അഞ്ചേട്ട് പണിക്കാർ ഉണ്ടായിരുന്നു ആ കടയിൽ ഒരാളോയിച്ചു എല്ലാവരും മലയാളികളും ഹമീദിക്കയുടെ ബന്ധുക്കളോ അയൽവാസികളോ ആയിരുന്നു…

എഴുത്ത്:- നൗഫു ചാലിയം

കഥകൾ വാട്ട്സ്ആപ്പിൽ ലഭിക്കാൻ ക്ലിക്ക് ചെയ്യൂ…

“ഹമീദിക്ക…

സവർമ്മ ക്ക് ഹെൽപ്പറായി പുതിയ ആളെ കൊണ്ടു വന്നിട്ടുണ്ടല്ലോ…? “

ഇടക്കിടെ സവർമ്മ കഴിക്കാൻ കയറുന്ന മലയാളിയുടെ കടയിൽ പുതിയ ആളെ കണ്ടു ഞാൻ ഹമീദിക്കയോട് ചോദിച്ചു…

മാസത്തിൽ അഞ്ചാറു പ്രാവശ്യമെങ്കിലും കയറുന്നത് കൊണ്ടു അവിടെ ഉള്ളവരെ എല്ലാം എനിക്ക് പരിചയമായിരുന്നു…അവർക്ക് എന്നെയും

ജ്യൂസും, സാൻഡ്‌വിച്യും… ബർഗറും ബ്രോസ്റ്റും അങ്ങനെ കുറച്ചു ഐറ്റംസ് വിൽക്കപ്പെടുന്ന കടയായിരുന്നു അത്…

കോഴിക്കോട് മുക്കത്തിന് അടുത്ത് താമസിക്കുന്ന ഹമീദിക്കയുടെ കട..”

“അഞ്ചേട്ട് പണിക്കാർ ഉണ്ടായിരുന്നു ആ കടയിൽ ഒരാളോയിച്ചു എല്ലാവരും മലയാളികളും ഹമീദിക്കയുടെ ബന്ധുക്കളോ അയൽവാസികളോ ആയിരുന്നു……

ബാക്കിയുള്ള ഒരാൾ ഒരു മിസ്രി ആയിരുന്നു.. അതായത് ഒരു ഈജിപ്ഷൻ പൗരൻ…”

“മറ്റുള്ളവരുടേത് പോലെ താഹിർ എന്ന് വിളിപ്പേരുള്ള അവനും എന്റെ കമ്പിനി ആയിരുന്നു..”

“യാ മുദീർ..

പണി കുറഞ്ഞല്ലോ ഇപ്പോ… പുതിയ സഹായിയെ കിട്ടിയല്ലോ.. “

ഞാൻ അവനോട് ചോദിച്ചത് കേട്ടു…അവനൊന്നു ചിരിച്ചു..

“പൊതുവെ മിസ്രികളെ കുറിച്ച് അധികമാർക്കും നല്ല അഭിപ്രായമല്ല ഉണ്ടാവാറുള്ളത്.. ആളുകളെ പറ്റിപ്പും എങ്ങനെ സംസാരിച്ചാലും മനസിലാക്കുവാൻ പറ്റാത്ത ഭാഷയും.. കുളിക്കാതെയും നനകാതെയുമുള്ള നടപ്പും.. കണ്ടാൽ സിനിമ നടന്മാരെ പോലെ ആണെകിലും ഒരു വൃത്തിയും ഇല്ലാത്ത മനുഷ്യരാണ് അവർ പൊതുവെ…

പക്ഷെ അതിൽ നിന്നെല്ലാം താഹിർ വിബിന്നനായിരുന്നു…ആരോടും ചിരിച്ചു കൊണ്ടേ അവൻ സംസാരിക്കൂ.. നമുക്ക് മനസിലാവുന്നില്ല എന്ന് കണ്ടാൽ വളരെ വേഗത്തിൽ സംസാരിക്കുന്ന അറബി വളരെ പതിയെ നമുക്ക് മനസിലാകുന്നത് വരെ പറഞ്ഞു തരും..”

“കുറച്ചു കാലങ്ങൾക് മുമ്പ് ഈ കട അവന്റെ ആയിരുന്നു…അന്ന് ഇത്ര ഒന്നും ഇല്ലായിരുന്നു. ഒരു ചെറിയ കട… സവർമ്മ മാത്രം കിട്ടുന്ന കുഞ്ഞു കട… ഇതിനടുത്തുള്ള രണ്ടു പീടിക മുറികൾ ഹമീദിക്ക ബൂഫിയ തുടങ്ങാനായി എടുത്തപ്പോൾ… അവന്റെ കട കൂടി വിലക്കെട്ടി എടുത്തു…അവനെ സവർമ്മ മേക്കർ ആകുകയും ചെയ്തു..”

****************

സുഹൃത്തുക്കളെ ഇതൊരു രാജ്യന്തര കഥയാണ്… അതേ താഹിറിന്റെ കഥ…

ഞാൻ സലാം… കോഴിക്കോട് തന്നെ യാണ് എന്റെ സ്വദ്ദേശം….

***************

“വീണ്ടും ഒന്ന് രണ്ടാഴ്ച കഴിഞ്ഞു ഞാൻ ആ കടയിലേക്ക് പോയി…

ആ സമയം അവിടെ ഹെൽപ്പറായി വന്നിരുന്നവൻ ആയിരുന്നു സവർമ്മ മേക്കർ..”

“ഇക്ക… താഹിർ എവിടെ പോയി…”

സാധനങ്ങൾ ടേബിളിലേക്കു സപ്ലൈ ചെയ്യുന്ന ഇക്ബാലിക്ക എന്റെ അരികിലേക് വന്നപ്പോൾ ഞാൻ ചോദിച്ചു..

“എടാ…അവനെ ഹമീദിക്ക ജോലിയിൽ നിന്നും പറഞ്ഞു വിട്ടു…”

“പറഞ്ഞു വിടുകയോ…? “

“അതേ… രണ്ടു ദിവസം മുമ്പ് പണിക് വന്നപ്പോൾ ഈ പുതുതായി വന്നവനെ പിടിച്ചു സവർമ്മ മേക്കറാക്കി അവനോട് പുതിയ ജോലി കണ്ടെത്താനും ഒരാഴ്ച കൊണ്ടു കഫാല (വിസ മാറാൻ ) മാറാനും പറഞ്ഞിരിക്കുകയാണ്..

അല്ലെങ്കിൽ ഫൈനൽ എക്സിറ്റ് അടിക്കുമെന്ന ഹമീദിക്ക പറഞ്ഞിരിക്കുന്നത്…”

ഇഖ്ബാലിക്ക ഒന്ന് നിർത്തി ചുറ്റിലുമായി ഒന്ന് നോക്കി.. ഞങ്ങളെ ആരെങ്കിലും ശ്രദ്ധിക്കുന്നുണ്ടോ എന്നാവും..

“ടാ.. നീ ഒന്ന് പുറത്തേക് വരുമോ… എനിക്ക് നിന്നോട് ഒരു കാര്യം പറയാനുണ്ട്… നീ ഭക്ഷണം കഴിച്ചിട്ട് വന്നാൽ മതി ഞാൻ മദീന സൂപ്പർ മാർക്കറ്റിൽ ഉണ്ടായിരിക്കും…

എനിക്കിനി മൂന്നാല് മണിക്കൂർ റസ്റ്റ് സമയമാണ്…”

ഞാൻ വരുമെന്നോ ഇല്ലെന്നോ പറയുന്നത് കേൾക്കുന്നതിന് മുമ്പ് തന്നെ ഇക്ക അവിടെ നിന്നും പോയി…

“ഇക്ക എന്തിനാണാവോ എന്നെ വിളിച്ചതെന്ന് അറിയാതെ ഞാൻ ഓർഡർ ചെയ്ത ബർഗർ കഴിച്ചു…”

*************

അവിടെ നിന്നും ഇറങ്ങി ഇക്ക നേരത്തെ പറഞ്ഞ സൂപ്പർ മാർക്കറ്റിലേക് ഞാൻ നടന്നു..

ഇഖ്‌ബാലിക്ക എന്നെ കാത്തെന്ന പോലെ അവിടെ തന്നെ ഉണ്ടായിരുന്നു..

“സലാമേ..

താഹിർ ആകെ കഷ്ട്ടപ്പാടിലാണ്.. അവൻ ഇവിടുത്തെ ജോലി എന്നും ഉണ്ടാവുമെന്ന് കരുതിയാണ് കഴിഞ്ഞ മാസം അവന്റെ ഭാര്യയെയും മൂന്നു കുട്ടികളെയും ഇങ്ങോട്ട് കൊണ്ടു വന്നത്.. ഈ റൂം മാസത്തെ വാടക അവൻ കൊടുത്തിട്ടുണ്ട്… പക്ഷെ… ഒരു ജോലി ശരിയാവാഞ്ഞാൽ മുന്നോട്ട് പോകുന്നത് ബുദ്ധിമുട്ടവും.. പിന്നെ റൂമിൽ നിന്നും ഇറങ്ങി കൊടുക്കേണ്ടിയും വരും..”

ഇക്ക എന്നെ ഒന്ന് നോക്കി…

“പടച്ചോനെ ഇക്ക ഇനി അവന് കടം വല്ലതും വാങ്ങി കൊടുക്കാനാണോ ഇതെല്ലാം എന്നോട് പറയുന്നതെന്ന് ഞാൻ ചിന്തിക്കാതെ ഇരുന്നില്ല…

കടം കൊടുത്തവർ തന്നെ കാണുമ്പോൾ മുങ്ങി നടക്കുകയാണ്…”

“ടാ നീ ഇവിടെ അല്ലേ…”

ഞാൻ ഇക്കയുടെ സംസാരം ശ്രദ്ധിക്കുന്നില്ലന്ന് കണ്ടു ഇക്ക എന്നോട് ചോദിച്ചു..

“ആ ഇക്ക ഞാൻ കേൾക്കുന്നുണ്ട്…”

“ടാ.. നിനക്ക് ഞാൻ പറഞ്ഞത് മനസ്സിലായോ… അവനോരു ജോലി വേണം എത്രയും പെട്ടന്ന് തന്നെ…നീ പുറത്തൊക്കെ കറങ്ങുന്നതല്ലേ… ആരോടെങ്കിലും ചോദിച്ചു ഒരു ജോലി ശരിയാക്കി കൊടുക്കുമോ അവന്…”

ഇക്ക എന്നോട് പറഞ്ഞു കൊണ്ടു എന്നെ തന്നെ നോക്കി നിന്നു…

“ഇക്ക…

ഞാൻ…ഞാനിപ്പോ എങ്ങനെയാ അവനൊരു ജോലി…”

“എനിക്കണേൽ ആരെങ്കിലും പണി ഇല്ല എന്ന് പറഞ്ഞാൽ സങ്കടാവും… എങ്ങനേലും ആരോടെങ്കിലും ചോദിച്ചും ശരിയാക്കി കൊടുക്കാറുണ്ട്..

പക്ഷെ ഇവിടെ ഒരു മിസ്രി അല്ലേ…അവന് സവർമ്മ ഉണ്ടാക്കാൻ അല്ലേ അറിയൂ.. ഇനി വേറെ എന്തെങ്കിലും. പണി ലഭിച്ചാൽ ഇവൻ പോകുമോ…”

“ടാ നീ പിന്നെയും എന്താണ് ആലോചിച്ചു നിൽക്കുന്നത്…”

ഇക്ക എന്നോട് പിന്നെയും ചോദിച്ചു…

“ഇക്ക അതെല്ല അവന് എന്ത്‌ പണി ആണെങ്കിലും മതിയോ…വല്ല ബക്കാലയിലോ.. സ്റ്റേഷനറി കടയിലോ അങ്ങനെ വല്ലതും…”

“അള്ളോ അവൻ അത് പറഞ്ഞിട്ടില്ലെടാ.
ഞാൻ അവനെ ഒന്ന് വിളിക്കട്ടെ…”

ഇക്ക അതും പറഞ്ഞു അവനെ ഫോൺ വിളിച്ചു നോക്കുവാനായി എന്റെ അരികിൽ നിന്നും മാറി..

“ഞാൻ ഒരു ജ്യുസ് എടുത്തു കുടിക്കാൻ തുടങ്ങി.”

“സലാമേ., അവൻ ഇങ്ങോട്ട് ഇപ്പോ വരാമെന്ന് പറഞ്ഞിട്ടുണ്ട് നിനക്ക് തിരക്കൊന്നും ഇല്ലല്ലോ…”

ഇക്ക അവനെ ഫോൺ ചെയ്തു എന്റെ അരികിലേക് വന്ന് കൊണ്ടു പറഞ്ഞു..

“ഹേയ് എനിക്കെന്ത് തിരക് ഇന്നത്തെ വർക്ക്‌ കഴിഞ്ഞിട്ടുണ്ട്…”

+++++

“അസ്സലാമുഅലൈക്കും…”

താഹിർ വന്ന ഉടനെ തന്നെ എനിക്കും കാക്ക ക്കും കൈ തന്നു കൊണ്ടു പറഞ്ഞു ..

ഞങ്ങൾ ആ കടയിൽ നിന്നും ഇറങ്ങി പുറത്തേക് നിന്നു..

ജൂലൈ മാസത്തിലെ ഒടുക്കത്തെ ചൂട് തലക് മുകളിൽ കത്തി ജ്വാലിച്ചു നിൽക്കുന്നുണ്ട്..

ഇക്ക ഞാൻ പറഞ്ഞത് അവനോട് ഒന്ന് കൂടേ ചോദിച്ചു..

അവന് ഏത് പണി ആണെങ്കിലും മതിയോ എന്ന്..

ആ സമയത്താണ് അവൻ മറ്റൊരു കാര്യം ഞങ്ങളോട് പറയുന്നത്…

“അവന് ഒരു കട ശരിയായിട്ടുണ്ട്… ആ കട ഒന്ന് സെറ്റ് ചെയ്യാൻ അവനെ ഒന്ന് സഹായിച്ചാൽ മതി… വെറുതെ വേണ്ടാ.. കിട്ടുന്ന ലാഭത്തിൽ പകുതി… ഒരു പാർട്ണർ ഷിപ്പ് പോലെ…”

“കടയോ.. എവിടെ.. അതിന് ഒരുപാട് ചിലവ് വരില്ലേ…”

ഞാൻ അവനോട് ചോദിച്ചു…

“ചിലവ് ഒരുപാട് ഉണ്ട്.. പക്ഷെ ആറു മാസത്തെ വാടക നൽകുവാനുള്ള റിയാലും കടയുടെ ഉള്ളിൽ ടൈൽസും കുറച്ചു മിനുക്കി പണികളും ചെയ്തു സെറ്റ് ആകുവാനുള്ള പണത്തിന്റെ ഒരു ഭാഗവും നിങ്ങൾ തന്നാൽ മതി…ബാക്കി വേണ്ടത് മുഴുവൻ ഞാൻ ചെയ്തോളാം..

എന്റെ സുഹൃത്തിന്റെ പഴയ കട ഒഴിവാക്കിയപ്പോൾ അവന്റെ റൂമിൽ കൊണ്ടു വെച്ച കുറച്ചു സാധനങ്ങൾ ഉണ്ട് അതെടുത്താൽ… സവർമ്മ മേക്കറും.. ബ്രോസ്റ്റ് മെഷീനും സെറ്റ് ആയി..”

അവൻ ഒരു പ്രതീക്ഷയോടെ ഞങ്ങളെ നോക്കി കൊണ്ടു പറഞ്ഞു..

“ഇക്ക…എന്ത് പറയുന്നു..”

ഞാൻ ഇക്ബാലിക്കയോട് അവൻ പറഞ്ഞതിൽ അഭിപ്രായം അറിയാൻ എന്ന പോലെ ചോദിച്ചു…

“സംഭവം നല്ല കാര്യമൊക്കെ തന്നെയാണ്.. പത്തു പന്ത്രണ്ടു കൊല്ലമായി ഞാൻ ഹമീദിന്റെ കൂടേ ജോലി ചെയ്യുന്നു.. ഇപ്പോഴും എന്റെ ശമ്പളം 2200 റിയാലാണ്.. ഇന്നലെ പണിക് വന്ന പുതിയ സവർമ്മ മേക്കാറിന് 3000 യിരവും…

ഇവന് നാലായിരം കൊടുത്തതിൽ ആയിരം ലഭിക്കാനാണ് പുതിയ ഒരുത്തനെ വിസക്ക് കൊണ്ടു വന്നു ഇവനെ കൊണ്ടു തന്നെ പണി പഠിപ്പിപ്പിച്ചു ഇവനെ പുറത്താക്കിയത്…

ഇനിയും അവിടെ തന്നെ നിന്നാൽ കാലം കഴിയുമെന്നല്ലാതെ എനിക്കോ കുടുംബത്തിനെ ഒരു ലാഭവും ഉണ്ടാവില്ല…

ഈ മാസത്തിൽ കിട്ടിയ കുറി യുടെ പൈസ ഉണ്ട് എന്റെ കയ്യിൽ ഞാൻ റെഡിയാണ്..”

ഇക്ക ഒരു അവസരം കാത്തു നിൽക്കുക ആയിരുന്നെന്നു തോന്നുന്നു…

“അല്ല കട എവിടെയാണ്.. “

കച്ചവടം നടക്കുന്ന സ്ഥലമാണോ എന്നറിയാനായി ഞാൻ താഹിറിനോട് ചോദിച്ചു..

“അവൻ എന്റെ നേരെ കൈ ചൂണ്ടി.. പിന്നെ പതിയെ വട്ടത്തിൽ കറങ്ങി…കറങ്ങി കറങ്ങി ഹമീദിക്ക യുടെ കടയും കഴിഞ്ഞു.. ആ കടയുടെ തൊട്ടു മുന്നിൽ അടച്ചിട്ടിരിക്കുന്ന രണ്ടു ഷട്ടർ കാണിച്ചു തന്നു.. “

“ആ കടയോ.. അത് മോശമല്ലേ…അവരുടെ മുന്നിൽ തന്നെ നമ്മളൊരു കട തുറക്കുക എന്നത്…”

അപ്പോഴാണ് താഹിർ എന്നോട് മറ്റൊരു കാര്യം പറയുന്നത്…

“കുറച്ചു കാലങ്ങൾക് മുമ്പ് ഹമീദിക്ക അവന്റെ കട കൂടേ അയാളുടെ ഷോപ്പിനോട് ചേർത്തപ്പോൾ അവനോട് പറഞ്ഞിരുന്നു…

ഈ കടയിൽ നീ ജോലിക്കാരനല്ല…എന്റെ പാട്ണർ ആണെന്ന്.. തുടങ്ങി ഒന്ന് രണ്ടു മാസം അങ്ങനെ തന്നെ ആയിരുന്നു…

പിന്നെ എല്ലാം ഇക്കയുടെ ഉള്ളനടിയിലേക് വന്നപ്പോൾ അവനെ ചവിട്ടി എല്ലാം ഒറ്റക്കാക്കി…ശമ്പളത്തിന് മാത്രമാക്കി.. അപ്പൊ അയാൾക് ഒരു തിരിച്ചടി കൊടുക്കണ്ടേ..”

അതായിരുന്നു അവന്റെ ചോദ്യം…

വിശ്വാസം പിടിച്ചു പറ്റി ചതിക്കുകയാണ് ചെയ്തത്…

പിന്നെ എല്ലാം പെട്ടന്നായിരുന്നു…

“ഹമീദിക്ക യുടെ കടയുടെ മുന്നിൽ തന്നെ പുതിയ കട ഉയർന്നു..

കെട്ടിലും മട്ടിലും ഭാവത്തിലും പുതിയ മോഡലിൽ…”

“സവർമ്മ മെക്കിങ്ങിൽ താഹിർ ഒരു പുലി ആയത് കൊണ്ടു തന്നെ അവനാണ് അവിടെ പുതിയ കട തുറന്നെതെന്നറിഞ്ഞു അവന്റെ പഴയ കസറ്റ്‌മെയ്‌സ് മുഴുവൻ അങ്ങോട്ട്‌ വന്നു തുടങ്ങി…

അല്ലങ്കിലും അസാധ്യ ടെസ്റ്റ് ആണ് അവന്റെ സവർമ്മ…

കച്ചവടം പൊടി പൊടിക്കാൻ തുടങ്ങി..

ഇഖ്‌ബാലിക്കക്കായിരുന്നു ജ്യൂസ് ഉണ്ടാകുന്ന ജോലി…

അത് മൂപ്പരും ഉഷാറാക്കി…

എനിക്ക് പിന്നെ പുറത്ത് നിന്നുള്ള തള്ള് മാത്രം മതി…

മൂന്നാല് മാസം കൊണ്ടു തന്നെ ഞങ്ങൾക് ഇറങ്ങിയ പൈസ അവൻ തന്നു… ലാഭ മായി..”

“ഹമീദിക്കയുടെ കടയിലെ സവർമ്മ ടവർ ഇപ്പോൾ പഴയ സാധനങ്ങൾ കൂട്ടി ഇടുന്ന ഭാഗത്തേക് മാറ്റിയിട്ടുണ്ട്…

പുതിയ പണിക്കാരനെ സപ്ലൈ ചെയ്യാനും നിർത്തിയിട്ടുണ്ട്…”

അല്ല പിന്നെ മിസ്രിയോടാണോ ഇക്കയുടെ കളി..

ഇഷ്ട്ടപെട്ടാൽ 👍👍👍👍

ബൈ

😍