മുന് ഭാഗം വായിക്കാന് ഇവിടെ ക്ലിക്ക് ചെയ്യൂ
ഗംഗയോട് പൊരുത്തപ്പെടാൻ ഹരിക്ക് കഴിഞ്ഞില്ല.
ഹോസ്പിറ്റൽ ആയതുകൊണ്ട് ഹരി തന്റെ അമർഷം മനസ്സിലൊതുക്കി.
ഗംഗേ ഞാൻ ഒരു നാരങ്ങാവെള്ളം കുടിക്കാൻ പോകുവാ…… നീ വരുന്നുണ്ടെങ്കിൽ വാ….. എന്തെങ്കിലും ആവശ്യമുണ്ടെങ്കിൽ അവര് ഫോണിൽ എന്നെ കോൺടാക്ട് ചെയ്തോളും…..
ഹരിയോട് ഗംഗ പ്രത്യേകിച്ചൊന്നും പറയാതെ അവന്റെ പിന്നാലെ നടന്നു.
ഹരിയേട്ടാ എന്റെ ഡ്രസ്സ് ഫുൾ ചോരയാ…… ഇവിടെ അടുത്തെങ്ങാനും തുണിക്കടയുണ്ടെങ്കിൽ എനിക്ക് ഒരു ചുരിദാർ വാങ്ങണം.
ഹരി അപ്പോഴാണ് ഗംഗയുടെ ഡ്രസ്സ് ശ്രദ്ധിച്ചത്….. ഓ….. ഞാൻ അത്രയ്ക്കങ്ങോട്ട് ശ്രദ്ധിച്ചില്ല…… നീ ഒരു കാര്യം ചെയ്യ് കാറിലേയ്ക്ക് കയറിക്കോ…. ഞാൻ ആ നഴ്സിനോട് ഒന്ന് പറഞ്ഞിട്ടുവരാം.
ഗംഗ കാറിനരുകിലേയ്ക്ക് പോയി. ഹരി നഴ്സിനോട് ഒരു മണിക്കൂറിനുള്ളിൽ തിരിച്ചെത്താമെന്നറിയിച്ചു.
അടുത്തുള്ള തുണിക്കടയിൽ നിന്ന് ഹരിയുടെ ഇഷ്ടപെട്ട നിറത്തിലുള്ള ചുരിദാർ ആണ് വാങ്ങിയത്. ആ കടയിൽ നിന്ന് തന്നെ ഗംഗ ഡ്രസ്സ് മാറി. അവിടെ നിന്ന് അടുത്തുള്ള ഒരു ഹോട്ടലിൽ കയറി ഭക്ഷണം കഴിച്ച് അര മണിക്കൂറിനുള്ളിൽ ഹോസ്പിറ്റലിൽ തിരിച്ചെത്തി.
ഹരിയോ ഗംഗയോ പരസ്പരം ഒന്നും സംസാരിച്ചില്ല.
മണിക്കൂറുകൾ കഴിഞ്ഞുപോയി. ഡോക്ടർമാരും നഴ്സുമാരും അതുവഴി പരക്കം പാഞ്ഞു നടക്കുന്നതല്ലാതെ ആരും ഒരു വിവരവും പറയുന്നില്ല.
ഗംഗയുടെ ചങ്കിടിപ്പ് കൂടി…… ഹരിയേട്ടാ ഡോക്ടറോട് ഒന്ന് ചോദിക്ക്……
ഹരി മനസ്സില്ലാ മനസ്സോടെ കസേരയിൽ നിന്നെഴുന്നേറ്റു…..
ഐ സി യു വിൽ നിന്നിറങ്ങി വന്ന നഴ്സിനോട് ഹരി കാര്യങ്ങൾ വിശദമായി തിരക്കി. കുറച്ചുകഴിഞ്ഞ്ഡോ ക്ടർ സാറിനോട് സംസാരിക്കും എന്ന് പറഞ്ഞ് അവർ പെട്ടെന്നുതന്നെ അവിടെനിന്നു ഒഴിഞ്ഞു മാറി.
ഗംഗ നീ വിചാരിക്കുന്നതുപോലെ അല്ല കാര്യങ്ങൾ….. അനന്തുവിന് എന്തോ കാര്യമായി സംഭവിച്ചിട്ടുണ്ട്. സ്നേഹ ദീപത്തിലെ സിസ്റ്ററിന്റെ നമ്പർ ഉണ്ടെങ്കിൽ നീ അവരെ ഒന്ന് വിളിക്ക്.കാര്യങ്ങൾ അവരെ അറിയിക്കണ്ടേ…
പിന്നെ അറിയിക്കണം….. ഹരിയേട്ടന് നാണമാകുന്നില്ലേ…… ഞാനാണോ അവിടെ വിളിച്ചു പറയേണ്ടത്?
കോളേജിൽ നിന്നല്ലേ? അവിടെ വച്ച് ഒരപകടം നടന്നിട്ട് ഇത്രയും നേരമായിട്ടും മാനേജ്മെന്റിന്റെ ഭാഗത്തുനിന്നും അവരെന്തെങ്കിലും ചെയ്തോ? ഗംഗ അമർഷത്തോടെ ചോദിച്ചു.
ഹരിയുടെ മുഖം ദേഷ്യത്താൽ ചുവന്നു. ഗംഗേ നിന്റെ കയ്യിൽ സ്നേഹദീപത്തിലെ നമ്പർ ഉണ്ടോ എന്നാ ഞാൻ ചോദിച്ചത്? ഉണ്ടെങ്കിൽ ഇപ്പോൾ നീ അവരെ കാര്യം അറിയിക്ക്.ഇനി നിനക്ക് വയ്യെങ്കിൽ നമ്പർ എന്റെ കയ്യിൽ താ. ഞാൻ വിളിച്ചു പറയാം.
വിറയാർന്ന കൈകൾ കൊണ്ട് ഗംഗ ഫോണിൽ നിന്ന് സ്നേഹദീപത്തിലെ നമ്പർ എടുത്തു.
നമ്പർ ഡയൽ ചെയ്തു.റിങ്ങ് ചെയ്യുന്നുണ്ട് ഹരിയേട്ടാ….. സിസ്റ്ററിനോട് എങ്ങനെ പറയും? എന്റെ കയ്യും കാലും വിറക്കുന്നു. ഗംഗ അവളുടെ നിസ്സഹായവസ്ഥ
ഹരിയെ അറിയിച്ചു. അപ്പോഴേക്കും സിസ്റ്റർ ലിനെറ്റിന്റെ ശബ്ദം മറുതലയ്ക്കൽ കേട്ടു.?
ഹലോ……. ആരാ സംസാരിക്കുന്നത്?
സിസ്റ്റർ ലിനെറ്റല്ലേ? ഞാൻ…. ഞാൻ….. ഗംഗ അനന്തുവിന്റെ ക്ലാസ്സ്മേറ്റ് ആണ്.
ആ ഗംഗ മോളാണോ?
അനന്തു പറഞ്ഞ് മോളെ ഇവിടെ എല്ലാവർക്കും അറിയാം. പറഞ്ഞോ മോളേ…. എന്താ ഇപ്പോൾ വിളിച്ചത്?
അത്… അത്… സിസ്റ്ററെ…… നമ്മുടെ അനന്തുവിന് ഒരു ആക്സിഡന്റ്……
ഇവിടെ സിറ്റി ഹോസ്പിറ്റലിൽ ആണ്…….. ഞങ്ങൾ ഹോസ്പിറ്റലിൽ ഉണ്ട്.
ഹലോ…… സിസ്റ്ററേ….. ഹലോ……
മറുതലയ്ക്കൽ നിന്ന് ഒരു തേങ്ങൽ മാത്രമാണ് കേട്ടത്……..
തുടരും………..
