ലങ്ങേര് അവരെ വായിൽ വന്നത് മൊത്തം പറഞ്ഞു..ഒരു സിസ്റ്ററാണെന്നത് തല്ക്കാലം മറന്നിട്ട് ആ ചേച്ചിയും ഇങ്ങേരെ നല്ല…..

എഴുത്ത് :- അബ്രാമിൻ്റെ പെണ്ണ്

അമ്മയ്ക്ക് ട്യൂബിടാൻ വീട്ടിലോട്ടൊന്ന് വരാവോന്ന് അടുത്തുള്ള ഹോസ്പിറ്റലിലെ സിസ്റ്ററെ വിളിച്ചു ചോദിച്ചു … അവിടെ രോഗികളുടെ തിരക്കൊഴിഞ്ഞിട്ട് വരാമെന്ന് ആ ചേച്ചി പറഞ്ഞു…മതിയെന്ന് ഞാനും..

ദിവസം മൂന്ന് കഴിഞ്ഞിട്ടും അവിടുത്തെ തിരക്കൊഴിയുന്നില്ല.. ഓണത്തിന് ചന്തേ പോയി സാധനം വാങ്ങാൻ തള്ളുന്ന പോലെ എല്ലാം കൂടെ മരുന്ന് വാങ്ങിക്കാൻ ആശൂത്രീലോട്ട് തള്ളിക്കേറുവാ..

ഒരേ ആവശ്യം പറഞ്ഞു ഞാൻ കൊറേ തവണ വിളിച്ചപ്പോ ആ സിസ്റ്റർ ചേച്ചിയ്ക്ക് ബോറടിച്ചോ എന്ന് എനിക്കൊരു സംശയം..ഇന്നലെ വിളിച്ചപ്പോ ഇന്ന് വരാമെന്ന് ഉറപ്പ് പറഞ്ഞതുമാ.. ഉച്ച വരെ നോക്കിയിട്ടും കാണുന്നില്ല..

“ഞാൻ അവരെ വിളിക്കും.. നിങ്ങള് അവരോടൊന്നു വരുവോന്ന് ചോയ്ക്കാവോ…??

പുനലൂരൊക്കെ പോയിട്ട് തിരിച്ചു വന്ന് ലേശം സ്പ്രേയുടെ മണവുമായി കസേരയിലിരിക്കുന്ന എന്റങ്ങേരോട് ഞാൻ ചോയ്ച്ചു.. മണത്തിന്റെ കൂടുതൽ കൊണ്ട് ആദ്യം അങ്ങേര് കണകൊണാ പറഞ്ഞെങ്കിലും ഞാൻ കാല്‌ പിടിച്ചപ്പോ സമ്മയ്ച്ചു..

അങ്ങേര് ആശൂത്രീലോട്ട് വിളിച്ചു ട്യൂബിടുന്ന കാര്യം പറഞ്ഞു..

“ഇച്ചിരി തിരക്കുണ്ട് അച്ഛാ.. കൊറേ കഴിഞ്ഞ് ഞാനങ്ങോട്ട് വിളിക്കാം..

ആ ചേച്ചി വിനയത്തോടെ പറഞ്ഞു..

“അച്ഛനോ,, ആരുടെ അച്ഛൻ,, ഞാനെന്നാ പെണ്ണുമ്പിള്ളേ നിങ്ങടെ അച്ഛനായത്.. എന്റെ അമ്മ നിങ്ങളെക്കാൾ എളേതാണല്ലോ.. പന്ന********…

ആ ചേച്ചി ബഹുമാനത്തിന്റെ കൂടുതൽ കൊണ്ട് അച്ഛനെന്ന് വിളിച്ചു പോയതാണ്.. ഈ പന്നങ്ങേര് വിചാരിച്ചത് ഇങ്ങേരെ വല്യപ്പനാക്കിയതാണെന്നാ..

ലങ്ങേര് അവരെ വായിൽ വന്നത് മൊത്തം പറഞ്ഞു..ഒരു സിസ്റ്ററാണെന്നത് തല്ക്കാലം മറന്നിട്ട് ആ ചേച്ചിയും ഇങ്ങേരെ നല്ല ചീ ത്ത വിളിച്ചു..അപ്പൊ ഇങ്ങേർക്ക് ഇച്ചിരി ആശ്വാസമായി..

ട്യൂബിടാൻ വേറെ ആളെ നോക്കിക്കോളാൻ അവര് പറഞ്ഞു… ഇങ്ങേരൊരാള് കാരണം നല്ലൊരു സ്നേഹബന്ധം ഇല്ലാതായി…

അവര് ഫോണും വെച്ച് ബ്ലോക്കും ചെയ്തു പോയിട്ടും ഇങ്ങേര് ചെലപ്പ് നിർത്തുന്നില്ല.. ഞാൻ അവരെക്കൊണ്ട് മന:പൂർവ്വം പറയിച്ചതാണെന്നാ ആക്ഷേപം.മഴയുടെ എരപ്പും ഇങ്ങേര്ടെ ചെലപ്പും..എങ്ങോട്ടെറങ്ങിപ്പോകും..

മൊത്തത്തിൽ വല്ലാത്തൊരു ഊദ്രമായിപ്പോയി…