എഴുത്ത്:-;നൗഫു ചാലിയം
“ഉപ്പിച്ചി…
നമുക്ക് വെള്ള ചാട്ടം കാണാൻ പോകുമ്പോൾ ഇക്കാക്കയെ കൂടേ കൊണ്ടു പോയാലോ..…”
വസ്ത്രം മാറ്റി ഇറങ്ങാനായി പറഞ്ഞവൻ കയ്യിലൊരു പാന്റുമായി എന്റെ അരികിൽ വന്നത് കേട്ടപ്പോൾ ഞാൻ അവനെ നോക്കി…
“ഏത് ഇക്കാക്കനെ…?”
ഞാൻ അവന്റെ പാന്റ് ധരിപ്പിക്കുന്നതിനിടയിൽ അവനോട് ചോദിച്ചു…
“എന്റെ ഇക്കാക്കാനേ…
മൂത്താപ്പന്റെ വീട്ടിൽ പോയി കൂട്ടിയിട്ട് പോകാം…
ഇക്കാക്ക ഇന്നാള് കണ്ടപ്പോ പറഞ്ഞിരുന്നു വെള്ള ചാട്ടം കാണാൻ പൂതിയാകുന്നുണ്ടെന്ന്…”
“നമുക്ക് പോയി നോക്കാട്ടോ.
അവനെയും കൂടേ കൂട്ടാം…”
“അവനെക്കാൾ രണ്ടു വയസ്സിനു മൂത്തതാണ് എന്റെ ജേഷ്ഠന്റെ മകൻ ജാസി..
മോൻ നിഹാലിനു നാലു വയസും. “
“എന്റെ കാറിൽ കയറി ഞങ്ങൾ തറവാട്ടിലേക് വിട്ടു…”..
അവിടെയാണ് ഇക്കയുടെ കുടുംബം താമസിക്കുന്നത് കൂട്ടിന് ഉമ്മയും ഉണ്ട്…
“ഇത്താത്ത അവനെ എന്റെ കൂടേ വിടുമോ എന്നൊന്നും അറിയില്ല.. എന്നാലും വിളിച്ചു നോക്കാം.. “
“എന്റെ പെണ്ണാണെൽ കുറച്ചു ദിവസമായി ഓളെ വീട്ടിലാണ്..
ഈ ഗർഭം എന്നൊരു രോഗം വന്നത് മുതൽ ഓൾക് ഇല്ലാത്ത പ്രശ്നമില്ല…
ഞാൻ അടുത്തേക് വന്നാൽ പോളും സ്മെൽ പറ്റാതെ വാഷ് ബേസിലേക് ഓടി ഓക്കാനിക്കുന്നത് കാണാം…
അത് മറ്റൊന്നും കൊണ്ടല്ല ഞാൻ ഏതേലും നല്ല മണമുള്ള സ്പ്രൈ അടിച്ചയിരിക്കും അവളുടെ അടുത്തേക് ചെല്ലുക.. അത് മണത്താൽ ഓൾക് ഛർദിയും ഇളകും..
ഇനി ഇങ്ങളും മോനും കുറച്ചു ദിവസം ഒറ്റക് നിൽക്കെന്നും പറഞ്ഞു പോയതാണ് അവൾ..
പോകുമ്പോൾ ഇവനെ കൂടി കൊണ്ടു പോകാൻ പറഞ്ഞെങ്കിലും ഇങ്ങള് അങ്ങനെ സുഖിക്കണ്ട എന്നായിരുന്നു അവളുടെ മറുപടി…”
“നേരെ തറവാട്ടിലേക് എത്തി…
പുറത്ത് തന്നെ എന്റെ ഉമ്മ ഇരിക്കുന്നുണ്ട്..”
“ഉമ്മ.. ജാസി മോൻ എവിടെ…”
“ജാസി ഇവിടെ ഉണ്ടല്ലോ മോനേ…”
“ജാസി… ജാസി…”
ഉമ്മ ഇരുന്നിടത് നിന്നും എഴുന്നേറ്റ് ഉറക്കെ വിളിച്ചു വീടിനുള്ളിലേക്ക് പോയി..
“സഹീറെ..
എങ്ങോട്ടാടാ…”
ഇക്കയുടെ ഭാര്യ.. സജ്ല ഇത്ത ഞാൻ വന്നതറിഞ്ഞു വീടിനുള്ളിൽ നിന്നും ഇറങ്ങി വന്ന് എന്നോട് ചോദിച്ചു…
“ഹേയ്.. ഞങ്ങൾ രണ്ടാളും ഒന്ന് പുറത്ത് പോവുകയാ ഇത്ത. അപ്പൊ ജാസി യെ കൂടേ കൂട്ടമെന്ന് കരുതി…
അവനില്ലേ ഇവിടെ…”
“അവനിവിടെ ഉണ്ടായിരുന്നല്ലോ… എന്നോട് പിണങ്ങി നടക്കുകയാ ഓൻ ..”
അത് പറയുമ്പോൾ ഇത്തയുടെ കണ്ണുകൾ നിറഞ്ഞിരുന്നു…
“എന്താ ഇത്ത…
എന്താ പ്രശ്നം?…”
ഇത്തയുടെ കണ്ണുകൾ നിറയുന്നത് കണ്ട ഉടനെ തന്നെ ഞാൻ ചോദിച്ചു…
” ഈ ആഴ്ച സ്കൂളിൽ നിന്നും വൺ ഡേ ടൂർ കോഴിക്കോട് പോകുന്നുണ്ടെന്നും പറഞ്ഞു നിന്നിരുന്നു…
ഉറപ്പിക അഞ്ഞൂറ് വേണമെന്ന പറയുന്നത്…
ഞാൻ എവിടുന്നാ അതുണ്ടാക്കുക…
നീ ഈ രണ്ടു കുടുംബവും മുന്നോട്ട് കൊണ്ടു പോകാൻ എത്ര കഷ്ടപെടുന്നുണ്ടെന്ന് എനിക്കറിയാം…
നിന്നോട് ചോദിക്കുന്നതിനും എനിക്കൊരു പരിധിയില്ലേ ടാ…”
ഇത്തയുടെ കണ്ണിൽ നിന്നും കണ്ണുനീർ തുള്ളികൾ ഊർന്നിറങ്ങിയിരുന്നു ആ സമയം..
“നാലു മാസം മുമ്പ് ഇക്ക പടച്ചോന്റെ അടുത്തേക് പോയത് മുതൽ ഈ വീടും എന്റെ ചുമലിലാണ്…
അവർക്ക് വേണ്ട എന്താവശ്യവും ഞാൻ നടത്തി കൊടുക്കാറുമുണ്ട്…
പക്ഷെ ഇങ്ങനെ ഒരു ആവശ്യം എന്നോട് ചോദിക്കുന്നത് ഒരു അനാവശ്യ ചിലവ് ആണെന്ന് ഇത്താക്ക് തോന്നിയത് കൊണ്ടായിരിക്കുമല്ലോ…
ചോദിക്കാതെ ഇരിക്കുന്നത്.. “
“അള്ളോ… അതിനെന്താ ഇത്ത…അവൻ എന്റെ മോൻ അല്ലേ… അവന് ടൂർ പോകാൻ ആഗ്രഹം ഉണ്ടേൽ പൊയ്ക്കോട്ടോ എന്നും പറഞ്ഞു ഇത്തയുടെ കയ്യിൽ അവന് വേണ്ട പൈസയും ഏൽപ്പിച്ചു.. “
ആ സമയം തന്നെ ജാസി അങ്ങോട്ട് വന്നു..
“ഇക്കാക്കാ… ഇക്കാക്ക വാ…നമുക്ക് വെള്ളച്ചാട്ടം കാണാൻ പോകാം.. ഉപ്പിച്ചി നമ്മൾ രണ്ടു പേരെയും കൊണ്ടു പോകാമെന്നു സമ്മതിച്ചു…
വാ.. വേം മാറ്റ്…”
“അവൻ അവിടുന്ന് പോകാതെ അവന്റെ ഉമ്മയെ നോക്കി…
ഇത്താത്ത സമ്മതം കൊടുക്കാതെ അവൻ മാറ്റില്ലെന്ന് എനിക്കറിയാം..
ഉമ്മി സമ്മതിച്ചിട്ടുണ്ട് ജാസി..
മോൻ മാറ്റിയിട്ട് വാ..
ഉമ്മയുടെ സമ്മതം ഞാൻ വാങ്ങിച്ചിട്ടുണ്ടെന്ന് അറിഞ്ഞു അവൻ സന്തോഷത്തോടെ വീടിനുള്ളിലേക് പോയി ഡ്രസ്സ് മാറ്റി വന്നു.. “
“കുറേ ദിവസങ്ങൾക് ശേഷം അവന്റെ മുഖത് ഒരു സന്തോഷം കാണുന്നത് അന്നായിരുന്നു
റൂമിൽ നിന്നും പുറത്തേക് ഇറങ്ങി വരുമ്പോൾ അവന്റെ കയ്യിൽ ഞാൻ നേരത്തെ ഇത്തയെ ഏൽപ്പിച്ച പൈസ ഉണ്ടായിരുന്നു..
അവൻ ആ പൈസ എന്റെ നേരെ നീട്ടികൊണ്ട് പറഞ്ഞു..
ഈ പൈസ ആപ്പാപ്പ കയ്യിൽ വെച്ചോ…
സ്കൂളിൽ നിന്നും ടൂർ പോകുന്നതും വെള്ള ചാട്ടം കാണാനാണ്…
എനിക്കെല്ലാം കാണിച്ചു തരാൻ എന്റെ ഉപ്പയെ പോലെ എന്റെ എളാപ്പ ഇല്ലേ…
എനിക്ക് സ്കൂളിൽ നിന്ന് ടൂർ പോകണ്ട…”
അവൻ അതും പറഞ്ഞു എന്നെ കെട്ടിപിടിച്ചു കരഞ്ഞു…
ആ സമയം തന്നെ വീടിനുള്ളിൽ നിന്നും എന്റെ ഉമ്മയും ഇത്ത യും ഇറങ്ങി വന്നിരുന്നു… അവരുടെ കണ്ണുകളും നിറഞ്ഞു പോയിരുന്നു..
” ഹേയ്..
ജാസി കരയണോ…
എന്റെ മോനെന്തിനാ കരയുന്നത്…”
അവന്റെ പുറത്ത് മെല്ലെ തട്ടി കൊണ്ടു ഞാൻ തുടർന്നു..
“എന്റെ ജാസി യുടെ ഉപ്പ തന്നെയാണ് ഞാൻ…
എന്റെ മോന് എന്തേലും ആവശ്യം ഉണ്ടേൽ ഉപ്പിയല്ലേ നടത്തി തരേണ്ടത്…
ഈ പൈസ സ്കൂളിൽ കൊടുത്തു കൂട്ടുകാരെ കൂടേ പോയി ടൂർ അടിച്ചു പൊളിക്കണം…
കേട്ടോടാ…”
കണ്ണുകൾ നിറഞ്ഞു തുളുമ്പിയായിരുന്നു ഞാൻ അവനോട് അത് പറഞ്ഞത്…
നിറഞ്ഞു തുളുമ്പിയ കണ്ണുകൾ തുടച്ചു മാറ്റി അവനെ നോക്കി ഞാൻ പുഞ്ചിരിച്ചു…എന്നിട്ട് പറഞ്ഞു..
“ഇപ്പൊ നമുക്ക് മൂന്നു ആൾക്കും കൂടേ പോയി അടിച്ചു പൊളിക്കാം…
എന്തെ…”…
അവനെ ചിരിപ്പിച്ചു കൊണ്ടു ഉമ്മയോടും ഇത്തയോടും സലാം പറഞ്ഞു പുറത്തേക് ഇറങ്ങി…
ഞങ്ങളുടെ സന്തോഷങ്ങളിലേക്…”
ഇഷ്ടപ്പെട്ടാൽ 👍👍👍
ബൈ
…☺️
