെശ്മിക്ക് എന്തൊക്കെയോ പറയണ മെന്നുണ്ടായിരുന്നു.. ഒന്നും പറ്റുന്നില്ല. പുറത്തേക്കു പോയ രാഹുലിനെ നോക്കിയിരുന്നു… പിന്നീട് പതിയെ ചെന്ന് വാതിലടച്ചു

പുറത്തെ വരാന്തയിലെ പടിയിൽ രാഹുൽ ഇരുന്നു ചുറ്റും നോക്കി. ഒരു street ലൈറ്റിന്റെ വെട്ടമല്ലാതെ മറ്റൊന്നും ഇല്ല.. ചുറ്റും നല്ല ഇരുട്ട് ചെറുതായി ബെല്ലടിച്ചുകൊണ്ടു ചില സൈക്കിൾ യാത്രക്കാർ പോകുന്നുണ്ട്.. എങ്കിൽ കിടക്കാം. ബെഡ്ഷീറ്റുവിരിച്ചു തലയിണയിൽ തലവെച്ചു മലർന്നു കിടന്നു.. ഇന്നുണ്ടായ സംഭവങ്ങൾ വെറുതെ ഒന്ന് റീവൈൻഡ് ചെയ്തു നോക്കി. ഒട്ടും പ്രതീക്ഷിക്കാത്ത കാര്യങ്ങൾ ആണ് ഒരോ ദിവസവും അരങ്ങേറുന്നത്.. രശ്മി.. ആ കുട്ടി വല്ലാതെ ടെൻഷൻൽ ആണ്.. സ്വാഭാവികമാണ്. ഏതൊരു കുട്ടിയായാലും ഇത്തരം ഒരു സിറ്റുവേഷൻ വന്നാൽ പരിഭ്രമിച്ചു പോകും.. എവിടെനിന്നോ വീശിയടിച്ച ഒരു സുന്ദരികാറ്റു അടുക്കിവെച്ച ഓർമ്മകളെ ഒന്ന് ഇളക്കി. നല്ല സുഖമുള്ള കാറ്റു.. കണ്ണുകൾ പതിയെ അടഞ്ഞു

“ഹായ് ഇതെന്താ വരാന്തയിൽ വന്നു കിടക്കുന്നെ.. ഭാര്യയും ഭർത്താവും തമ്മിൽ വല്ല സൗന്ദര്യ പിണക്കവുമാണോ “ശബ്ദം കേട്ട രാഹുൽ കണ്ണ് തുറന്നു.. മനസ്സിലാകാത്തതുപോലെ നോക്കി. ഇളംനീല ഷർട്ടും ഒരു കറുപ്പ് ജീൻസും കയ്യിൽ ഒരു എരിയുന്ന സി ഗററ്റുമായി ഒരു ചെറുപ്പക്കാരൻ. രാഹുൽ എഴുന്നേറ്റിരുന്നു..

“എന്നെ മനസ്സിലായികാണില്ല അല്ലെ.. ദേ ആ തൊട്ടപ്പുറത്തെ മുറിയിൽ ഞാനാണ്… “ആ ചെറുപ്പക്കാരൻ സ്വയം പരിചയപ്പെടുത്തി…

“നിങ്ങൾ രണ്ടു പേരും റൂം വേണമെന്ന് പറഞ്ഞു വന്നപ്പോൾ ഞാൻ അവിടെയിരുന്നു ചായ കുടിക്കുന്നുണ്ടായിരുന്നു..

“രാഹുൽ എഴുനേറ്റു സ്വയം പരിചയപ്പെടുത്തി…

“കിടന്നോളു ഉറക്കം വരുന്നുണ്ടെങ്കിൽ —ഞാൻ ഇവിടെ ഇടയ്ക്കിടയ്ക്ക് വന്നു സ്റ്റേ ചെയ്യാറുണ്ട്.. ബൈക്കിൽ ഇതു വഴിപോകുമ്പോൾ മിക്കവാറും രാത്രിയായാൽ ഇവിടെയങ് കൂടും…

” പിന്നേ.. ഒരു കാര്യം.. ഞാൻ ആരാണെന്നോ എന്താണെന്നോ നോക്കാതെ കയറിയങ്ങു സംസാരിക്കുന്ന കൂട്ടത്തിലാണ് കേട്ടോ..”

“പൊതുവെ ശാന്തനായ രാഹുൽ എല്ലാം പുഞ്ചിരിയോടെ കേട്ടു നിന്നു… ആ ദിവസത്തെ അപ്രതീക്ഷിത സംഭവങ്ങളിൽ ഒന്നായി മാറി.. ആ രണ്ടു ചെറുപ്പക്കാരുടെയും അപ്രതീക്ഷിതയുണ്ടായ പരിചയപ്പെടൽ.. വിശേഷങ്ങൾ പങ്കുവെച്ചും സ്വയം പരിചയപ്പെട്ടും അവർ നേരം ചിലവഴിച്ചു..

“രാഹുൽ കിടന്നോളു.. രാവിലെ പോകേണ്ടതല്ലേ.”

. രണ്ടുപേരും കൈകൊടുത്തു പിരിഞ്ഞു.. ക്ഷിണവും നല്ല കാറ്റും.. രാഹുൽ കിടന്നതും മയങ്ങിയതും അറിഞ്ഞില്ല…

**************

മാസങ്ങൾ കഴിഞ്ഞിട്ടും രശ്മി ഇപ്പോഴും ആ ഹർത്താൽ ദിവസത്തെ കുറിച്ചോർക്കും.. ഹൊ എന്തൊരു ടെൻഷൻ ആയിരുന്നു തനിക്കു.. പാവം രാഹുൽ.. എ പെർഫെക്റ്റ് ജന്റിൽമാൻ… വല്ലപ്പോഴും വഹട്സപ്പിലൂടെ ഒരു കുശലം പറച്ചിൽ.. അതിലൂടെ രാഹുലുമായുള്ള ബന്ധം ഒതുങ്ങുന്നു. അതും താൻ മെസ്സേജ് അയച്ചാൽ മാത്രം ഇങ്ങോട്ടു ഒര് മറുപടി.. അത്രയേയുള്ളു..

പലപ്പോഴും സ്വയം ചോദിച്ചിട്ടുണ്ട്.. താൻ രാഹുലിനെ വല്ലാതെയങ്ങു ഇഷ്ടപെടുന്നുണ്ടോ… ഒരു തരം പ്രണയപനി തന്നെ കിഴടക്കുന്നോ. ഉണ്ടെന്നോ ഇല്ലെന്നോ പറയാൻ പറ്റാത്ത അവസ്ഥ.. പക്ഷെ അതൊന്നു പറയാൻ രാഹുൽ പിടി തന്നിട്ട് വേണ്ടേ..

മെസ്സേജ് അയക്കാൻപോലും പിശുക്കു കാണിക്കുന്ന ഒരു മനുഷ്യനോട് എങ്ങിനെ ഇതൊക്കെ പറയും.. പലപ്പോഴും കേറിയങ്ങു പറഞ്ഞാലോ എന്ന് കരുതിയിട്ടുണ്ട്… എനിക്ക് രാഹുലിനെ ഇഷ്ടമാണെന്നു.. പക്ഷെ അതെങ്ങിനെ രാഹുൽ എടുക്കും എന്ന് ചിന്തിക്കാൻ പോലും പറ്റുന്നില്ല.. സമയം നോക്കി..

ഏഴു മണി ഇന്ന് ഞായറാഴ്ച്.. ഓഫീസില്ല. കുറച്ചു കൂടി കിടക്കാം… പെട്ടെന്ന് phone ശബ്ദിച്ചു.. അമ്മയാണ്

് “എന്താമ്മേ രാവിലെ ” മോളെ അമ്മ ഒരു ഫോട്ടോ whatsupil അങ്ങോട്ട് വിടാം കണ്ടുനോക്കു നല്ല പയ്യൻ. പേര് അർജുൻ നല്ല ജോലി Matrimonial കോളംത്തിൽ നിന്ന് കിട്ടിയതാണ്.. ജാതകം നല്ല ചേർച്ച. മോളൊന്നു നോക്ക്..”

“നീ എഴുന്നേറ്റില്ലേ ” 8w “ഇല്ലമ്മെ -ഞാൻ നോക്കാട്ടോ.. എന്നിട്ടു ഞാൻ വിളിക്കാം “‘

അമ്മ ഫോൺ വെച്ചു… ‘അമ്മ കുറച്ചു ദിവസായി പ്രായപൂർത്തിയായ തന്റെ പിറകെ നടക്കുന്നു… ഒരു സമ്മതത്തിനായി.. പലപ്പോഴും കരുതിയിട്ടുണ്ട് രാഹുലിനെ കുറിച്ചു പറഞ്ഞാലോ എന്നു.. പക്ഷെ… രാഹുലിന്റെ ഭാഗത്ത് നിന്ന് തന്നെ ഇഷ്ടമാണെന്നുള്ള ഒരു സൂചനപോലും ലഭിച്ചിട്ടില്ല എന്തിനു തന്നോട് കൂടുതൽ സംസാരിക്കാൻ പോലും രാഹുൽ താല്പര്യം കാണിച്ചിട്ടില്ല… പിന്നെ എങ്ങിനെ അമ്മയോട് പറയും. തന്റെ മനസ്സിൽ ഒരിഷ്ടം തോന്നി എന്നുള്ളത് സത്യമാണ്… ആ ഇഷ്ടം മറ്റൊരാൾക്ക് ഇഷ്ടപെടണമെന്നില്ലല്ലോ

എഴുന്നേറ്റിരുന്നു.. തനിക്കായി ‘അമ്മ അയച്ചുതന്ന ചെക്കനെ ഒന്ന് കണ്ടു കളയാം… അമ്മയുടെ msg തുറന്നു..

വോ… ഹാൻസം.. സുന്ദരനാണല്ലോ.. ഒരു ചെറിയ പൂച്ചകണ്ണും.. പണ്ടേ തനിക്കു പൂച്ചകണ്ണുള്ളവരെ വലിയ ഇഷ്ടമാണ്… ദേ ഇവനും പൂച്ചകണ്ണ്‌..

“നീ ആണോ എന്നെ കെട്ടാൻ പോകുന്നെ “രശ്മി ആ ഫോട്ടോ നോക്കി ചോദിച്ചു. പിന്നെ വെറുതെ ചിരിച്ചു..

“അതേയ് അർജുന എനിക്കൊരാളെ കുറച്ചിഷ്ടമാ… അയാളോട് എനിക്ക് ഒന്ന് ചോദിക്കണം.. എന്നിട്ടു ഞാൻ പറയാം കേട്ടോ “

രശ്മി അമ്മയെ വിളിച്ചു. “അമ്മെ ‘അമ്മ അയച്ചു തന്ന സാക്ഷാൽ അർജുനെ എനിക്കിഷ്ടായി.. പക്ഷെ അതിനുമുമ്പ് എനിക്ക് അമ്മയോട് ഒരു കാര്യം പറയാനുണ്ട്. ഞാനടുത്തമാസം അങ്ങോട്ട് വരുന്നുണ്ട് അപ്പൊ അമ്മയോട് പറയാം “

” മോളെ അച്ഛൻ എന്നോട് വേറൊരു കാര്യം പറഞ്ഞു.. അർജുൻ ആ പട്ടണത്തിൽ തന്നെയല്ലേ ജോലിചെയ്യുന്നത്. ഞാൻ നമ്പർ അയച്ചു തരാം. നിങ്ങൾ തമ്മിൽ ആദ്യം സംസാരിക്കു.. അതിനു ശേഷം മതി മറ്റുള്ള കാര്യങ്ങൾ “”

ശരി അമ്മെ ഞാൻ പറയാം “രശ്മി ഫോൺ താഴെ വെച്ചു.. രാഹുൽ തന്നെ ഇഷ്ടപ്പെട്ടാലും ഇല്ലെങ്കിലും താൻ വിവാഹം കഴിക്കാൻ പോകുന്ന ആളോട് തനിക്കെലാം തുറന്നു പറയണം.. എല്ലാം– ഹർത്താലും ഒരു രാത്രി ഒറ്റയ്ക്ക് ഒരിടത്തു കഴിഞ്ഞതും.. രാഹുലിനെ പരിചയപ്പെട്ടതും എല്ലാം എല്ലാം..

: അന്ന് മുഴുവൻ രശ്മി ആലോചനയിലായിരുന്നു… രാഹുലിന്റെ മന സ്സറിഞ്ഞിട്ടു മതി അർജുനെ കാണണോ വേണ്ടയോ എന്ന് തീരുമാനിക്കുന്നതുപോലും… രാഹുലിന് തന്നെ ഇഷ്ടമായില്ലെങ്കിലും തനിക്കതു അർജുനോട് പറഞ്ഞെ പറ്റു… എല്ലാം പറയണം…

“എന്താടി വലിയ ആലോചന “റൂമിലേക്ക്‌ കയറിവന്ന ട്രീസ്സ യുടെ ചോദ്യം.. ട്രീസ്സ വന്നത് ഒരാശ്വാസമയത് പോലെ.. അവളെ അടുത്ത് പിടിച്ചിരുത്തി.. കാര്യങ്ങൾ എല്ലാം പറഞ്ഞു… അർജുന്റെ ഫോട്ടോ കാണിച്ചുകൊടുത്തു.. ശ്രദ്ധിച്ചു കേട്ട ട്രീസ പറഞ്ഞു “നീ അനുസരിക്കുമെങ്കിൽ ഞാനൊരു കാര്യം പറയാം.. രാഹുലിന് നിന്നോട് പ്രണയമുണ്ടെന്നു ഞാൻ കരുതുന്നില്ല. അതുകൊണ്ടു അതോർത്ത് നീ ഒലിപ്പിച്ചു നടക്കേണ്ട.. ഉണ്ടായിരുന്നെങ്കിൽ രാഹുൽ ഇതിനുമുന്പേ നിന്നോട് പറഞ്ഞേനെ… നീ പോയി അർജുനെ കാണു.. കാര്യങ്ങൾ എല്ലാം പറ… അച്ഛനും അമ്മയുമായിട്ടു കൊണ്ട് വന്ന പ്രൊപോസൽ അല്ലെ.. സൊ ധൈര്യമായിട്ടു ചെല്ല്

ബീച്ച് റെസ്റ്റാറന്റ് നു മുൻപിൽ ബസ്സിൽനിന്നിറങ്ങി രശ്മി.. അർജുൻ ഇവിടെ വന്നുകാണും പതിനൊന്നുമണി…. restsurant ന് പുറത്തുള്ള കോഫി ഹട്ടിൽ ഉണ്ടാകും എന്നാ പറഞ്ഞെ… രശ്മി അങ്ങോട്ടുനടന്നു.. ദൂരത്ത് നിന്ന് തന്നെ പുച്ചകണ്ണനെ കണ്ടു.. ഒരു തൂവെള്ളയിൽ കറുത്ത പൊട്ടുള്ള ഷർട്ട്.. ചെറിയ കുറ്റിത്താടി.. ഒരു കുളിങ്ഗ്ലാസ്സ്.. അകെ മൊത്തം റേറ്റിംഗ് കൊള്ളാം.. രശ്മി മനസ്സിൽ കരുതി..

“ഹായ് ഐ ആം രശ്മി.”.. സ്വയം പരിചയപ്പെടുത്തി.. അർജുൻ കുളിങ്ഗ്ലാസ്സ് ഊരി.. “രശ്മി ബാലഗോപാൽ “പുഞ്ചിരിയോടെ അർജുൻ അത് പറഞ്ഞപ്പോൾ രശ്മി മനസ്സിലോർത്തു

“ഹോ തന്റെ അച്ഛന്റെ?പേര് വരെ പഠിച്ചു വെച്ചിട്ടുണ്ട്… ആള് സ്വല്പം ഫാസ്റ്റ് ആണെന്ന് തോന്നുന്നു… “

രശ്മി അര്ജുന് അഭിമുഖമായി ഇരുന്നു.. എങ്ങിനെ തുടങ്ങാം..

. “എന്തൊക്കെയോ പറയാനുണ്ട് രെശ്മിക്ക് അല്ലെ…. “

അർജുന്റെ വാക്കുകൾ രശ്മിയെ ചിന്തയിൽ നിന്നുയർത്തി… വെറുതെ ഒന്ന് ചിരിക്കാൻ ശ്രമിച്ചു.

. “അതേയ് “അർജുൻ രശ്മിയോടായി പറഞ്ഞു “ഞാനൊരു ചെറിയ സി ഗരറ്റു വലിക്കാരനാണ് കേട്ടോ. പേടിക്കേണ്ട ശ്വാസകോശം സ്പോഞ്ച് പോലെയാ കാതിരിക്കാൻ ഞാൻ ശ്രദ്ധിച്ചോളാം..

“രശ്മി കുലുങ്ങിചിരിച്ചു…

“ഹാവു ഇപ്പൊ രശ്മി ഒന്ന് ഫ്രീ ആയി.. ഇനി പറയൂ.. എന്നോട് എന്താണ് പറയാനുള്ളത്

വീണ്ടും രശ്മി മൗനം :ഒരു തുടക്കം കിട്ടുന്നില്ല: എങ്ങിനെ തുടങ്ങാം: ഓരോ രീതികൾ മനസ്സിൽ ആലോചിച്ചു:

“രശ്മി ഒരു വല്ലാത്ത സ്റ്റാർട്ടിങ്ങ് ട്രബിളിലാണ് അല്ലെ :പറയു വിഷയം എന്താണെന്ന് പറഞ്ഞാൽ ഞാൻ പിറകിൽ നിന്ന് ഒന്ന് തള്ളിത്തരാം “

“അർജന്റെ വാക്കുകൾ കേട്ട രശ്മി ഒന്നുണർന്നു:

“ഏയ് അങ്ങിനെയൊന്നുമില്ല. എനിക്ക് അർജുനോട് ചില കാര്യങ്ങൾ പറയാറുണ്ട്: ” രശ്മി ആ ഹർത്താൽ ദിനം അർജുനനായി വിവരിച്ചു: അന്ന് അപ്രതീക്ഷി തമായി സംഭവിച്ച സാഹചര്യങ്ങൾ: രാഹുൽ എന്ന ചെറുപ്പക്കാരനുമായി കഴിച്ചുകൂട്ടേണ്ടി വന്ന ഒരു രാത്രി … ” അർജുൻ എല്ലാം നിശബ്ദമായി കേട്ടു

: “തുറന്നു പറയാമല്ലോ.. എനിക്കെന്തോ രാഹുലിനോട് ഒരു ഇഷ്ടം തോന്നുന്നു. രാഹുലിന് എന്നോട് അത്തരത്തിൽ എന്തെങ്കിലും ഉണ്ടോ എന്ന് എനിക്കറിഞ്ഞുട.. ഞാൻ ഇതുവരെ അതേക്കുറിച്ചു രാഹുലുമായിj സംസാരിച്ചിട്ടില്ല “.എനിക്ക് രാഹുലുമായി ഒന്ന് സംസാരിച്ചിട്ടേ മറ്റെന്തും പറയാൻ കഴിയു.. “

രശ്മി ഒന്ന് നിർത്തി… “ഈ ഒരു ഹോണസ്റ്റി എനിക്ക് ഒരു പാടിഷ്ടായി.. “

അർജുൻ പുഞ്ചിരിച്ചുകൊണ്ട് പറഞ്ഞു

.”രാഹുലിന്റെ മനസ്സറിയാൻ രെശ്മിക്കു ആഗ്രഹമുണ്ട് അല്ലെ തികച്ചും മാന്യമായ ഒരു ആവിശ്യമാണത്… “

ഒന്ന് നിർത്തി അർജുൻ തുടർന്നു… “ആ കൂടികാഴ്ച്ച ഞാൻ ഇപ്പോൾ ഇവിടെ വെച്ച് തരപ്പെടുത്തി തന്നാൽ രെശ്മിക്ക് വിരോധമില്ലല്ലോ “

ഒന്നും മനസ്സിലാകാതെ രെശ്മിയുടെ കണ്ണുകൾ വിടർന്നു… അർജുൻ എന്താണ് ഉദ്ദേശിക്കുന്നെ…

“ഇഫ് യു ഡോണ്ട് മൈൻഡ്.. “അർജുൻ രെശ്മിയോടായി പറഞ്ഞു തന്റെ മൊബൈൽ എടുത്തു. വിളിതുടങ്ങി

“ഹായ് രാഹുൽ അർജുൻ… ഞാൻ മാത്രമല്ല എന്റെ കൂടെ രശ്മിയും ഉണ്ട്.. രാഹുൽ ഫ്രീ ആണെങ്കിൽ ഇങ്ങോട്ടു ഇറങ്ങു .. ബീച്ച് റെസ്റ്ററന്റ്… ok “

അർജുൻ phone കട്ട് ചെയ്തു…

“രാഹുൽ ഇപ്പൊ വരും.. അവൻ ഇന്ന് ഈ പട്ടണത്തിൽ ഉണ്ട്. ഒരു ബിസിനസ് മീറ്റ്….

“രെശ്മിക്ക് ഒന്നും മനസ്സിലായില്ല.. മനസ്സിൽ കുറെ കണക്കു കൂട്ടലുകൾ നടത്തിനോക്കി.. രെശ്മിക്ക് ഒന്നിനും ഒരുത്തരം കണ്ടെത്താൻ കഴിയുന്നില്ല… ഇവർ തമ്മിൽ നേരത്തെ അറിയുമോ…

“രശ്മി വീണ്ടും കൺഫ്യൂസ്ഡ് ആയെന്നു തോന്നുന്നു “അർജുന്റെ വാക്കുകൾ രശ്മിയെ ചിന്തയിൽ നിന്നുയർത്തി…

ഒന്നും പറഞ്ഞില്ല.

. “നമുക്കൊരോ കൂൾ കോഫീ കുടിക്കാം.. എന്ത് പറയുന്നു.. കൺഫ്യൂഷൻ മാറാൻ കൂൾ കോഫീ ബെസ്റ്റ് ആണ്.. “

രണ്ടുപേരും ഒന്നും പറയാതെ കോഫി നുണഞ്ഞുകൊണ്ടിരുന്നു. രശ്മി അപ്പോഴും ചിന്തയിലായിരുന്നു…. തന്റെ ജീവിതത്തിൽ എന്തൊക്കെയാണ് നടക്കുന്നത് ഇനി എന്തൊക്കെയാണാവോ നടക്കാൻ പോകുന്നത്….. ഒന്നും മനസ്സിലാകുന്നില്ല: മിക്കതും ആ കസ്മികമായാണ് സംഭവിക്കുന്നത്. പെട്ടെന്ന് ഒരു വെളുത്ത മാരുതി സ്വിഫ്റ്റ് വന്നു പാർക്ക് ചെയ്തു.. രശ്മിയുടെ ശ്രദ്ധ അങ്ങോട്ട് തിരിഞ്ഞു… പ്രതിക്ഷിച്ചപോലെതന്നെ രാഹുൽ അതിൽനിന്നറങ്ങി… കയ്യിലൊരു ചെറിയ പാക്കറ്റും.. രെശ്മിക്ക് വിശ്വസിക്കാൻ കഴിഞ്ഞില്ല… രാഹുൽ അടുത്തെത്തി. രണ്ടുപേരുടെയും മുഖത്ത് നോക്കി പുഞ്ചിരിച്ചു…

“ഹലോ രശ്മി. സർപ്രൈസ് ആയോ ” ഉം രെശ്മിയോന്നു മൂളി…

“ആയൊന്നോ..”അർജുൻ പുഞ്ചിരിച്ചുകൊണ്ട് പറഞ്ഞു ഇത് രെശ്മിക്ക് പൊട്ടാറ്റോ ചിപ്സ്..”

“കയ്യിലിരുന്ന ചിപ്സ് രാഹുൽ രെശ്മിക്ക് നൽകി.. രശ്മി അത് മേടിച്ചു…

. “രശ്മിക്കു രാഹുലിനോട് എന്തൊക്കെയോ പറയാനുണ്ട് എന്ന് പറഞ്ഞു അതാ ഞാൻ വിളിച്ചുവരുത്തിയെ”

അർജുൻ പറഞ്ഞുതീരുന്നതിനുമുന്പ് രാഹുൽ ഇടക്കുകയറി പറഞ്ഞു

“സത്യത്തിൽ ഞാൻ നിങ്ങളെ രണ്ടുപേരെയും കാണാൻ ഇരിക്കയായിരുന്നു : നേരിട്ട് രണ്ടു പേരെയും ഒരുമിച്ചു കണ്ടത് നന്നായി… ഞാൻ രശ്മിയെ വിളിച്ചു ഹോസ്റ്റലിൽ വരാനിരുന്നതാണ്… ബൈ ദി ബൈ.. എന്റെ വിവാഹം നിശ്ചയിച്ചു… അടുത്തമാസം മൂന്നിന്… ഗുരുവായൂരിൽ വെച്ച്.. രണ്ടുപേരും മറക്കാതെ വരണം “

തന്റെ കൈയിലിരുന്ന വെഡിങ് കാർഡ് രാഹുൽ അർജുനും രെശ്മിക്കും നൽകി… രശ്മി അത് വാങ്ങി.. രാഹുൽ വെഡ്സ് മാലിനി… ഒരു നിമിഷം കണ്ണുകളടച്ചു.. തന്റെ ജീവിതത്തിൽ എല്ലാം അപ്രതീക്ഷിതമാണെന്നു തോന്നിയത് വെറുതെയല്ല…

“രശ്മി എന്താ ആലോചിക്കണെ “രാഹുൽ ചോദിച്ചു… “ഏയ് ഒന്നുമില്ല… “

“ഞാൻ അറിഞ്ഞു നിങ്ങളുടെ ഇടയിൽ വന്ന പ്രൊപോസൽ നെ കുറിച്ച്… “രശ്മി ഒന്ന് പുഞ്ചിരിച്ചു.
.
“നീ കെട്ടാൻ പോണ പെണ്ണിനെ ഞങ്ങൾ കണ്ടില്ലല്ലോ ” രാഹുൽ മൊബൈൽ എടുത്തു മാലിനിയുടെ ഫോട്ടോ കാണിച്ചു…

പടർന്നു നിൽക്കുന്ന ബോഗൻ വില്ല പൂക്കൾക്കിടയിൽ ഒരു കൊച്ചുപെൺകുട്ടി…

“ഇതാണ് മാലിനി. എന്റെ അമ്മാവന്റെ മോളാണ്.. “

രശ്മി ഫോൺ മേടിച്ചു നോക്കി. “സുന്ദരിയാണല്ലോ രാഹുലിന്റെ മാലിനി “”

“സുന്ദരി മാത്രമല്ല രശ്മി.. ഷി ഇസ് ബ്ലൈൻഡ്.. ചെറുപ്പം മുതലേ അവൾക്കു കാഴ്ചയില്ല.. “

എന്ത് പറയണമെന്നറിയാതെ അർജുനും രശ്മിയും കുഴങ്ങി..

:”എന്റെ മുറപ്പെണ്ണാ —കുട്ടിയാകുമ്പോഴെ അവൾക്ക് കാഴ്ചയില്ല- ലോകം കണ്ടത് എന്നിലൂടെയാണ് ഇനി ഈ ലോകം കാണാൻ മറ്റൊരു കൈകളിൽ അവളെ ഏൽപ്പിക്കാൻ എനിക്ക് കഴിയില്ല “

കുറച്ചു നേരത്തേക്ക് മൂന്ന് പേരും മൗനം :

“എങ്കിൽ ഞാനിറങ്ങട്ടെ … രണ്ടു പേരും വരണം “

രാഹുൽ യാത്ര പറഞ്ഞിറങ്ങി: രശ്മി വെഡ്ഢിങ്ങ് കാർഡ് തിരിച്ചും മറിച്ചും നോക്കിക്കൊണ്ടിരുന്നു… അർജുൻ ഒരു സി ഗററ്റ് എടുത്ത് ചുണ്ടിൽ വെച്ചു :

“ഹി ഈസ് എ ഗ്രേറ്റ് മാൻ “രാഹുലിനെ നോക്കി അർജുൻ ആരോടെന്നില്ലാതെ പറഞ്ഞു

“അർജുൻ നമുക്ക് പോകാം “

“ഞാൻ രശ്മിയെ വിടാം വരു” രണ്ടു പേരും നടന്നു: കാറിൽ കയറി:

: അർജുൻ കാർ സ്റ്റാർട്ട് ചെയ്തു: Ac ഓൺ ചെയ്തു :: രശ്മി അർജു നെ നോക്കി അർജുൻ തിരിച്ചും കണ്ണുകൾ കൂട്ടിമുട്ടിയപ്പോൾ രശ്മി നോട്ടം പിൻവലിച്ചു

“ര ശ് മി”

എസിയുടെ തണുത്ത കാറ്റിൽ കൈ കൊണ്ട് മുടി ഒതുക്കിക്കൊണ്ട് അർജുൻ തുടർന്നു

” രശ്മിക്ക് എന്നോട് ഒരു പാട് കാര്യങ്ങൾ ചോദിക്കാനുണ്ടെന്ന് എനിക്കറിയാം ഒരു പാട് “

രശ്മി പുഞ്ചിരിയോടെ തല കുലുക്കി:

“രാഹുലിനെ എങ്ങിനെ അറിയാം”

അർജുൻ ഒരു ഐതിഹ്യ കഥ പറയുന്ന പോലെ പറഞ്ഞു തുടങ്ങി “പണ്ട് പണ്ട് ഒരു നാട്ടിൽ സന്ധ്യയോടടുപ്പിച്ച് ഹർത്താൽ പ്രഖ്യാപിച്ചു… ഒരു യുവാവും യുവതിയും ഗത്യന്തരമില്ലാതെ അവിടെ ഒരു ചെറിയ ഹോട്ടലിൽ മുറിയെടുത്തു: അവരുടെ പേര് രാഹുൽ രശ്മി. അന്നേ ദിവസം രാത്രി പൂച്ചക്കണ്ണുള്ള ഒരു ചെറുപ്പക്കാരൻ അവരുടെ തൊട്ടടുത്ത മുറിയിൽ താമസമുണ്ടായിരുന്നു: പേര് അർജുൻ :പുറത്തെ വരാന്തയിൽ കിടന്നുറങ്ങന്ന രാഹുലു മാ യി അ ർജുൻ വലിയ കൂട്ടായി :ആ സുഹൃത് ബന്ധം തുടർന്നു കൊണ്ടിരുന്നു: ആ സുഹൃത് ബന്ധത്തിന്റെ ഏതോ ഒരു ദിവസം രാഹുൽ അന്ന് രാത്രി സംഭവിച്ച കാര്യങ്ങളടെ സ്ത്യാ വസ്ഥ അർജുനോട് പറയുന്നു രാഹുലും രശ്മിയും ഭാര്യാ ഭർത്താക്കന്മാരല്ലെന്നുള്ള സത്യം അർജുൻ മനസ്സിലാക്കുന്നു രശ്മിയുടെ വീട്ടിൽ നിന്ന് പ്രൊപ്പോസൽ വന്നപ്പോൾ ആദ്യം വിളിച്ചു പറഞ്ഞത് രാഹുലിനെയായിരുന്നു: എങ്ങിനെയുണ്ട് ഒരു സിനിമ പോലെ തോന്നുന്നുണ്ടൊ “

‘എനിക്ക് വിശ്വസിക്കാൻ കഴിയുന്നില്ല… ഞാനിതൊന്നും അറിഞ്ഞേയില്ല”

രശ്മി പതുക്കെ പറഞ്ഞു :ഇരുവരുടെയും ഇടയിൽ വീണ്ടും കയറി വന്ന മൗനത്തിന് ശേഷം അർജുൻ പറഞ്ഞു ” ഇപ്പൊ എല്ലാം അറിഞ്ഞില്ലേ ഇനി നമുക്ക് പോകാം “

വണ്ടി നീങ്ങുന്നതിന് മുൻപായി രശ്മി പതുക്കെ ചോദിച്ചു

“അർജുൻ ഞാൻ ഒരു കാര്യം ചോദിച്ചാൽ സത്യസന്ധമായ മറുപടി തരുമൊ” അർജുൻ മനസ്സിലാകാത്തത് പോലെ രശ്മിയെ നോക്കി ”

“അർജുൻ പറഞ്ഞല്ലൊ പുറത്ത് വരാന്തയിൽ കിടന്ന രാഹുലമായി അർജുൻ പരിചയപ്പെട്ടെന്ന്: അന്ന് രാഹുൽ പുറത്ത് കിടക്കുന്നതിന് പകരം വാതിലടച്ച് അകത്ത് ഞാൻ കിടന്ന മുറിയിലാണ് കിടന്നിരുന്നെങ്കിൽ എന്നെ വിവാഹം ചെയ്യാൻ അർജുന് മാനസികമായി കഴിയുമൊ? “

അർജുൻ രശ്മിയെ നോക്കി…ഒന്നു പുഞ്ചിരിച്ചു അതൊരു കുലുങ്ങിച്ചിരിയായി… പിന്നീട് അതൊരു പൊട്ടിച്ചിരിയായി മാറി …. മറുപടി കൊടുക്കാനായി അർജുൻ തുടങ്ങിയപ്പോൾ രശ്മി പെട്ടെന്ന് അർജുന്റെ വായ പൊത്തി :

“എനിക്ക് കേൾക്കണ്ട ആ മറുപടി “‘

ഒന്നു നിർത്തി വീണ്ടും തുടർന്നു

” പിന്നേയ് ഇനി മുതൽ സിഗററ്റ് വലിക്കരുത് എനിക്കിഷടമല്ല “

അർജുൻ അതിന് മറുപടിയെന്നോണം രശ്മിയെ തന്നിലേക്ക് ചേർത്ത് പിടിച്ചു :: കണ്ണുകളടച്ച് രശ്മി ആചുമലിൽ തല ചായ്ച്ചു അവരെയും വഹിച്ചുകൊണ്ട് കാർ മുന്നോട്ട് നീങ്ങി: ആ ബീച്ചിന്റെ രണ്ടു വശത്തുമായി നിലകൊണ്ട കാറ്റാടി മരങ്ങൾ സന്തോഷത്തോടെ തലയാട്ടിക്കൊണ്ട് അവർക്ക് സ്വാഗതം അരുളി :

അർജുനും രാഹുലും രശ്മിയും.. അവരെപ്പോലെ അവർ മാത്രമേ കാണു.. കാരണം ചില മനുഷ്യരുണ്ടു. അവർ ഇങ്ങനെയൊക്കെയാണ്: അർജുൻ രാഹുൽ രശ്മി….ഇവർ ഇങ്ങിനെയൊക്കെയാണ്